Loen 106:24 - LAWA A BOO SONBORE

²⁴ Bɛ lɛ tumaa kio doo, ǹ nə́ n piã ka gána sonbore kɛ nɛ, Lawa kɔ ǹ la, ǹ golee a boo li wa.

LAWA A BOO SONBORE 2011

²⁴ Bɛ lɛ tumaa kio doo, ǹ nə́ n piã ka gána sonbore kɛ nɛ, Lawa kɔ ǹ la, ǹ golee a boo li wa.

Loen 106:24 ပူးပေါင်းရင်းမြစ်များ

Siin Giala 25:34

Zakɔba buuru laanka zii kɔ Ezawu la. Á màn bii, á yoo á kiɛ̃. Ezawu sàn kɔ ka a kiãbaa lɛ nɛ.

Zeremii 3:19

Man má goã pii: Man zoɛ̃ li ma n baa maa nɛnyaanan kɛn goon lɛa. Man zoɛ̃ li ma gána sonbore kɔ n la, a n liɛ nɛ kanaa a bǎã sonbore tumaa nɛ. Man má goã pii máa n tá re ma bíi: "Maa díi", n nə n ba n dɔ̀ɔ̃ we ma-n doo wa.

Ezekieli 20:6

Bɛa pinaa kɛ lɛ nɛ, má n liɛ má pɛ, máa ma á re ka wɛɛ ma ka bɔ Ezipti gána nɛ, ma gána mɛn yɔrɔ bɔ ma koa ka nɛ, ma wo ka-n walan. Bɛa gána lɛ á siĩni, á la gánan tumaa nɛ. Bɔ̀nyaa laanka zoo nyɔɔ bɛ́ baa sii gána mɛn nɛ.

Minin nimi 13:32

Ǹ goã ǹ nə́ woo ga gána mɛn lɛ-a, ǹ nə́ tɔ́n bɔ ǹ nə́ mɛ bɛ piɛ̃-bɔ la, Izirayeli minin lɛn yɔrɔ-a ǹ nə́ pɛ: «Wɔsɛn nə gána mɛn lɛ kɔ kɔn wɔ́ ga a ganaa, a na a minin bii.

Minin nimi 14:11

Dɛnaa Lawa boo da Muizu ni á pɛ nɛ: «Zaman kɛ n die n yii we masɛ la yǎa biĩ kəni? Ma sii nyaa ǹ siin mɛnɛn tumaa zɛnaa ǹ bii, maǹ die n tiɛ̃ bɛn kio, ǹ nə́ ǹ ba n foo doɛ masɛ ganaa wa, yǎa biĩ kəni?

Minin nimi 14:2

Ǹ nə́ n bɔlɔ lɔlɔkɔn Muizu laanka Aarɔn ganaa, ǹ nə́ pɛ ǹ nɛ kɛnɛn: «Haayii! Ká toa bɛ̀ wɔsɛn dinin man wɔ́ gã Ezipti gána lɛ nɛ, hinlaa diə gole kɛ nɛ.

Minin nimi 14:31

Sɛnɛ, kaa nɛnyaanan kɛn sɛn, ka goã ǹ mɛnɛn lɛn ganaa, mà minin tá re ǹ kuĩ, masɛ á re we ka bɛn nɛ gána lɛ nɛ. Ka dinin bɛ́ ka zín toa gána mɛn lɛ-n wa, kaa nɛnyaanan lɛn tá re bɛ doɛ̃.

Minin nimi 14:9

Sɛn kəni, ka baran n gòãn dii Dɛnaa Lawa ganaa wa. Ka baran nyɛ́ɛ baa bɛa gána kɛ lɛ a minin man wa. Bɛa minin kɛn lɛn ba re wɔsɛn lɛ boe goon dinin wa. A giala, ǹ bɛ́ dìn mɛnɛn wúlu li, bɛn nə́ ǹ toa walan. A da yaa, Dɛnaa Lawa á kun ka wɔsɛn nɛ. Ka baran nyɛ́ɛ din baa ǹ nɛ wa.»

Matiə 22:5

Sɛnɛ, ǹ wo min mɛnɛn bíi, bɛn nə da sii li wa, ǹ nə́ kiɛ̃ ǹ nə́ woo ǹ laadoo dín nya. Goon nə́ woo a wurun, goon nə́ woo a pii kɔ ǹ bǎã nɛ,

Timəə dí-pɛn 1:26

Sɛnɛ, ká kaa Lawa, Dɛnaa Lawa lɛ a da ǹ boo tii, ká n piã, ká mà ka a woe wa.»

Timəə dí-pɛn 1:32

Sɛnɛ a laanka bɛ nɛ, ka n foo doa kaa Lawa, Dɛnaa Lawa ganaa duduu wa.

Timəə dí-pɛn 9:23

Ka bɛ́ Kadɛsi-Barneya, Dɛnaa Lawa bɛ́ á ka dia á pɛ ka nɛ mà asɛ bɛ́ gána mɛn lɛ koe ka la, mà ka woo, ka si ka baa kaa wɔ lɛa, ká n piã ka kaa Lawa, Dɛnaa Lawa lɛ a boo ne, ka waa la wa, ka n too kɔ a lon wa.

Ebrəə 12:16

Ka n yiri kɔ, min kɔ́n baran naarɛbaali baa wa, hinlaa sàn kɔ Lawa-n wole, ka Ezawu bɛ́ lɔn wa. Asɛ mɛn bɛ́ a ná a kiãbaa sã bǎã goon màn-bii ganaa.

Ebrəə 3:12

Dɔɔ̃nɔn lɛn, ka yiri bɔ ka dinin li, min kɔ́n baran yɛ ka bii a foo n baraa, yǎa golee Lawa li baã niɛ̃, a boe Lawa yiikoonaa kɛ ganaa wa.

Ebrəə 4:14

Wúlu-bɔlen kiã gole gole tá wɔ lon, á lon bii kuru á kiɛ̃ yǎa Lawa yɔrɔ-a: Lawa a Nɛgiĩ Yezu lɛ nɛ. Bɛ lɛ nɛ, wɔ bɛ́ pii wáa wɔ lɛ kɔ goleemali mɛn ganaa, ka daa wɔ n gɔn paraa bɛ ganaa parsiini.

Ebrəə 4:2

A giala, wɔ dɔn man wɔ́ Boo Tii Kɔɔ̃n lɛ ma, ka bɛa minin kɛn lɛn wɔ bɛ́ lɔn. Sɛnɛ, bɛa boo kɛ lɛ ǹ nə́ ma, a là goon yɛ ǹ ganaa wa, a giala, ǹ bɛ́ ǹ nə́ ma, ǹ lɛ kɔ a ganaa ka goleemali-n wa.

Ebrəə 4:6

Bɛ n nyɛɛ mà ǹ tɛnɛn gii ba bɛa susui kɛ lɛ-n wa, ǹ dinin Lawa bɔlɔ tii a lɛa, haalɛ ta ǹ nə́ Lawa a lɛ-kɔ ǹ boo lɛ ma dinin. Sɛnɛ, a n nyɛɛ dɔn mà gialakunun tá re we a nɛ.

Zude 1:5

A laan ka á bɛ doɛ̃ taãn-taãn gɔrɔ, man giɛ li, ma ka yiri gisĩ a nɛ, máa Dɛnaa bɛ́ a ná a din a minin kɛn si, á ǹ bɔ Ezipti minin pàã giulun ǹ mɛn waáraa, ǹ mɛnɛn nə n piã bɛ kio, ǹ nə́ ǹ golee li wa, Lawa toa bɛn nə́ gã.