Loen 107:7 - LAWA A BOO SONBORE

⁷ Dɛnaa Lawa nə́ ǹ da zii pepere la, á woo ǹ ne giã ǹ bǎã kɔn nɛ.

LAWA A BOO SONBORE 2011

⁷ Dɛnaa Lawa nə́ ǹ da zii pepere la, á woo ǹ ne giã ǹ bǎã kɔn nɛ.

Loen 107:7 ပူးပေါင်းရင်းမြစ်များ

Nehemii 11:3

Gána lɛ a nyɛɛnaandɛnan man nə́ giã Zeruzalɛmu. Sɛnɛ, Izirayeli a zaman gialakun lɛ nɛ, *Levii tɔrɔn nɛ, min mɛnɛn bɛ́ dí nyɛɛ minin giulun Lawa a kion, bɛn nɛ, Salomɔn a dí-nyalin kɛn tɔrɔn nɛ, bɛn nə́ goã giãnɛ ǹ dinin kiwin ni, didie ná a tán la.

Loen 107:36

A n bòonaan kiɛ a nɛ ǹ giã a nɛ, bɛn nə koa ǹ giã ǹ kiwi lɛa.

Loen 107:4

Min tɛn papaã don sa bii, zii banban ǹ tá koe lɛ wa, ǹ yii ba kiwi-a ǹ tá giɛ̃ a-n wa.

Loen 136:16

Á ná a din a minin kũ á don wɔsɔ ǹ nɛ, a kɔn-narɛɛ a nyɛɛ duduu wa.

Loen 77:20

Ń nə́ n kiɛ̃ ǹ zii bɔ kɔ̀ mu bii, ń bɔ mu zuzulun bii, min kɔn dɔ boo la, á n gòɛ̃ yɛ wa.

Loen 78:52

Á ná a minin lɛn waa á ǹ bɔ Ezipti, á soo ǹ ne ka tɔɔ kuru bɛ́ lɔn, á mɛ ǹ nyɛɛnɛ ka sèren-lɛduə̃li bɛ́ lɔn, á woo ǹ ne don sa bii.

Izayii 30:21

N tá re boon kɛn miɛ n kio: «N bɛ́ n kɔnbɔ n zii mɛn saa, n wo n gusin hinlaa n gɔsɛ, á ke.»

Izayii 32:18

Dɛnaa Lawa a zaman tá re giɛ̃ là nyantoro bǎã nɛ, kionən ne, foo n doa nɛ ǹ ganaa, ka susu ǹ bǎã nɛ.

Izayii 48:17

Dɛnaa Lawa, n si sii la wole, Izirayeli a Lawa sonbore n kɛ pii: «Masɛ Dɛnaa Lawa, n Lawa lɛa. Màn mɛn là bɛ n ganaa, ma nə n darɛɛ bɛ-a. Ma din ni n nyɛɛnaa ǹ boe zii kɛ la, n tá tɔ we la.

Zeremii 31:24

Bɛa biikoo li kəni, Zudaa kiwi minin laanka a kiwi dadara minin ni, a buu-kɔsɔlin laanka a tɔɔ-lɛduə̃lin ni, ǹ tumaa á re giɛ̃ gána lɛ-n kun.

Zeremii 31:9

Maǹ wusii die bɛ̀ ǹ tá wuu pii, ǹ nə́ gòã kũ diɛ ma ganaa. Man miɛ ǹ nyɛɛnɛ ma á woe ǹ ne tà lɛ-a, piɛ̃-n ka mu ni. Zii mɛn bɛ́ foo n doa nɛ a ganaa, ma á re toɛ ǹ kɔ bɛ lɛ, màn mɛn bɛ́ toɛ, ǹ nyan bɔ ǹ mɛnaa wa. A giala, man Izirayeli a díi lɛa, Efrayimu n maa nɛgiĩ bibinaa lɛa.

Zeremii 6:16

Dɛnaa Lawa bɛ màn mɛn pii á ke: Ka zii mɛn saa, ka golee bɛ la, ka n taasɛ. Ka nɔ̀n da lɛlɛ ǹ ziin kɛn nɛ, ka ga zii lɛ a sonbore li, ka kɔ lɛ. Ka bɛ nɛ, ka á re susui yii ka dinin wɔ lɛa. Sɛnɛ, ǹ nə́ pɛ kɛnɛn: «Wɔ a re koe lɛ wa.»

Minin nimi 9:22

Bɛ̀ tɛmaa bara lɛ golee kion lɛ lalan, ta a n doe lɛawaa paa, mui goon hinlaa ta a n liɛ bɛ nɛ lɛ̀ goon, Izirayeli minin lɛn man goɛ̃ ǹ giã ǹ bǎã nɛ, ǹ nə́ ǹ ba yui wa. Bɛ̀ á yoo maǹ yui.

Ebrəə 11:16

Sonbore, maǹ nə́ goã giɛ dikion li, màn mɛn bɛ́ soɛ ǹ miãn manɛ, bɛ giala, mà lon wɔ ke. Bɛ lɛ nɛ, bɛ̀ bɛa minin kɛn lɛn tá Lawa bíi, mà ǹsɛn Lawa, a ba sìi lɛa a ganaa wa. Á kiwi zɛnaa ǹ nɛ dinin.

Ebrəə 12:22

Sɛnɛ, kasɛn man ká n mɔrɔ *Siɔn kele kɛ ganaa, ka Lawa yiikoonaa a kiwi kɛ nɛ, Lon a Zeruzalɛmu ke, ka a lon a dia dí-a wole duu damata kɛ nɛ.

Piɛrɛ2 2:15

Ǹ nə́ zii sonbore toa walan, ǹ nə́ ǹ dinin papaã ǹ wɔ saa. Maǹ nə́ Bozɔɔrɔ a nɛ Balaamu a sii-zɛnaa ǹ gɔn saa, bɛ mɛn bɛ́ á lɛ kɔ sii baraa-zɛnaa ganaa wɔrɔ a lɛa.

Piɛrɛ2 2:21

A giala, bɛ̀ minin kɛn lɛn manə ǹ zii pepere kɛ dɔ̃ wa, bɛ̀ bɛ á soɛ ǹ ganaa á la a doɛ̃ a wusoo a kio kɛ nɛ, Lawa a dí-pɛ sonbore mɛn nə n kɔ ǹ la, ǹ nə́ n dɔ̀ɔ̃ wɔ bɛ nɛ.