Loen 104:15 - LAWA A BOO SONBORE

¹⁵ yɔ n minin foo kɔɔ̃n koe, nyɔɔ nə ǹ yɔrɔ zɔ́nɛ, màn-bii n pàã koe ǹ la.

LAWA A BOO SONBORE 2011

¹⁵ yɔ n minin foo kɔɔ̃n koe, nyɔɔ nə ǹ yɔrɔ zɔ́nɛ, màn-bii n pàã koe ǹ la.

Loen 104:15 ပူးပေါင်းရင်းမြစ်များ

Siin Giala 18:5

Ma á die màn-bii boɛɛn koe ka la, ka da ka foo ganaa, ka tɔn wo sɔsɔɔ. A giala, kaa da bɔ ma li ke, ka n ka ma guguru kɔ.» Ǹ dɔn ná a lɛ si kɛnɛn: «Wɔ lɛ kɔ. A n zɛnaa ka n bɛ́ ń pɛ lɔn.»

Samayeli2 13:28

Abusalɔn pɛ a dí-nyalin manɛ: Ka n yiri koa Amnɔn li parsiini. Bɛ̀ yɔ da foo kɔɔ̃nbaa ganaa ǹ mɛn waáraa, ma á re pii ka nɛ: «Ka Amnɔn dɛ.» Ka baran nyɛ́ɛ baa wa, ka dɛ a gã, ma din tá golee ka a sii ni. Ka n gù we yii, ka n foo taã.

Loen 105:16

Dɛnaa Lawa bòo gole wɔ gána lɛ gɔ́ɔ̃ nɛ, màn-bii ná a banban.

Loen 23:5

N din nə ma kuĩ tii lɛa sɔnbɔraanɛ, n din nə màn-bii koe ma la maa zɔ́ɔn yii ni, n nyɔɔ gìĩ kɔɔ̃n kaa ma mìi ni, n mi ǹ màn kaa paan piɛ̃ n kɔ ma la.

Loen 92:10

Dɛnaa Lawa, n zɔ́ɔn kɛn kaa, n zɔ́ɔn kɛn man die bɔ̀n biɛ, baraa-zɛnaalin kɛn tumaa á re sasawɛɛ.

Suusun 31:6

Min mɛn bɛ́ re giɛ̃, ka yɔ kaka kɔ bɛ la, hinlaa min mɛn yɔrɔ bɛ́ kɔsiɛ nɛ, ka duvɛ̃ kɔ bɛ la.

Suusun 31:7

Bɛ̀ á mi, a yiri á re boe ka a doobaabaa nɛ, a yiri a re gisiĩ a koe kɛ-n doo wa.

Boo-laakalaali 10:19

Maǹ màn bii zɛnɛɛ màn mɛn bɛ́ toɛ, ǹ nə n nyɛnyɛɛ. Duvɛ̃ nə foo kɔɔ̃n koe. Paa n sii tumaa bǐɛ̃ koe.

Boo-laakalaali 8:1

Die n sii-dɔ̃li taãn lɛa? Die yii n doe sii gɔ́ɔ̃-n taãn-taãnɛ? Min a sii-doɛ̃ na a yɔrɔ diɛ tɛ pɛ-a. Ǹ dɛnaa yɔrɔ a babaraabaa dɔ nə n bɔyɛɛ.

Boo-laakalaali 9:7

Bɛ lɛ n kaa, màn bii ka nyɛnyɛɛ nɛ. N duvɛ̃ mi ka foo kɔɔ̃nbaa nɛ, a giala Lawa lɛ kɔ n nya ǹ dín ganaa gɔrɔ.

Izayii 3:1

Á ke, Dɛnaa Lawa Pàãyiidɛnaa n die Zeruzalɛmu laanka Zudaa a dɔmalɛ tumaa lɛ diɛ, a ǹ màn-bii laanka ǹ mi ǹ mu tumaa gɔsɛ ǹ gɔn.

Izayii 55:10

«La laanka *mu nyuù-wɔle n boe lon kiɛ tán. Ǹ ba wusii ǹ woo bɛ̀ ǹ nə́ ǹ nə ǹ nya ǹ dí nya wa: Maǹ kiɛ tán la, a basã, ǹ baa tán sonbore lɛa, màn nàn nə́ boe la doɛ̃. Bɛa yɔrɔ lɛ la, màn tɔrɔ n yii la, ka màn-bii ni.

Zeremii 31:12

Maǹ die, ǹ foo n kɔɔ̃nɛ, loe loe Siɔn kele la. Dɛnaa Lawa a bǐɛ̃baa ǹ mànan kɛn taman yii, ǹ yɔrɔ n tɛ pii, ǹ foo n kɔɔ̃nɛ: *Belee ne, duvɛ̃ nɛ, nyɔɔ buə̃ ne, sèren ne, bòen ne, diin ni. Maǹ die goɛ̃ ka dù gɔrɔ mɛn bɛ́ mu n boe sɔnbɔraa nɛ. Màn kɔn ba re nyaabiɛ ǹ ganaa wa.

Ezekieli 14:13

«Minbuiin a nɛ, bɛ̀ gána mɛn a minin nə́ sii baraa zɛnaa masɛ nɛ, ǹ nə́ ma bɔlɔ tii, ma á re yui ǹ gialaa ma ǹ màn-bii ziziɛ̃, ma bòo kaa ǹ ganaa, ma ǹ minbuiinin laanka ǹ tɔɔn dɛ.

