Loen 105:16 - LAWA A BOO SONBORE

¹⁶ Dɛnaa Lawa bòo gole wɔ gána lɛ gɔ́ɔ̃ nɛ, màn-bii ná a banban.

LAWA A BOO SONBORE 2011

¹⁶ Dɛnaa Lawa bòo gole wɔ gána lɛ gɔ́ɔ̃ nɛ, màn-bii ná a banban.

Loen 105:16 ပူးပေါင်းရင်းမြစ်များ

Ezekieli 4:16

Á tɔ́n pɛ ma-n doo: «Nsɛ minbuiin a nɛ, á ke màn-bii mɛn tumaa á ke ǹ nə́ koa ǹ gɔn li Zeruzalɛmu kiwi, masɛ á re a tumaa papaɛ̃. Ǹ tá re ǹ màn-bii zoɛ̃ bɛ̀ ǹ kɔ ǹ la, ǹ bii ka foo ziziɛ̃ nɛ, ǹ tá re ǹ mi ǹ mu zoɛ̃ bɛ̀ ǹ kɔ ǹ la ǹ mi, bɛ̀ ǹ gɔ́ɔ̃ ń woɛ̃ nɛ.

Izayii 3:1

Á ke, Dɛnaa Lawa Pàãyiidɛnaa n die Zeruzalɛmu laanka Zudaa a dɔmalɛ tumaa lɛ diɛ, a ǹ màn-bii laanka ǹ mi ǹ mu tumaa gɔsɛ ǹ gɔn.

Siin Giala 41:54

Bòo bɛ́ re we lɛ̀ sɔbaa mɛn gɔ́ɔ̃ nɛ, bɛn nə́ n giala kɔ, ka Zozɛfu bɛ́ á pɛ lɔn. Bòo lɛ baraa kɔ gána kɔsɔn dinin tumaa nɛ, sɛnɛ, màn-bii goã Ezipti gána nɛ.

Lawa a wúlu-bɔlen 26:26

Bɛ̀ má ka nu ka màn-bii ni ǹ mɛn waáraa, lɔ fù á re paɛ̃ kùsì goon toto ganaa, ǹ nə ǹ màn-bii zɛnaa la. Lɔn lɛn tá re màn-bii lɛ zoɛ̃, bɛ̀ ǹ tɔn kɔ ka la. Ka á re bɛ lɛ bii, sɛnɛ, ka a re kiɛ̃ wa.

Nya ǹ dín 7:11

Bɛ kio, bòo gole wɔ Ezipti laanka Kanaan gánan tumaa nɛ. Nɔmaa lɛ gole kɔ, yǎa wɔsɛn digolon lɛn nə́ ǹ ba màn-bii yii doo wa.

Loen 104:15

yɔ n minin foo kɔɔ̃n koe, nyɔɔ nə ǹ yɔrɔ zɔ́nɛ, màn-bii n pàã koe ǹ la.

Kiin2 8:1

Yiliizee goã á Sunɛmu lɔ mɛn lɛ a nɛ yii kaa, bɛ kio, Yiliizee boo da ka bɛ nɛ á pɛ nɛ: «Yoo, n bɛ̀ re boe bǎã mɛn a gùli kɔ la, n wo walan, n din laanka n kion minin ni. A giala, Dɛnaa Lawa bòo da bɔ ganaa. Bɛa bòo lɛ á die boe Izirayeli gána lɛ nɛ, a dɔ lɛ̀ sɔbaa dinin.»

Siin Giala 47:13

Bòo lɛ daa á kaka kɔ, màn kɔ́n din banban doo gána lɛ pàn kɔ́n nɛ, min nə́ bii wa. Ezipti gána minin laanka Kanaan gána minin bɛ́ re sii mɛn zɛnɛɛ, ǹ tɔn nə n si bòo lɛ la, ǹ ba bɛ doɛ̃ dinin doo wa.

Sii-nyaan 6:8

Ma bɛ́ giɛ, má sùi fu kəwuu yɛ. Min mɛn bɛ́ á dii la, maǹ bíi "Gɛ̀", min mɛn bɛ́ a kio, bɛ tɔ n "Geren PIƐ". Ǹ nə́ pàã kɔ ǹ la mà ǹ wo tán talakɔn siibaa ǹ wɔ a minbuiinin dɛ ka gɔya sa nɛ, ka bòo ne, ka busu ni ka don siĩ baraan mɛnɛn bɛ́ tán la.

Azee 2:17

Má dɔlɔ bɔ ka ganaa ka gìa nɛ, doloka nɛ ka la gii ni. Gɔn dí bɛ́ màn mɛn koe ka la, ma bɛ tumaa ziziɛ̃. Ka bɛ tumaa nɛ, ka n bɔyaa ka daa ma li wa. Dɛnaa Lawa a da ǹ boo ne.

Amɔɔsi 3:6

Bɛ̀ ń ziabaa ǹ bɛn wuu ma boe kiwi, nyɛ́ɛ á re a minin kuĩ. Bɔ̀n ba kiwi kɔn yii, bɛ̀ Dɛnaa Lawa na a lɛ kɔ wa.

Siin Giala 47:19

N nə ǹ die toɛ, wɔ gã n yii ni? Wɔa tán kɛ a màn kɔ́n lɛa wɔ dininbaã wa. Wɔ pii, ka wɔa tán lɛ dɔ nɛ, n màn-bii kɔ wɔ la a dòo. Wɔ laanka wɔa tán tá re Faarahɔn gɔn màn biɛ. Wɔ ba li, bòo wɔ dɛ wa. Màn tɔrɔ kɔ wɔ la, màn mɛn bɛ́ toɛ, wɔ la, wɔa wurun gɔ́ɔ̃ kooro baran goã wa.»