Loen 106:5 - LAWA A BOO SONBORE

⁵ N toa man din a yii gɔgoɛ̃ wolen yii-nyɛɛ kɛ yɛ, man nyɛnyɛɛ kun ka n zaman kɛ nɛ, ma maa wɔ gii yɛ n din a minin nyaǹ bɔ kɛ nɛ.

LAWA A BOO SONBORE 2011

⁵ N toa man din a yii gɔgoɛ̃ wolen yii-nyɛɛ kɛ yɛ, man nyɛnyɛɛ kun ka n zaman kɛ nɛ, ma maa wɔ gii yɛ n din a minin nyaǹ bɔ kɛ nɛ.

Loen 106:5 ပူးပေါင်းရင်းမြစ်များ

Samayeli2 20:19

Là nyantoro bɛ́ kiwi mɛn nɛ, foo bɛ́ doa-n kiwi mɛn ganaa Izirayeli gána nɛ, wɔsɛn dinin kiwi lɛ nɛ. Sɛnɛ, n dɔ n giɛ li mà n bɛa kiwi lɛ yu, bɛ mɛn bɛ́ Izirayeli gána a kiwi dadaran lɛn goon lɛa. Wàa na á baa n tá li n Dɛnaa Lawa gɔn màn ziziɛ̃?

Loen 1:3

A n ka da mɛn bɛ́ ǹ nə́ zumu tà lɛ-a, a na a nɛ koe a biikoo li, a luu a bɛbɛnɛ wa. Bɛa dɛnaa kɛ bɛ́ sii mɛn tumaa zɛnɛɛ, a n bǐɛ̃ koe.

Loen 105:43

A din na á toa, a zaman nə́ soo ka foo kɔɔ̃n nɛ, á toa a din a yii gɔgoɛ̃ wolen kɛn nə́ soo ka nyɛnyɛɛ gole ne.

Loen 105:6

Ka zɛnaa miɛ̃, kasɛn kɛn lɛn Lawa din a dí-nyali Abrahamu tɔrɔn lɛa, kasɛn kɛn lɛn Zakɔba a nɛnyaanan lɛa, ka n Lawa din a yii gɔgɔɔ̃ wolen lɛa.

Loen 118:15

Foo kɔɔ̃nbaa ǹ loen lɛ á boe, gɔ̀lɔ̀baa ǹ loen lɛ á boe Lawa a minin kion: E, Dɛnaa Lawa á boe sii la!

Loen 14:7

Min mɛn bɛ́ re boe *Siɔn kele la, a Izirayeli kirisibaa, man zoɛ̃ máa ma bɛ yɛ. Bɛ̀ Dɛnaa Lawa din wusoo a ná a minin kɛn kaa ǹ bǎã nɛ, bɛa biikoo li, Izirayeli á die n nyɛnyɛɛ, a foo á die kɔɔ̃n koe.

Loen 48:11

Ee Lawa, maǹ nə n tɔ boe kanaa paǹ yii ni, maǹ nə n guguru koe kanaa paǹ yii ni. N zɛnaa ǹ sii tumaa n pepere.

Izayii 12:6

Nsɛ mɛn bɛ́ giã-n *Siɔn, foo kɔɔ̃nbaa ǹ lɛ dɛ ka n foo tumaa nɛ, a giala, min mɛn bɛ́ kunun n ni, á gole Izirayeli a Lawa sonbore kɛ nɛ.

Izayii 35:10

Dɛnaa Lawa min mɛnɛn kirisibaa, bɛn man die wusii ǹ daa. Maǹ die woe *Siɔn ka foo kɔɔ̃nbaa ǹ lɛ-dɛ nɛ. Ǹ yɔrɔ koa ǹ gɔn nə foo kɔɔ̃n lɛa, foo kɔɔ̃nbaa mɛn bɛ́ a nyɛɛ wa. Foo kɔɔ̃nbaa gole n die goɛ̃ ǹ li. Nɔmaa laanka ginii á re papaɛ̃.

Izayii 45:25

Min mɛn tumaa bɛ́ Izirayeli tɔrɔ lɛa, ǹ tumaa á re peperebaa yii ma din barka nɛ, ǹ tá re ma tɔ boe.

Izayii 66:10

Kasɛn mɛnɛn bɛ́ Zeruzalɛmu n kɔɔ̃n ka ganaa, ka n nyɛnyɛɛ kun ni. Ka goã foo kɔɔ̃n kɔ gole la kun ni. Kasɛn mɛnɛn nə goã gɛ̀ koɛ a koen kɛn taman yii, ka foo kɔɔ̃n gole kɛ gii kɔn nɛ kanna kəni!

Zowɛli 2:23

Kasɛn, Siɔn minin lɛn, Dɛnaa Lawa taman yii, kaa Lawa lɛ, ka bɛ̀ baa, ka n nyɛnyɛɛ. Á re bǐɛ̃ koe ka-a ka la bibinaa nə taãlen kio. Bɛ̀ la a kaa biikoo dɔ, á re la koe ka la a biikoo li. Ká a bɛ́ ke á goã zɛnɛɛ lɔn lɛlɛ.

Sofonii 3:14

LOE lɔ, n bɛ̀ baa, *Siɔn kiwi! Ka foo kɔɔ̃n lɛ dɛ, Izirayeli minin! N nyanyaa ka n foo tumaa nɛ, Zeruzalɛmu!

