Loen 112:4 - LAWA A BOO SONBORE

⁴ Wɔlɔ tì li, a n tɛ fúlu boe min pepere kɔsɔn manɛ. A n min pepere lɛa, min bǐɛ̃ lɛa, makara doɛ̃ wole lɛa.

LAWA A BOO SONBORE 2011

⁴ Wɔlɔ tì li, a n tɛ fúlu boe min pepere kɔsɔn manɛ. A n min pepere lɛa, min bǐɛ̃ lɛa, makara doɛ̃ wole lɛa.

Loen 112:4 ပူးပေါင်းရင်းမြစ်များ

Zɔbu 11:17

N tá kanaa lɛ á re n biɛ ka penleen wasa bɛ́ lɔn. Wɔlɔ tì din tá re n biɛ ka baayɛlɛ bɛ́ lɔn.

Zɔbu 22:28

Bɛ̀ ń sii mɛn koa n yɔrɔ-a, bɛ n giala yii. Bɛ̀ ń zii mɛn saa, wɔlɔ fúlu á die boe bɛ la.

Zɔbu 29:3

A din a bolon kɛ bɛ á goã ma mìi la, má goã tɔ we bɛ lɛ a fúlu li tèlò-n.

Loen 106:1

Aleluya, ka Dɛnaa Lawa tɔ bɔ! Ka Dɛnaa Lawa guguru kɔ, a giala a sii á kɔɔ̃nɛ, a kɔn-narɛɛ gole kɛ n goɛ̃ yǎa duduu.

Loen 116:5

Dɛnaa Lawa n makara doɛ̃ wole sonbore lɛa. Wɔa Lawa lɛ n makara boe min ganaa.

Loen 145:17

Dɛnaa Lawa a sii tumaa n pepere, a zɛnaa ǹ sii tumaa n siĩni.

Loen 37:6

Ǹ kɔn pinaa, á re n peperebaa nyɛɛ foaãnɛ, ka wɔlɔ bɛ́ fúli baayɛlɛ lɔn, á re sonbore koe n la, minin nə yɛ ka wasa bɛ́ lɔn penleen tiɛɛ̃n nɛ.

Loen 97:11

Lawa a bǐɛ̃baa n yui, min pepere a lɛa, ka tɛ fúlu bɛ́ lɔn, bɛ n nyɛnyɛɛ koe gɔ́ɔ̃ fudɛnan la.

Suusun 21:21

Min mɛn bɛ́ giɛ peperebaa li ka sonborebaa nɛ, bɛ á re nyin sasa yii, peperebaa ka gugurubaa nɛ.

Izayii 50:10

Die n nyɛ́ɛ biɛ Dɛnaa Lawa yii-n ka bii? Bɛa Dɛnaa doamaa nɛ a n too kɔ a dí-nyali lon. Die n tɔ we tèlò-n, tɛ fúlu goon ná a banban? Bɛa Dɛnaa doamaa nɛ a golee Dɛnaa Lawa li, a n foo doa a Lawa ganaa.

Izayii 58:10

bɛ̀ n tá n màn-bii gii kɔn ka bòonaan nɛ, bɛ̀ n ga nɔmaa-wɔlen walan, ka bɛ-n kəni, n tɛ fúlu á re boe tèlò-n, nsɛ a wɔlɔ tì n die goɛ̃ ka penleen bɛ́ lɔn.

Izayii 58:8

Ka bɛ nɛ, n wɔlɔ fúlu n die yui tán ka baayɛlɛ a wɔlɔ fúlu bɛ́ lɔn. N baayɛrɛ lɛ á re nyɛɛ fufuu. N peperebaa á re n nyɛɛnaan boe, Dɛnaa Lawa a gugurubaa kɔ n kio lɛ.

Luku 6:36

Ka makara bɔ kɔn-a, ka kaa Díi Lawa bɛ́ makara doɛ̃ lɔn.

Zaã a sɛ́wɔ 12:46

Man má daa kanaa kɛ gɔ́ɔ̃ nɛ, ka wɔlɔ fúlu bɛ́ lɔn, màn mɛn bɛ́ toɛ, bɛ̀ min mɛn golee masɛ li, bɛa dɛnaa baran goã wɔlɔ tì li doo wa.

Efɛɛzi minin 4:32

Ka min bǐɛ̃ baa kɔn ganaa ka foo sonbore ne. Ka sii toa kɔn nɛ, ka Lawa bɛ́ á toa wɔ-n lɔn Krita wɔbaa gɔ́ɔ̃ nɛ.

Efɛɛzi minin 5:15

Ka n yiri kɔ kaa giã ǹ gɔn li parsiini. Ka baran n dinin nyaa ka yiri baãnaan bɛ́ lɔn wa, sɛnɛ, ka n dinin nyaa ka sii-dɔ̃lin bɛ́ lɔn.

Efɛɛzi minin 5:9

Wɔlɔ fúlu bɛ́ sii mɛn koe, bɛ n ka min bǐɛ̃baa nɛ, peperebaa nɛ, ka sonbore ne.

Zaã1 2:29

Ka á doɛ̃ mà Krita n pepere. Ka dɔ̃ dɔn mà min mɛn dɔ bɛ́ sii pepere zɛnɛɛ, mà bɛ n Lawa a nɛ lɛa.

Zaã1 3:10

Màn mɛn bɛ́ Lawa a nɛnyaanan laanka Sɛtaan a nɛnyaanan boe kɔn lɛ panparaanɛ, bɛ á ke: Min mɛn bɛ́ a ba sii pepere zɛnɛɛ wa, a ná a ba ǹ dɔɔ̃n narɛ wa, bɛ bie Lawa a nɛ lɛa wa.

Zaã1 3:7

Maa nɛnyaanan lɛn, ka baran toa min kɔ́n ka yiri sã wa. N mɛn bɛ́ sii pepere zɛnɛɛ, n dinmaa dɔ n pepere ka Krita bɛ́ pepere lɔn.