Loen 109:16 - LAWA A BOO SONBORE

¹⁶ Sonbore, giĩ kɛ lɛ nə n yiri koa a nɛ, á bǐɛ̃ zɛnaa wa. A na á bɔ doobaa yii ni, ka a daa a gã, doobaa laanka foo ziziɛ̃ wole ne.

LAWA A BOO SONBORE 2011

¹⁶ Sonbore, giĩ kɛ lɛ nə n yiri koa a nɛ, á bǐɛ̃ zɛnaa wa. A na á bɔ doobaa yii ni, ka a daa a gã, doobaa laanka foo ziziɛ̃ wole ne.

Loen 109:16 ပူးပေါင်းရင်းမြစ်များ

Siin Giala 42:21

Sɛnɛ, maǹ nə́ goã pii kɔn nɛ: «Ebe! Wɔ́ sii la wɔ diɛ̃ kɛ la lɛlɛ dɛ. A bɛ́ a foo-ziziɛ̃ lɛ gɔ́ɔ̃ nɛ ǹ mɛn waáraa, wɔ́ yɛ. Sɛnɛ, á wɔ nyankɔ á fɔ̃ li, wɔ n too kɔ a lon wa. Bɛ lɛ na á toa, bɛ miã foo-ziziɛ̃ kɛ tá wɔ dɔn yii pelo.»

Loen 10:14

Sɛnɛ, Lawa, ǹ bɛ́ basaã mɛn koe minin manɛ, ǹ nə́ fuu nyɛɛ ǹ nɛ, n din bɛ tumaa yɛ. Ǹ sii tumaa saa n gɔn. Doobaa na a sii tumaa toɛ n din gɔn. N din nə n doe nɛ toen lɛ.

Loen 10:2

Min baraan kɛn manə n dinin gole koe. Maǹ boe nɔmaa-wɔlen kɛn yii ni. Maǹ nə́ ǹ kuĩ ka ǹ sii-doɛ̃ siin ni.

Loen 34:18

Bɛ̀ min peperen lɛn nə́ n lɛ dɛ, Dɛnaa Lawa n bɛ miɛ, a nə ǹ kirisibiɛ a ǹ bɔ ǹ fuu siin tumaa gɔ́ɔ̃ nɛ.

Loen 37:14

Min baraan lɛn nə́ ǹ gɔya sa woɛ̃, ǹ nə́ ǹ sa dii, ǹ nə́ zoɛ̃ mà ǹ pàãwɛɛnaa laanka doobaa dɛ, ǹ nə́ zoɛ̃ mà ǹ tɔ pepere wɔle bɔlɔ kuru.

Loen 37:32

Min baraa n kuu koe min sonbore ganaa, á n zoɛ̃ li mà a dɛ a gã.

Matiə 5:7

Min mɛnɛn bɛ́ ǹ miãn makara doɛ̃, Lawa á re barka diɛ bɛn ganaa, a giala Lawa á die makara boe ǹ dɔn ganaa!

Zaaki 2:13

Min mɛnɛn bɛ́ ǹ nə ǹ miãn makara dɔ̃ wa, bɛ̀ Lawa á die kiri kuri bɛn la ǹ mɛn pinaa, a die ǹ dɔn makara doɛ̃ wa. Makara-doɛ̃ á kiri siɛ a bɔ min la.