Zakarii 9:9

*Siɔn kiwi, bɛ̀ baa ka n we tumaa nɛ! Zeruzalɛmu minin, ka foo kɔɔ̃nbaa ǹ lɛ dɛ! Ga, n kii n die n li. A n pepere, gɔ̀lɔ̀ lɛa, a nə n din boɛɛn koe. A na á dii dundun la, dundun nɛ la, dundun dan a nɛ.

Zaã a sɛ́wɔ 15:16

Kasɛn bie ka masɛ bɔ wa, masɛ n má kasɛn bɔ, má ka dia máa ka woo, ka dí nya, kaa dí lɛ a là goã. Bɛ lɛ n toɛ, bɛ̀ ka màn woo màn nyankɔ masɛ a Díi lon ka masɛ tɔ nɛ, á re bɛ koe ka la.

Zaã a sɛ́wɔ 16:22

Ka dɔn yɔrɔ n kɔsiɛ-n miɛ̃ sisia; sɛnɛ, wɔ á re wusii wɔ kɔn yɛ, ka á re n nyɛnyɛɛ bɛa pinaa, màn kɔ́n dɔ a re boe la, a bɛa nyɛnyɛɛ kɛ bɔ a bɔ ka foo-n wa.

Nya ǹ dín 9:15

Sɛnɛ, Dɛnaa pɛ nɛ: «Woo, a giala giĩ kɛ lɛ, min ni, ma din bɔ, màn mɛn bɛ́ toɛ, a masɛ tɔ kɛ laakalaa tɔrɔ kɔsɔn manɛ, ka kiin ni, ka Izirayeli minin ni.

Efɛɛzi minin 1:18

A die a ka yiin bũ, a din bɛ́ ka bíi mìi mɛn ganaa, ka boo la ka bɛ yɛ. A bɛ́ bǐɛ̃ sonboren mɛnɛn dɔn koɛ ka nɛ, kun ka a zaman tumaa nɛ, a die a toa ka bɛn là dɔ̃.

Efɛɛzi minin 1:4

Wɔa tá kun ka Krita-n lɛ a lɛa nɛ, Lawa wɔ bɔ a din wɔn lɛa, bɛ̀ a bɛ́ a tɔn kanaa zɛnaa wa. A n mà wɔ goã min sonboren lɛa a din yɔrɔ-a, zɛ̀rɛ ná a ba wɔ ganaa wa. A din a kɔn-narɛɛ gɔ́ɔ̃ nɛ,

Timəə dí-pɛn 32:9

A giala, Dɛnaa Lawa wɔ gii bɛ́ ka màn mɛn nɛ, a din a minin kɛn manɛ. Zakɔba tɔrɔn lɛn, bɛn lɛn man doe a ganaa.

Timəə dí-pɛn 7:6

Kaa Lawa, Dɛnaa Lawa din na á ka bɔ á ka koa a din wɔ lɛa. A din na á ka bɔ tɔrɔ kɔsɔn kɛn tumaa bii kanaa, màn mɛn bɛ́ toɛ, ka a dinsɔɔ̃ gɔn màn baa.

Filipi minin 3:3

Bɛ̀ kurii wolebaa a lɛa nɛ, wɔsɛn lɛn man kurii wole taãnan lɛa, ǹsɛn bie wa; a giala wɔsɛn man dí nyɛɛ Lawa nɛ, ka a din Yiri ni, wɔ nə n foo doɛ Yezu *Krita ganaa, wɔ n wɔ ba n foo doɛ minbuiinin kanaa sii-zɛnaan ganaa wa.

Tesaloniki2 2:13

Dɔɔ̃nɔn lɛn, Dɛnaa bɛ́ á kasɛn mɛnɛn narɛ, wɔsɛn kɛn doamaa nɛ, wɔ barka da Lawa-n biikoo tumaa li kaa lɛa. Lawa na á ka bɔ bibinaanɛ, á n die ka kirisibiɛ. A n die ka kirisibiɛ, a giala, ká a wɔn baa ka a Yiri barka nɛ, ká golee Lawa a sonbore dɔ li.

Zaaki 2:5

Ka n too kɔ, ma dɔɔ̃n narɛɛ wolen lɛn. Min mɛnɛn bɛ́ doobaan lɛa kanaa minin yii li, Lawa na á bɛn lɛn bɔ, mà ǹ pàãman baa goleemali gɔ́ɔ̃ nɛ, ǹ Lawa a piɛ dɔ yɛ. Lawa na á n lɛ kɔ, mà á die bɛ lɛ koe a narɛɛ wolen la.

Piɛrɛ1 2:9

Sɛnɛ, kasɛn man Lawa a tɔrɔ boe lɛa, tɔrɔ mɛn bɛ́ Kii Lawa a wúlu-bɔlen lɛa. Kasɛn man tɔrɔ lɛa, Lawa koa a gɔrɔn a din wɔ lɛa, tɔrɔ mɛn a minin bɛ́ Lawa wɔn lɛa. A na á ka bíi á ka bɔ wɔlɔ tì li, á daa ka nɛ a din a wɔlɔ fúlu sonbore kɛ li, mà ka a din a sii sonboren kɛn laakalaa.

Sii-nyaan 17:14

Ǹ tá re zia biɛ Sère Nɛ kɛ ganaa. Sɛnɛ, Sère Nɛ lɛ á re gɔ̀lɔ̀ biɛ. A giala a din nə dɛnaan Dɛnaa lɛa, a n kiin tumaa a Kii lɛa. Min mɛnɛn bɛ́ Lawa nə́ ǹ bíi á ǹ bɔ, ǹ nə́ bɔlɔgoondɛnan lɛa, bɛn dɔn tá re gɔ̀lɔ̀ biɛ kun ni.»