Loen 101:6 - LAWA A BOO SONBORE

⁶ Min mɛnɛn bɛ́ foo doamaa wolen lɛa gána lɛ gɔ́ɔ̃ nɛ, man bɛn yii gɔgoɛ̃, ń giɛ, ǹ tá sii yɔrɔ boe kun ma nɛ. Min mɛn a sii zɛnaa ǹ gɔn bɛ́ siĩni, bɛ lɛ n maa dí nya kun wole biɛ.

LAWA A BOO SONBORE 2011

⁶ Min mɛnɛn bɛ́ foo doamaa wolen lɛa gána lɛ gɔ́ɔ̃ nɛ, man bɛn yii gɔgoɛ̃, ń giɛ, ǹ tá sii yɔrɔ boe kun ma nɛ. Min mɛn a sii zɛnaa ǹ gɔn bɛ́ siĩni, bɛ lɛ n maa dí nya kun wole biɛ.

Loen 101:6 ပူးပေါင်းရင်းမြစ်များ

Loen 119:63

Min mɛn tumaa bɛ́ nyɛ́ɛ biɛ n nɛ, ǹ nə́ n minin doroo ǹ boon kɛn tamaɛ, masɛ n kun ka bɛn nɛ.

Loen 15:4

Min mɛnɛn bɛ́ ǹ ba kɔɔ̃n Lawa ganaa wa, a laadoo ba bɛn ganaa wa, sɛnɛ, min mɛnɛn bɛ́ nyɛ́ɛ biɛ Dɛnaa Lawa nɛ, a n bɛn narɛ. Bɛ̀ á n lɛ kɔ min la, ta a n nɔmaa nɛ a gɔ́ɔ̃ nɛ, a ba n bɔlɔ bɔyɛɛ wa.

Loen 34:15

A n bɔ sii baraa zɛnaa wɔlɔ li, a sii bǐɛ̃ zɛnaa. A ga là nyantoro li, a baa si a kio.

Suusun 28:28

Bɛ̀ min baraan nə́ pàã saa, min tumaa nə n duri. Bɛ̀ ǹ nə́ gã, bǐɛ̃-zɛnaali n mɔnɛɛ.

Suusun 29:2

Bɛ̀ min peperen nə́ pàã saa, zaman nə n nyɛnyɛɛ. Sɛnɛ bɛ̀ min baraa pàã saa, zaman nə gungunun sii.

Lawa a wúlu-bɔlen 14:42

mà ǹ kɔlɔ kɔsɔn goa, ǹ nə ǹ kaa kɛn lɛn bǎã nɛ, ǹ tii kɔsɔ goa, ǹ kion lɛ gɔ̀nɔn tɔrɔ nɛ.

Matiə 24:45

Dí-nyali mɛn nə yiridɛnaa lɛa, á n bɔlɔgoondɛnaa dɔ lɛa? Ǹ mɛn bɛ́ a dɛnaagiĩ bɔ a koa ǹ miã dí-nyalin mìi la bɛ̀ a bɛ́ re woe zii ni, mà a ga ǹ walan, bɛ̀ a màn-bii kɔ ǹ la a biikoo li.

Zaã a sɛ́wɔ 12:26

Bɛ̀ min mɛn tá li a dí nya masɛ nɛ, yǎa ǹ dɛnaa koe masɛ kio lɛ; ma bɛ́ bǎã mɛn nɛ, maa dí-nyali dɔ á re goɛ̃ walan. Bɛ̀ min mɛn tá dí nyɛɛ masɛ nɛ, maa Díi á re bɛa dɛnaa guguru koe.

Zaã a sɛ́wɔ 14:3

Bɛ̀ má woo bǎã zɛnaa má koa ka nɛ, ma á re wusii ma daa, ma ka goa ma wo ka nɛ ma din li, màn mɛn bɛ́ toɛ, ma bɛ́ bǎã mɛn nɛ, ka dɔn nə goã walan.

Zaã a sɛ́wɔ 17:24

Maa Díi, n min mɛnɛn kɔ masɛ la, ma din bɛ́ re goɛ̃ bǎã mɛn nɛ, man giɛ li, ǹ dɔn nə goã walan kun ka masɛ nɛ. N din gugurubaa mɛn kɔ masɛ la, ǹ bɛ yɛ, a giala, ń masɛ narɛ, haalɛ bɛ̀ kanaa tɔn nə n zɛnaa wa.

Sii-nyaan 21:3

Má lɛn kaka goon ma boe kii dankan paǹ li, a n pii: «Kanna, Lawa a giã ǹ bǎã lɛ á ke minbuiinin bii! A n die giɛ̃ kunun ǹ ni, ǹ ná a din a zaman baa. Lawa dinmaa n die goɛ̃ kunun ǹ ni, a ǹ Lawa baa.