Loen 104:24 - LAWA A BOO SONBORE

²⁴ Dɛnaa Lawa, n nya ǹ dín tá mɔnaa-n dɛ! Ń yiridɛnaabaa ǹ dí nya koe! Tán nə́ pã ka n màn-zɛnaan nɛ.

LAWA A BOO SONBORE 2011

²⁴ Dɛnaa Lawa, n nya ǹ dín tá mɔnaa-n dɛ! Ń yiridɛnaabaa ǹ dí nya koe! Tán nə́ pã ka n màn-zɛnaan nɛ.

Loen 104:24 ပူးပေါင်းရင်းမြစ်များ

Siin Giala 1:31

Lawa màn mɛn tumaa zɛnaa, á yɛ mà ǹ tá siĩn parsiini. Wasamiɛ̃n yɛ, baayɛlɛ dɔ́ yɛ. A lɛawaa sɔrɔbaa ǹ wɔ n ka bɛ nɛ.

Nehemii 9:6

N din lɛ n Dɛnaa Lawa lɛa, n dinsɔɔ̃ goon toto! N din nə́ ń lon zɛnaa, lon gɔ́ɔ̃ nɛ, lon gɔ̀nɔn ganaa ǹ mànan tumaa nɛ, tán laanka a lalan mànan nɛ, yìsi mu laanka a gɔ́ɔ̃gɔ́ɔ̃ ǹ mànan nɛ. N din nə nyin koe ǹ tumaa la, lon màn pàãdɛnan kɛn man kiɛ tán n giulun.

Zɔbu 5:9

A din lɛ n sii dadaran zɛnɛɛ, min ba ǹ giala miɛ wa. A n kaãbaa ǹ siin zɛnɛɛ lɛ ba la wa.

Loen 107:24

bɛn nə́ Dɛnaa Lawa a nya ǹ dín lɛn yɛ, ǹ ná a kaãbaa ǹ siin lɛn yɛ kɔ̀ mu la.

Loen 107:31

Dɛnaa Lawa a kɔn-narɛɛ á gole, ka barka da-n bɛa lɛa. A bɛ́ kaãbaa ǹ siin mɛnɛn zɛnɛɛ minbuiin nɛn manɛ, ka barka da-n bɛa lɛa.

Loen 136:5

A din yiri lɛ na á lon da, a kɔn-narɛɛ a nyɛɛ duduu wa.

Loen 148:7

Tán mànan lɛn, ka loe lɔ, ka Dɛnaa Lawa tɔ bɔ. Yìsi mu li ǹ màn baraan laanka mu nyankɔrɔ zuzulu mànan tumaa, ka loe lɔ ka Dɛnaa Lawa tɔ bɔ.

Loen 24:1

Davida a loe n ke. Kanaa laanka a gɔ́ɔ̃gɔ́ɔ̃ ǹ màn tumaa n Dɛnaa Lawa wɔ lɛa. Tán nɛ, ka mànan mɛnɛn bɛ́ la, ǹ tumaa n Dɛnaa Lawa wɔ lɛa.

Loen 40:5

Min mɛn bɛ́ á n foo doa Dɛnaa Lawa ganaa, Lawa á re barka diɛ bɛa dɛnaa ganaa. A koa kun ka din gole-kɔlen ne wa, a n saa ǹ soɛ boon li wa.

Loen 65:11

Ma n mu kiɛ a kɔsiɛ ziin ni, n ná a kòròn yui. Ma n mu kiɛ a ganaa á boe, n nə́ pàã koe màn nànan la ǹ bɔ tán.

Loen 8:3

Min mɛnɛn bɛ́ kiɛɛrɛ, kiɛɛrɛ ka nɛnyaanan bɛ́ lɔn, bɛn dinin man loe loe lɛa, ǹ tá sìi diɛ n zɔ́ɔn ganaa, ń giɛ min mɛnɛn bɛ́ yɔ boe n ganaa bɛn baran boo da ǹ bǎã yɛ doo wa.

Loen 92:6

Dɛnaa Lawa, n nya ǹ dín lɛn tá dadara dɛ. N taasiɛn lɛn tá zuzulu, á la yii ni.

Zeremii 10:12

Dɛnaa Lawa tán zɛnaa ka a pàã nɛ, á kanaa koa ka sii-doɛ̃ nɛ, á lon lɛ bɔ ka yiridɛnaabaa nɛ.

Rɔmu minin 11:33

Lawa a bǐɛ̃ lɛ á gole á la yii ni! A sii-doɛ̃ dɔ á zuzulu á la yii ni! Min kɔ́n ba boe la a na a kiri kɛ giala ma wa, min kɔ́n ba boe la a na a makara kɛ dɔ giala ma wa.

Efɛɛzi minin 1:8

Lawa din na á bɛa bǐɛ̃ lɛ zɛnaa wɔ nɛ. Á yiri tumaa kɔ wɔ la, màn mɛn bɛ́ toɛ, a din sii mɛn yɔrɔ bɔ, mà wɔ bɛ dɔ̃.

Efɛɛzi minin 3:10

A na á bɛ zɛnaa, màn mɛn bɛ́ toɛ, lon màn pàãdɛnan laanka ǹ goledɛnan na a sii-doɛ̃ gole kɛ dɔ̃ kanna, ka a sɔmɔ kɛ barka nɛ.

Timote1 6:17

A pɛ n laa kanaa kɛ a pàãman ganaa, mà ǹ baran n dinin gole kɔ wa. A pɛ ǹ nɛ dɔn, mà ǹ baran n foo doa naforo nya wolen kɛn ganaa wa, sɛnɛ, mà ǹ nə n foo doa Lawa ganaa. Asɛ lɛ n bǐɛ̃ màn tumaa koe wɔ la gigiã, màn mɛn bɛ́ toɛ, ǹ là yɛ wɔ ganaa.