Loen 11:4 - LAWA A BOO SONBORE

⁴ Sɛnɛ, Dɛnaa Lawa tá a giã ǹ bǎã sonbore kɛ nɛ. A tá a kiibaa ǹ bǎã kɛ-n lon, a yii tá min tumaa ganaa, á giɛ minbuiinin zɛnaa ǹ sii ganaa.

LAWA A BOO SONBORE 2011

⁴ Sɛnɛ, Dɛnaa Lawa tá a giã ǹ bǎã sonbore kɛ nɛ. A tá a kiibaa ǹ bǎã kɛ-n lon, a yii tá min tumaa ganaa, á giɛ minbuiinin zɛnaa ǹ sii ganaa.

Loen 11:4 ပူးပေါင်းရင်းမြစ်များ

KZS1 17:5

A giala, ma tɔn giã kion wa, a kũ ma Izirayeli bɔ lɛawaa mɛn, li a da kaa pelo lɛ, man má goã bǎãn koe kɔn lɛ, mɔnaa kion ne má giã a nɛ.

KZS2 16:9

A giala, Dɛnaa Lawa n giɛ tán la, kanaa paǹ tumaa ganaa, min mɛnɛn bɛ́ narɛ ka ǹ foo tumaa nɛ, a n dɔ bɛn lɛ. Sisia kəni, ń baãnaabaa zɛnaa. Bɛ lɛ nɛ, a kũ sisia ganaa, n zɔ́ɔn man die yui n gialaa ka zia nɛ.»

Zɔbu 24:23

Lawa n zɛnɛɛ ǹ taasɛ mà ǹsɛn tá là nyantoro la, sɛnɛ, a n giɛ ǹ tɔ wɔ ǹ gɔn ganaa.

Loen 103:19

Dɛnaa Lawa ná a kii dankan koa lon, a n kii lɛa màn tumaa mìi la.

Loen 113:5

Die n ka wɔsɛn Dɛnaa Lawa lɛ bɛ́ lɔn? Min kɔn! A n giã-n lon a kii dankan la.

Loen 139:23

Lawa, ma gɔsɛ, n ma gɔ́ɔ̃ dɔ̃. N da ma gɔ́ɔ̃ li, n maa taasiɛ dɔ̃.

Loen 14:2

Dɛnaa Lawa nə́ n toa lon a ga minbuiinin ganaa, a n giɛ bɛ̀ yiridɛnaa goon tá ǹ bii, bɛ̀ yiridɛnaa tá ǹ bii, á n giɛ Lawa li.

Loen 18:6

Bǎã babaraa kɛ gɔn na á goã ma ganaa, gɛ̀ na á goã á kan koa ma nyɛɛnɛ.

Loen 2:4

Sɛnɛ, Dɛnaa Lawa mɛn bɛ́ kiibaa la lon, bɛ́ yaa wɔ ǹ ganaa, á ǹ da yaa lɛa.

Loen 33:13

Dɛnaa Lawa nə n toɛ lon á n giɛ, a yii tá minbuiin tumaa ganaa.

Loen 44:21

Bɛ̀ wɔ yiri na á bɔ ka n tɔ kɛ nɛ, wɔa Lawa, bɛ̀ wɔ n wɔ́ n gɔn dia lawa kɔsɔ la,

Loen 66:7

A din nə kiibaa la ka pàã gole ne yǎa duduu. A n giɛ tɔrɔ kɔsɔn kɛn gɔn li, ń giɛ, a bɔlɔ-tiilin kɛn baran n dinin gole kɔ wa. Doa.

Loen 9:11

Min mɛnɛn bɛ́ n tɔ kɛ doɛ̃, bɛn die ǹ nə n foo doa n ganaa. A giala min mɛnɛn bɛ́ giɛ n li, Dɛnaa Lawa, n ba re bɛn toɛ walan wa.

Suusun 15:3

Dɛnaa Lawa yii n bǎã tumaa nɛ, a yii n min baraan ganaa ka min sonboren ne.

Izayii 66:1

Dɛnaa Lawa n kɛ pii: Lon nə maa kii dankan lɛa, tán nə maa gòãn kaa ǹ bǎã lɛa. Ka n boe la ka kion mɛn dɔ maa wɔ lɛa? Bǎã mɛn nɛ má n boe la man susu a nɛ.

Zeremii 17:10

Masɛ Dɛnaa Lawa, man giɛ minbuiin nɛ tumaa a taasiɛn laanka a gɔ́ɔ̃gɔ́ɔ̃ ǹ siin ganaa. Bɛa yɔrɔ lɛ la, man didie tumaa kuĩ a kɔnpɛ ka a giã ǹ gɔn laanka a zɛnaa ǹ siin ni.

Zeremii 23:24

Ta min na á n duru dɔndɔɔn nɛ, ma yii na a ganaa. Dɛnaa Lawa a da ǹ boo ne. Man bǎã tumaa nɛ, lon laanka tán. Dɛnaa Lawa a da ǹ boo ne.

Misee 1:2

Haya, tɔrɔn tumaa, ka n too kɔ! Tán laanka màn mɛn tumaa bɛ́ la, ka n too kɔ doɛ̃! A giala, Dɛnaa Lawa n die yui ka gialaa. Dɛnaa din nə die n toɛ a kion sonbore kɛ nɛ, a yoo ka gialaa.

Abakuku 2:20

Dɛnaa Lawa sɛ na a kion sonbore kɛ nɛ. Tán tumaa nə́ n lɛ tã a nyɛɛnɛ!

Zakarii 2:13

Sonbore, man die yui tɔrɔn kɛn gialaa. Min mɛnɛn nə goã ǹ bɛ̀rɛn lɛa, bɛn tá re ǹ dɔn kokoe.» Bɛ̀ bɛ nə́ n zɛnaa, ka á re doɛ̃ ka bɛ nɛ, mà Dɛnaa Lawa Pàãyiidɛnaa na á ma dia.

Matiə 23:21

Bɛ̀ min mɛn nə́ n liɛ ka Lawa a kion ne, Lawa mɛn bɛ́ giɛ̃ a gɔ́ɔ̃ nɛ, a na á n liɛ ka bɛ lɛ dɔ nɛ.

Matiə 5:34

Sɛnɛ masɛ n pii ka nɛ, ka nyan toa ka n liɛ duduu wa. Ka baran n liɛ ka lon ne wa, a giala, Lawa a kii dankan nɛ.

Nya ǹ dín 7:49

«Dɛnaa Lawa n kɛ pii: Lon nə maa kii dankan lɛa, tán nə maa gòãn kaa ǹ bǎã lɛa. Ka n boe la ka kion mɛn dɔ maa wɔ lɛa? Bǎã mɛn nɛ má n boe la man susu a nɛ.

Tesaloniki2 2:4

Minbuiinin bɛ́ màn mɛn tumaa guguru koe, a n die n gòãn doɛ kɔn ka bɛ din tumaa nɛ, a zia da ǹ ganaa, yǎa a dinmaa die giɛ̃ tán Lawa a Kion, a pii mà asɛ n Lawa lɛa.

Ebrəə 4:13

Màn kɔ́n din ba durii-n Lawa la wa. Màn din tumaa na a yɔrɔ-a panparaanɛ, a yii nə́ ǹ ganaa. Wɔ tumaa n die n bɔlɔ pii a din yɔrɔ-a.

Sii-nyaan 4:2

Bɛ lɛ ganaa gɔrɔ, Lawa a Yiri Fu ma kũ á woo ma-n lon, má kii dankan goon yɛ tán, min kɔ́n nə́ giã-n la.