Loen 103:13 - LAWA A BOO SONBORE

¹³ Min bɛ́ a nɛnyaanan makara doɛ̃ lɔn, Dɛnaa Lawa dɔ na a nyɛ́ɛbaaman wolen makara doɛ̃ miɛ̃.

LAWA A BOO SONBORE 2011

¹³ Min bɛ́ a nɛnyaanan makara doɛ̃ lɔn, Dɛnaa Lawa dɔ na a nyɛ́ɛbaaman wolen makara doɛ̃ miɛ̃.

Loen 103:13 ပူးပေါင်းရင်းမြစ်များ

Loen 103:11

Min mɛnɛn bɛ́ nyɛ́ɛ biɛ nɛ, a kɔn-narɛɛ gole mɛn nyaa bɛn nɛ, lɛ-doa ba la wa, a n ka lon laanka tán bii bɛ́ lɔn.

Loen 103:17

Min mɛnɛn bɛ́ nyɛ́ɛ biɛ Dɛnaa Lawa nɛ, a kɔn-narɛɛ a nyɛɛ bɛn wɔ paǹ li wa. A n bɛn narɛ miɛ̃ biikoo tumaa li. Min mɛnɛn bɛ́ a lɛ kɔ kɔn la kɛ tamaɛ, ǹ ná a dí-pɛn tamaɛ, á die a bǐɛ̃baa kɛ nyɛɛ bɛn nɛnyaanan nɛnyaanan wɔ paǹ li.

Loen 147:11

Sɛnɛ, min mɛnɛn bɛ́ nyɛ́ɛ biɛ Dɛnaa Lawa nɛ, min mɛnɛn bɛ́ n foo doɛ a kɔn-narɛɛ gole kɛ ganaa, bɛn lɛn sii n kɔɔ̃n a ganaa.

Suusun 3:12

Sonbore, Dɛnaa Lawa bɛ́ min mɛn narɛ, a n bɛa dɛnaa doree ka díi bɛ́ a foo nɛ doree lɔn.

Zeremii 31:20

Efrayimu n maa nɛgiĩ lɛa, ma n narɛ taãn-taãnɛ. Ma á narɛ á la yii ni. Bɛ lɛ nɛ, biikoo tumaa li, bɛ̀ máa boo diɛ a ganaa, maa taasiɛ n doa nɛ a ganaa. A sii n ma foo-n parsiini. Sonbore a makara n ma ganaa taãn-taãnɛ. Dɛnaa Lawa a da ǹ boo ne.

Zeremii 31:9

Maǹ wusii die bɛ̀ ǹ tá wuu pii, ǹ nə́ gòã kũ diɛ ma ganaa. Man miɛ ǹ nyɛɛnɛ ma á woe ǹ ne tà lɛ-a, piɛ̃-n ka mu ni. Zii mɛn bɛ́ foo n doa nɛ a ganaa, ma á re toɛ ǹ kɔ bɛ lɛ, màn mɛn bɛ́ toɛ, ǹ nyan bɔ ǹ mɛnaa wa. A giala, man Izirayeli a díi lɛa, Efrayimu n maa nɛgiĩ bibinaa lɛa.

Lawa a wúlu-bɔlen 26:44

Haalɛ bɛ tumaa kio, ǹ bɛ́ re goɛ̃ ǹ zɔ́ɔn lɛn gána nɛ ǹ mɛn waáraa ke, ma a re n piɛ̃ ǹ nɛ wa, ma a re ǹ tii wa. Ma a re bɛ zɛnɛɛ ma ǹ dɛ ma ǹ nya wa, ma ba re maa lɛ kɔ kɔn la kɛ toɛ̃ ma bɔ kɔn-a ǹ nɛ wa. A giala, masɛ din Dɛnaa Lawa nə ǹ Lawa lɛa.

Minin nimi 11:12

Zaman kɛ tumaa na á bɔ masɛ nɛ? Masɛ n má ǹ yɛ má ǹ kaa kanaa? N nə n pii masɛ nɛ, mà ma ǹ kaa ma kolo-n ka nɛ-gũli wɔ bɛ́ lɔn, ma wo ǹ ne gána kɛ nɛ, n din Lawa nə́ n lɛ kɔ ǹ digolon la nɛ.

Matiə 6:32

Bɛ din tumaa, min kooron man giɛ li ka n yiin paanan nɛ. Sɛnɛ kasɛn Di Lawa tá doɛ̃ mà ka laadoo tá ǹ ganaa.

Matiə 6:9

Ka doamaa nɛ ka Lawa nyankɔ kɛnɛn: Wɔ Di mɛn bɛ́ lon, toa n tɔ gole kɔ.

Zaã a sɛ́wɔ 20:17

Yezu tɔ́n pɛ nɛ: «N baran n gɔn paraa masɛ ganaa wa! A giala, ma bie zii la woe maa Díi li bɔrɔ wa. Sɛnɛ, wo pɛ ma dɔɔ̃nɔn manɛ mà ma á re dii ma wo maa Díi li kəni, ǹ mɛn lɛ bɛ́ ka dɔn Díi lɛa, ma á re woe Lawa li kəni, ǹ mɛn lɛ bɛ́ ka dɔn Lawa lɛa.»

Nya ǹ dín 13:26

Pooli pɛ doo: – Dɔɔ̃nɔn lɛn, ta ka n Abrahamu tɔrɔn lɛa hinlaa ta ka n tɔrɔ kɔsɔn lɛa, ka n nyɛ́ɛ biɛ Lawa nɛ, kirisibaa ǹ boo kɛ na á n dia wɔsɛn tumaa wɔ lɛa.

Timəə dí-pɛn 3:5

Kungɔn sɔsɔrɔn man nə́ goã bɛa kiwin lɛn tumaa lɛnpɛnɛ, goo nə́ ǹ kiɛnlɛn lɛ bɛ̀ ǹ tã, bɛ̀ ǹ fɔlɔ bàlà da a bii. Kiwi bisin gigiã dɔ́ goã a nɛ, kungɔnɔn nə́ ǹ ba bɛn ganaa wa.