Loen 110:4 - LAWA A BOO SONBORE

⁴ Dɛnaa Lawa na á n liɛ kɛnɛn, a ba re wusii a boo dɔ kio wa: Ma n wúlu-bɔle lɛa yǎa duduu, ka Mɛlkizedɛki wɔ bɛ́ lɔn.

LAWA A BOO SONBORE 2011

⁴ Dɛnaa Lawa na á n liɛ kɛnɛn, a ba re wusii a boo dɔ kio wa: Ma n wúlu-bɔle lɛa yǎa duduu, ka Mɛlkizedɛki wɔ bɛ́ lɔn.

Loen 110:4 ပူးပေါင်းရင်းမြစ်များ

Siin Giala 14:18

Mɛlkizedɛki mɛn bɛ́ á goã Salɛmu kiwi a kii lɛa, Lon a Lawa a wúlu-bɔle dɔ lɛa, bɛ́ daa màn-bii laanka yɔ nɛ.

Loen 132:11

Dɛnaa Lawa nə́ n liɛ Davida nɛ, taãn dɔ nɛ, a die n lɛ boe wa. A liɛ mɛn wɔ, á ke: N din gɔ́ɔ̃gɔ́ɔ̃ ǹ nɛ nɛ, ma á re koɛ n kii dankan lɛ la.

Zakarii 6:13

Sonbore, a din nə die Dɛnaa Lawa a kion lɛ doe. Á re kii dɔnkɛn we, a giã kii dankan la, a nyɛɛnaan bɔ. Lawa a wúlu-bɔle goon tá re giɛ̃ a genli, kii dankan la, ǹ tá re kɔn miɛ̃ parsiini.

Minin nimi 23:19

Lawa bie min lɛa, a tɔn soɛ bɔ wa! A bie minbuiin nɛ lɛa, a tɔn wusoo a kio-n wa! A ba boo diɛ, bɛ̀ a ná a ba a lɛ piɛ̃ wa! A boo diɛ a n lɛ bɔ wa!

Ebrəə 5:6

Á pɛ-n doo sɛ́wɔ bǎã kɔsɔ nɛ: «Ma n wúlu-bɔle lɛa yǎa duduu ka Mɛlkizedɛki wɔ bɛ́ lɔn.»

Ebrəə 6:20

Yezu na á woo walan, wɔ nyɛɛnɛ, wɔ dinin lɛa. A din na á wúlu-bɔlen kiã baa yǎa duduu, a ná a lɛa ka Mɛlkizedɛki bɛ́ lɔn.

Ebrəə 7:11

Lawa na a dí-pɛn mɛnɛn kɔ Izirayeli tɔrɔ minin la, bɛn giala wɔ ǹ bǎã na á goã ka *Levii tɔrɔn wúlu-bɔlebaa nɛ. Sii mɛn doamaa bɛ́ nɛ a n zɛnaa, bɛ̀ Levii tɔrɔn wúlu bɔ lɛ na a boo la, á bɛ zɛnaa yǎa a lɛ pã wa. Bɛ̀ a na á baa miɛ̃, bɛ̀ mìi ba wúlu-bɔle tɔrɔ kɔsɔ a daa la wa. Wúlu-bɔle mɛn bɛ́ ka Mɛlkizedɛki bɛ́ lɔn, a ná a ba kɔnboe ka Aarɔn nɛ wa.

Ebrəə 7:17

Sonbore, Lawa a boo n pii a wɔ gɔn la: «Ma n wúlu-bɔle lɛa yǎa duduu ka Mɛlkizedɛki wɔ bɛ́ lɔn.»

Ebrəə 7:21

Sɛnɛ, Yezu sɛ bɛ́ biɛ, Lawa din na á n liɛ, Lawa mɛn pɛ a wɔ gɔn la: Dɛnaa Lawa din na á n liɛ, a re n lɛ boe dɔn wa: «Ma n wúlu-bɔle lɛa yǎa duduu.»

Ebrəə 7:28

Muizu a Dí-pɛn lɛn man minbuiin nɛn koɛ wúlu-bɔlen kiãn lɛa. Wɔ á doɛ̃ minbuiin nɛ n sã wole lɛa. Sɛnɛ, Lawa din na a liɛ ǹ boo mɛn da Dí-pɛn lɛn kɔ kio, bɛ na á ná a din a Nɛgiĩ koa wúlu-bɔlen kiã lɛa. Bɛa Nɛgiĩ lɛ na á sii din tumaa zɛnaa a lɛ-pã wole baa yǎa duduu.

Sii-nyaan 1:6

Á wɔ bɔyaa á wɔ baa kiin lɛa, kun ka a din ni a kiibaa ǹ bǎã nɛ. Á wɔ baa Lawa a wúlu-bɔlen dɔn lɛa, mà wɔ dí nya ǹ Di Lawa nɛ. Gugurubaa laanka pàãyiidɛnaabaa goã Yezu Krita wɔ lɛa baraabaraa yǎa duduu! A n miɛ̃!