Ezekieli 4:16

Á tɔ́n pɛ ma-n doo: «Nsɛ minbuiin a nɛ, á ke màn-bii mɛn tumaa á ke ǹ nə́ koa ǹ gɔn li Zeruzalɛmu kiwi, masɛ á re a tumaa papaɛ̃. Ǹ tá re ǹ màn-bii zoɛ̃ bɛ̀ ǹ kɔ ǹ la, ǹ bii ka foo ziziɛ̃ nɛ, ǹ tá re ǹ mi ǹ mu zoɛ̃ bɛ̀ ǹ kɔ ǹ la ǹ mi, bɛ̀ ǹ gɔ́ɔ̃ ń woɛ̃ nɛ.

Ezekieli 5:16

Ma á re bòo babaraa diɛ ka gialaa, ka kiɛ babaraa bɛ́ lɔn basaã koe. Man die bɛ lɛ diɛ a da ka dɛ. Man die bòo lɛ baraa koe ka ganaa, a ka gɔn li ǹ màn-bii tumaa nya lenlen.

Lawa a wúlu-bɔlen 26:26

Bɛ̀ má ka nu ka màn-bii ni ǹ mɛn waáraa, lɔ fù á re paɛ̃ kùsì goon toto ganaa, ǹ nə ǹ màn-bii zɛnaa la. Lɔn lɛn tá re màn-bii lɛ zoɛ̃, bɛ̀ ǹ tɔn kɔ ka la. Ka á re bɛ lɛ bii, sɛnɛ, ka a re kiɛ̃ wa.

Zakarii 10:7

Efrayimu minin foo n die tã koe, ka zia-baali zanbian bɛ́ lɔn. Ǹ foo n die kɔɔ̃n koe, ka maǹ nə́ duvɛ̃ mi. Ǹ nɛnyaanan tá re bɛ yii, maǹ die goɛ̃ ǹ foo n kɔɔ̃nɛ, ǹ nə n nyɛnyɛɛ Dɛnaa Lawa taman yii.

Marki 14:23

Bɛ kio, á duvɛ̃ saa màn nɛ, á barka da Lawa nɛ, á kɔ ǹ la, ǹ tumaa mi.

Luku 7:46

N dinmaa lɛ nyɔɔ sonbore kaa masɛ mìi-n wa, sɛnɛ, lɔ lɛ sɛ na á nyɔɔ gìĩ kɔɔ̃n kaa ma gòãn ganaa.

Efɛɛzi minin 5:18

Ka baran duvɛ̃ mi a yoo ka yii-a wa, bɛ á re toɛ ka sii lɔlɔkɔn. Sɛnɛ, ka toa ka pã ka Yiri Fu ni.

Timəə dí-pɛn 28:40

*Olivie dan tá re goɛ̃ kaa gána lɛ paǹ tumaa ganaa, sɛnɛ, ka a re a nyɔɔ yii ka lɔ ka ganaa wa. A giala, kaa olivie dan nɛ á re kiɛ burun.

Timəə dí-pɛn 8:3

A bɛ́ á fuu nyaa ka nɛ, á toa bòo ka kũ, a din wusoo á *maánə kɔ ka la. Bɛ n màn-bii lɛa, ka goã doɛ̃ wa, ka digolon dɔn dinin nə goã doɛ̃ wa. A na á zɛnaa miɛ̃ á nyaa ka nɛ, mà màn-bii dinsɔɔ̃ bie minbuiin nɛ toe wa, sɛnɛ, boo woo boo boe Lawa lɛ-n, bɛ lɛ n min toe.

Ebrəə 1:9

Peperebaa n kɔɔ̃nɛ n ganaa, n ba sii baraa li wa. Bɛ lɛ na á toa, Lawa lɛ, n Lawa lɛa, bɛ nə́ n soɛ kɔ n miãn tumaa nɛ. Á zɔ́n nyɔɔ kaa n mìi ni, á n bɔ á n koa kii lɛa.» Bǎã kɔsɔ dɔ n pii:

Zaã1 2:20

Kasɛn wɔ paǹ li, Krita Yiri Fu mɛn kɔ ka la, bɛ lɛ n toɛ ka tumaa á sonbore doɛ̃.

Sii yɔrɔ-bɔlen 19:5

A lɛawaa siibaa ǹ wɔ pinaa, ǹ nə́ yoo baayɛlɛ yiisoone. Levii min lɛ bɛ́ á n yɔrɔ bɔ mà a n die woe, lɔ lɛ a díi pɛ nɛ mà a màn-bii kɔn bii a n gù doa nɛ, bɛ kio, a tɔn woo.

Sii yɔrɔ-bɔlen 9:13

Sɛnɛ, rezɛ̃ da nə́ ǹ lɛ si á pɛ: «Masɛ a mu n Lawa laanka minbuiinin foo kɔɔ̃n koe. Ma maa mu kɛa boe toɛ walan, ma wo n binbirin bɔ da kɔsɔn lalan?»

Sii yɔrɔ-bɔlen 9:9

Sɛnɛ, olivie da nə́ ǹ lɛ si kɛnɛn: «Masɛ bɛ́ nyɔɔ mɛn boe, a din nyɔɔ kɛ lɛ nɛ, ǹ tá Lawa laanka minbuiinin guguru koe ne. Man maa nyɔɔ lɛ a boe toɛ walan kəni, ma wo n binbirin bɔ da kɔsɔn lalan?»