Loen 102:2 - LAWA A BOO SONBORE

² Dɛnaa Lawa, n too kɔ maa nyankɔ li. Toa maa lɛ-dɛ dɔ yǎa n din li.

LAWA A BOO SONBORE 2011

² Dɛnaa Lawa, n too kɔ maa nyankɔ li. Toa maa lɛ-dɛ dɔ yǎa n din li.

Loen 102:2 ပူးပေါင်းရင်းမြစ်များ

Zɔbu 34:29

Sɛnɛ, bɛ̀ Lawa ba li a sii zɛnaa wa, die n die a zɛ̀rɛ biɛ? Bɛ̀ á n duru, die n boe la a yɛ? A bɛ́ giɛ tɔrɔn walan lɔn, a n giɛ min gogoonmaa dɔ walan miɛ̃.

Zɔbu 7:21

N ba boe la n maa sii baraa toa ma-n wa? N ba boe la n kiɛ̃ maa sã la wa? A giala, kànaa ka boɛɛn nɛ, ma á re wɛɛ tán tii li. N tá re giɛ ma li, sɛnɛ ma a re goɛ̃ ma tan wa.»

Loen 104:29

Sɛnɛ, bɛ̀ ń nə́ ǹ nu, koe na á bɔ ǹ ganaa. Bɛ̀ ń fɔfoaã si ǹ la, maǹ giɛ̃, maǹ wusii ǹ nə n baa tii lɛa.

Loen 13:1

LOE-saalin goledɛnaa loe mɛn lɔ. Davida a loe.

Loen 143:7

N nanaa Dɛnaa Lawa, n ma lɛ si. Á ke ma gù yii gã ma din-a. N baran n wàã kɔ ma-n wa. Bɛ bie wa, maa wɔ na á nya.

Loen 17:1

Davida a Lawa nyankɔ. Dɛnaa Lawa, sonbore pɛ n kɔ ma la! N too kɔ doɛ̃, n maa nyankɔ ma, ma nə n nyankoe ma gɔ́ɔ̃ n fu.

Loen 22:19

Maǹ maa dɔnkɛn gii kɔn, ǹ nə́ n piɛ̃ maa mɔnaan ganaa.

Loen 27:9

N baran n duru ma la wa. N din a dí-nyali n ka masɛ nɛ, n foo baran yoo, n ma loo wa. N din nə maa dɔmalɛ wole lɛa. N baran n bɔ ma li wa, n baran ma toa walan wa. Lawa, n din nə ma kirisibaali lɛa.

Loen 31:2

Dɛnaa Lawa, man kiɛ n din yele, n nyan toa sìi ma kũ duduu wa. Ma kanbaa, n peperebaa kɛ gɔ́ɔ̃ nɛ.

Loen 40:13

Koe siin mɛnɛn bɛ́ lɛ doa ná a ba ǹ la wa, bɛn man nə́ baa re ma mui ka mu bɛ́ lɔn. Maa sã ǹ siin lɛn nə́ kaa ma la, ma yii a soo ǹ bǎã ganaa wa. N nə́ mɔnaa ǹ nə́ la ma mìi ka nɛ, a si ma ganaa ǹ foo din ba ma lon doo wa.

Loen 69:17

Dɛnaa Lawa, maa nyankɔ si, a giala, mà n kɔn-narɛɛ gole lɛ á siĩni. N bɔyaa, n nə n yɔrɔ da ma la, a kɔnpɛ ka n makara-doɛ̃ gole kɛ nɛ.

Loen 70:1

LOE-saalin goledɛnaa loe mɛn lɔ. Davida a loe goon ne. Yiri koa sii li ǹ wɔ nɛ.

Loen 71:2

N din a peperebaa gɔ́ɔ̃ nɛ, ma si sii la, n ma bɔ a nɛ. N too kɔ ma lon, n ma kirisibaa.

Bɔ bɛ̀rɛbaa nɛ 2:23

A bɛ́ á belebɔ bɛ kio, Ezipti gána a kii lɛ gã. Izirayeli nɛnyaanan lɛn bɛ́ nɔmaa gɔ́ɔ̃ nɛ, ǹ nə́ gini, ǹ nə́ n lɛ dɛ. Bɛa bɛ̀rɛbaa lɛ gɔ́ɔ̃ nɛ, ǹ nyankɔ dii á dɔ Lawa ganaa.

Bɔ bɛ̀rɛbaa nɛ 2:24

Lawa nə́ ǹ ginii lɛ ma. Lawa yiri gisĩ ka lɛ kɔ kɔn la kɛ nɛ, a din doa kɔn ka Abrahamu ni, ka Izaaki laanka Zakɔba nɛ.

Izayii 43:2

Ta ma n mu zuzulu kuri, ma tá kunun n ni. Ta ma n tà kuri, mu á re n kuĩ wa. Ta ma n tɔ we tɛ bii, a re n kuĩ wa. Tɛ buə̃ lɛwɔn ba re miɛ n-a wa.

Izayii 65:24

Ǹ laan bɛ̀ ǹ ma bíi, ma á re ǹ lɛ sii. Ǹ laan bɛ̀ ǹ nya boo diɛ ganaa, bɛ̀ má n too kɔ ǹ lon.

Izayii 8:17

Ma nə n yii diɛ Dɛnaa Lawa la. Á n yɔrɔ bɔyaa bɔrɔ á bɔ Zakɔba tɔrɔn la. Sɛnɛ, masɛ yii n doa-n a din la.

Korɛnti1 10:13

Ka damagɔ́ɔ̃li ǹ siin mɛnɛn yɛ, bɛn man nə́ n zɛnaa minbuiinin man miɛ̃ lɛlɛndun. Lawa n bɔlɔgoondɛnaa lɛa. A re toɛ damagɔ́ɔ̃li la ka pàã yii-n wa. A din tá re pàã koe ka la, ka boo la ka damagɔ́ɔ̃li lɛ si ka ganaa, ka tɔn pàã yɛ ka soo a nɛ.