Loen 105:12 - LAWA A BOO SONBORE

¹² Bɛa biikoo li, bɛ̀ ǹ ba gigiã wa. Maǹ nə́ goã tii kuru boɛɛn kooro lɛa gána lɛ gɔ́ɔ̃ nɛ.

LAWA A BOO SONBORE 2011

¹² Bɛa biikoo li, bɛ̀ ǹ ba gigiã wa. Maǹ nə́ goã tii kuru boɛɛn kooro lɛa gána lɛ gɔ́ɔ̃ nɛ.

Loen 105:12 ပူးပေါင်းရင်းမြစ်များ

Timəə dí-pɛn 7:7

Bɛ̀ ń yǎa Dɛnaa Lawa tá ka narɛ, bɛ̀ ń yǎa á ka bɔ, a bie ka ka n mɔnaa-n ká la tɔrɔ gialakunun kɛn tumaa-n wa. Ka dinin man tɔrɔ kɔsɔn lɛn tumaa a boɛɛn lɛa.

Siin Giala 34:30

Bɛ gɔ́ɔ̃ nɛ, Zakɔba pɛ Simiɔn laanka Levii ni: «Ka bɔ̀n da masɛ ganaa, ka n ka ma tìĩ bɔ Kanaan gána lɛ laanka Perɛzi gána lɛ a minin nyin ni. Wɔ bɛ́ wɔ ba tɛ wa, ǹ tá re piɛ̃ ma ganaa, ǹ ma dɛ. Ǹ tá re ma laanka maa kion minin bɔ̀n biɛ.»

Ebrəə 11:9

Golee Lawa li na á toa, Lawa nə n lɛ kɔ la ka gána mɛn nɛ, á giã bɛ nɛ ka tii bɛ́ lɔn. Abrahamu giã mɔnaa kionən ne, kun Izaaki ni ka Zakɔba nɛ, Lawa a lɛ-kɔ ǹ sii goon kɛ lɛ bɛ́ bɛn mɛnɛn dɔn wɔ lɛa.

Siin Giala 23:4

«Man ka li ka gùli bɛ́ lɔn, tii lɛa kun ka nɛ. Ka gere bĩ ǹ bǎã kɔ masɛ la, bɛ maa wɔ baa, màn mɛn bɛ́ toɛ, ma maa lɔ lɛ gere bĩ a nɛ.»

Timəə dí-pɛn 26:5

Bɛ kio kəni, a golee a Lawa, Dɛnaa Lawa yɔrɔ-a a pɛ kɛnɛn: «Ma digolo na á goã Aramu tɔrɔ lɛa n binbirin boe. Á woo Ezipti gána nɛ, á giã walan gùlibaa nɛ, kun ka minin kɛn nɛ ǹ nə́ goã diɛ zii. Ǹ goã tɛ dinin wa. A bɛ́ walan, a minin lɛn nə́ mɔnaa, ǹ nə́ gána gole baa, pàã nə́ ǹ lon.

Ebrəə 11:12

Bɛ lɛ na á toa, Abrahamu goon toto mɛn bɛ́ gɛ̀ dɔ a ganaa á nya, tɔrɔ gigiã bɔ a nɛ, gigiã ka lon a leeren bɛ́ lɔn, lɛ ná a ba la wa, ka yìsi mu lɛ-a ǹ nyɔɔsɔ̃ bɛ́ lɔn.

Nya ǹ dín 7:5

Lawa tán kɔ́n din kɔ Abrahamu la gána lɛ-n wa, haalɛ gòã da ǹ bǎã boɛɛn kooro din. Sɛnɛ, á n lɛ kɔ la mà gána lɛ na a din wɔ lɛa, ka a nɛnyaanan nɛ a kio, a da yaa, Abrahamu tɔn nɛ yɛ a biikoo li wa.

Izayii 51:2

Ka ga ka di Abrahamu ganaa, ka Saaraa kɛ nɛ á ka yɛ. Ma bɛ́ bíi, bɛ̀ a nɛ banban. Sɛnɛ, má barka da a ganaa, má baa zaman gigiã digolo lɛa.

Siin Giala 17:8

N bɛ́ gùli lɛa Kanaan gána mɛn nɛ, ma á re bɛa gána lɛ tumaa koe n laanka n tɔrɔn la, a ǹ wɔ baa yǎa duduu. Masɛ á re goɛ̃ ǹ Lawa lɛa.»

Bɔ bɛ̀rɛbaa nɛ 6:4

Man má lɛ kɔ kɔn la wɔ ka ǹ dinin lɛn nɛ, máa ma á die Kanaan gána koe ǹ la, gána mɛn bɛ́ ǹ nə́ tiibaa zɛnaa a nɛ.