Loen 114:2 - LAWA A BOO SONBORE

² Zudaa gána na á Dɛnaa a bǎã sonbore baa. Izirayeli gána ná a wɔ baa.

LAWA A BOO SONBORE 2011

² Zudaa gána na á Dɛnaa a bǎã sonbore baa. Izirayeli gána ná a wɔ baa.

Loen 114:2 ပူးပေါင်းရင်းမြစ်များ

Bɔ bɛ̀rɛbaa nɛ 15:17

N nə n die woe ǹ ne, n nə́ ǹ kaa kele kɛ la, kele mɛn lɛ bɛ́ n din wɔ lɛa. Dɛnaa, n din nə n bɛa bǎã kɛ lɛ zɛnaa, mà nsɛ n die giɛ̃ a nɛ, n nə n din guguru kɔ ǹ bǎã koa a nɛ.

Bɔ bɛ̀rɛbaa nɛ 25:8

Izirayeli nɛnyaanan lɛn tá re ma guguru kɔ ǹ bǎã zɛnɛɛ, ma á re goɛ̃ ǹ bii.

Bɔ bɛ̀rɛbaa nɛ 6:7

Ma á re ǹ sii, ǹ goã ma din a zaman lɛa, ma dɔ goã ǹ dɔn Lawa lɛa. Ǹ tá re doɛ̃, mà ma din Dɛnaa lɛ nə ǹ Lawa lɛa, Lawa mɛn bɛ́ ǹ boe Ezipti minin nɔmaa ǹ dín li.

Lawa a wúlu-bɔlen 11:45

A giala, ma din Dɛnaa Lawa n ma ka waa má ka bɔ Ezipti gána nɛ, màn mɛn bɛ́ toɛ, ma kaa Lawa baa. Bɛ lɛ taman yii, ka doamaa nɛ ka goã masɛ wɔbaa nɛ, a giala, man yoreene.

Timəə dí-pɛn 23:14

Yala fɔ̃ ǹ màn doamaa nɛ a goã kun ka zia-baalin lɛn gogoonmaa a mànan nɛ. Bɛ̀ ǹ mɛn woo gòɛrɛ kɔ, a yala fɔ̃ nɛ, bɛ kio a tii nyanaa nɛ, bɛ̀ a kɔ a gòɛrɛ lɛ.

Timəə dí-pɛn 27:12

– Bɛ̀ ká Zurdɛ̃ tà lɛ kuru ǹ mɛn waáraa, tɔrɔn mɛnɛn bɛ́ re golee Garizimu kele kɛ la ǹ lɛn bǐɛ̃ bíi zaman lɛ li, bɛn man ka kɛn nɛ: Simiɔn tɔrɔn manɛ, Levii tɔrɔn nɛ, Zudaa wɔn nɛ, Isakaara wɔ nɛ, Zozɛfu laanka Bɛnzamɛn tɔrɔn nɛ.

Timəə dí-pɛn 27:9

Bɛ kio, Muizu laanka *Levii tɔrɔn kɛn nɛ Lawa a wúlu-bɔlen lɛa, ǹ nə́ boo da Izirayeli minin tumaa nɛ ǹ nə́ pɛ: «Izirayeli minin lɛn, ka golee, ka n too kɔ! Pelo, ka kaa Lawa, Dɛnaa Lawa lɛ a zaman baa.

Timəə dí-pɛn 7:6

Kaa Lawa, Dɛnaa Lawa din na á ka bɔ á ka koa a din wɔ lɛa. A din na á ka bɔ tɔrɔ kɔsɔn kɛn tumaa bii kanaa, màn mɛn bɛ́ toɛ, ka a dinsɔɔ̃ gɔn màn baa.

Sii-nyaan 21:3

Má lɛn kaka goon ma boe kii dankan paǹ li, a n pii: «Kanna, Lawa a giã ǹ bǎã lɛ á ke minbuiinin bii! A n die giɛ̃ kunun ǹ ni, ǹ ná a din a zaman baa. Lawa dinmaa n die goɛ̃ kunun ǹ ni, a ǹ Lawa baa.