Loen 102:14 - LAWA A BOO SONBORE

¹⁴ N Zeruzalɛmu kiwi lɛ narɛɛ taman yii, n die n yoo, taãn pɛ á soɛ, makara bɔ a ganaa biikoo dɔ. Sonbore, a biikoo dɔ.

LAWA A BOO SONBORE 2011

¹⁴ N Zeruzalɛmu kiwi lɛ narɛɛ taman yii, n die n yoo, taãn pɛ á soɛ, makara bɔ a ganaa biikoo dɔ. Sonbore, a biikoo dɔ.

Loen 102:14 ပူးပေါင်းရင်းမြစ်များ

Ɛsidrasi 1:5

Bɛ kio, Zudaa tɔrɔn laanka Bɛnzamɛn tɔrɔn kɛdɛnan nɛ, Lawa a wúlu-bɔlen laanka *Levii tɔrɔn nɛ, min mɛnɛn tumaa bɛ́ Lawa sii lɛ wɔ ǹ yiri ni, ǹ nə́ yoo ǹ nə́ woo, ń giɛ ǹ tá Dɛnaa Lawa a kion lɛ doe, Zeruzalɛmu.

Ɛsidrasi 7:27

Barka tá Dɛnaa Lawa ganaa, wɔ digolon Lawa kɛ lɛ, á wɔ kii lɛ foo ne, mà a gugurubaa kɛ tɔrɔ da Dɛnaa Lawa a kion kɛ la Zeruzalɛmu.

Nehemii 1:3

Ǹ nə́ tɔ́n ma lɛ si kɛnɛn: «Min mɛnɛn nə bɔ bɛ̀rɛbaa ǹ bǎã lɛ nɛ ǹ nə́ daa ǹ gána nɛ, ǹ tá koe gole laanka sìi bii. Zeruzalɛmu a kungɔn lɛ tá fɔfoɛ̃ nɛ, tɛ ná a kiɛnlɛn dɔn kũ.»

Nehemii 2:17

Má tɔn pɛ ǹ nɛ: «Koe mɛn bɛ́ wɔ mìi ni, ka yii ba bɛ ganaa wa? A giala ǹ nə́ Zeruzalɛmu yu. Tɛ ná a kiɛnlɛn kũ. Ka daa wɔ n tan, wɔ wusoo wɔ Zeruzalɛmu a kungɔn lɛ dɔ, wɔ n bɔ sìi bii!»

Nehemii 2:3

Sɛnɛ má n toa kii lɛ ganaa: «Kii, n yii die a goã koo miɛ̃ duduu? Ma yɔrɔ n siɛ lɔn a ná a goɛ̃ ziziɛ̃-n wa?» Ma wo ma digolon bĩ kiwi mɛn nɛ, ń nə́ bɛ yu, tɛ ná a kiɛnlɛn kũ.

Nehemii 4:10

Sɛnɛ, a kũ bɛa pinaa kɛ lɛ ganaa lɔn, maa dí-nyalin lɛn talɛɛ goon na á goã dí lɛ nyɛɛ, a talɛɛ kɔsɔ kɛ na á goã bii-a ka sɛmiɛ̃n laanka góoron nə́ ǹ gɔn, ka san laanka ziabaa ǹ dɔnkɛn nɛ. Goledɛnan lɛn man nə́ goã golee ne Zudaa minin lɛn tumaa kio.

Nehemii 4:2

Ǹ tumaa tɔ́n yoo ǹ nə́ ǹ wɔ kaa kun, mà man die zia biɛ Zeruzalɛmu ganaa ǹ bɔ̀n da a ganaa.

Nehemii 4:6

Sɛnɛ Zuifun mɛnɛn nə goã giã-n wɔa zɔ́ɔn lɛn bii, bɛn nə́ gunyin fù yɛ die gòon yiɛ wɔ-a: «Zɔ́ɔn lɛn tá re boe paǹ yii li ǹ da ka tɔwaa.»

Loen 119:126

Dɛnaa Lawa, biikoo dɔ, n din sii zɛnaa. Ǹ nə́ n landa lɛ ziziɛ̃.

Loen 79:1

Asaafu a loe goon ne. Lawa! Tɔrɔ kɔsɔn nə́ daa n bǎã lɛ kũ, ǹ nə́ si. Ǹ nə́ *gɔ̀ lɔ n Guguru Kɔ ǹ Kion sonbore kɛ ganaa, ǹ nə́ Zeruzalɛmu yu, ǹ nə́ baa kɛbɔlɔ kooro lɛa.

Izayii 14:1

Dɛnaa Lawa á re makara boe Zakɔba tɔrɔn ganaa. Sonbore, á re nyɛɛ mà asɛ din na á Izirayeli tɔrɔn yii gɔgɔɔ̃, á re woe ǹ ne ǹ tán la. Tiin tá re kiɛ kunun ǹ ni, ǹ dɔn nə Zakɔba tɔrɔn baa.

Izayii 40:2

Ka Zeruzalɛmu foo taã, ka pɛ nɛ ka lɛn gole ne, mà a bɛ̀rɛbaa ǹ dí lɛ nya, mà a siɛ̃n lɛn dɔlɔ nya. A giala Dɛnaa Lawa da a sii baraan lɛn tumaa a dɔlɔ saraa ganaa.

Izayii 51:3

Dɛnaa Lawa n *Siɔn foo doɛ, a na a kɛbɔlɔn foo doa. A n die bɛa kɛbɔlɔn lɛn bɔyɛɛ a baa dù gɔrɔ lɛa, a tán gere kɛ baa Edɛn dù gɔrɔ lɛa. Foo kɔɔ̃n laanka nyɛnyɛɛ n die goɛ̃ a nɛ, tɔ bɔ ǹ loen ne, ka sàn kɔ ǹ mànan wuun ni.

Zeremii 29:10

Dɛnaa Lawa n kɛ pii: – Bɛ̀ Baabiloniin kii a pàã kɛ dɔ lɛ̀ pɔsɔbaa, ma á re die kaa gú ganaa. Ma á re maa lɛ kɔ kɛ lɛ piɛ̃: Ma á re soe ka-n kànaa ma wo ka nɛ Zeruzalɛmu.

Zeremii 30:18

Dɛnaa Lawa n kɛ pii: Ma á re Izirayeli minin lɛlɛ ǹ giã ǹ gɔn koe ǹ la. Ma á re makara boe ǹ kion minin ganaa. Ǹ nə ǹ kiwin mɛnɛn yu, ǹ tá re wusii ǹ bɛn dɔ ǹ bǎã nɛ, ǹ kion sonboren kɛn nə ǹ lɛlɛ bǎãn saa.

Uruti 1:6

Bɛ kio, Naomii bɛ́ á ma, mà Dɛnaa Lawa wusoo á bǐɛ̃ kɔ a tɔrɔ minin lɛn ganaa á màn-bii kɔ ǹ la, á yoo, a laanka ǹ manaan nɛ, ǹ nə́ wusoo ǹ nə́ woo Zudaa gána nɛ.