Loen 101:3 - LAWA A BOO SONBORE

³ Ma ba re toɛ ma yii bɔ *gɔ̀ sii kɔn li wa. Wusoo Lawa kio wolen sii zɛnaa ǹ gɔn ba kɔɔ̃n ma ganaa wa, a gìĩ din ba ma dii wa.

LAWA A BOO SONBORE 2011

³ Ma ba re toɛ ma yii bɔ *gɔ̀ sii kɔn li wa. Wusoo Lawa kio wolen sii zɛnaa ǹ gɔn ba kɔɔ̃n ma ganaa wa, a gìĩ din ba ma dii wa.

Loen 101:3 ပူးပေါင်းရင်းမြစ်များ

Zɔbu 31:1

Masɛ n má n liɛ, máa ma a re giɛ nɛniɛ ganaa, ma yii bɔ li wa.

Loen 119:113

Min mɛnɛn gɔ́ɔ̃ bɛ́ paa, bɛn sii goon ba ma-a wa. Sɛnɛ, n landa boon kɛn man kɔɔ̃n ma ganaa.

Loen 119:37

Ma yii saa n bɔ sii kooron kɛn la. Tɔ wɔ ǹ gɔn mɛn bɛ́ kɔɔ̃nɛ n ganaa, toa ma bɛ saa.

Loen 125:5

Sɛnɛ, min mɛnɛn nə kanaa, ǹ nə́ zii kɔkɔrɔ saa, Dɛnaa Lawa, bɛn loo kun ka baraa-zɛnaalin kɛn nɛ. Là nyantoro die a giã Izirayeli li.

Loen 139:22

Má ǹ baa zɔ́ɔ á kiɛ̃ a bǎã la, má ǹ baa ma din a zɔ́ɔn lɛa.

Loen 14:3

Sɛnɛ, ǹ tumaa zii da, ǹ tumaa baraabaa ǹ zii saa. Ǹ kɔn ba sii bǐɛ̃ zɛnɛɛ wa, haalɛ ǹ min goon din.

Loen 36:3

A giala, a n giɛ a din ganaa ka taasiɛ naarɛ nɛ, a ba a din a sã doɛ̃, a wusoo a kio wa.

Loen 39:1

LOE kɛ n boe loe-saalin goledɛnaa Yedutun a sɛ́wɔ nɛ. Davida a loe ne.

Loen 40:4

Á loe tii wɔ ma lɛ-n, wɔa Lawa lɛ tɔ bɔ ǹ loe lɛa. Min gigiã á re yii, ǹ tá re nyɛ́ɛ biɛ, ǹ tá re n foo doɛ Dɛnaa Lawa ganaa.

Loen 41:9

Maǹ pii, mà busu baraa n ke a ganaa dɛ! Mà bɛ̀ kɛ min kũ, a yui doo wa.

Loen 78:41

Maǹ nə́ goã n diɛ Lawa gɔ́ɔ̃ li miɛ̃, ǹ nə́ goã Izirayeli a Lawa sonbore kɛ foo ziziɛ̃ ǹ sii zɛnɛɛ.

Loen 78:57

Ka ǹ digolon bɛ́ lɔn, ǹ nə́ n boɛ̃ ǹ nə n bɔ Lawa li, ǹ nə́ wusoo ka ǹ kio ne, min ba n foo doɛ ǹ ganaa wa. Maǹ ka sa biɛ bubunii bɛ́ lɔn.

Loen 97:10

Kasɛn mɛnɛn bɛ́ Dɛnaa Lawa lɛ narɛ, ka toa ka sii baraa baa zɔ́ɔ. A din lɛ na a wɔ a goleemali wolen nyin tamaɛ. A nə ǹ kanbiɛ min baraan-a.

Bɔ bɛ̀rɛbaa nɛ 20:17

- N yii baran bɔ min kɔsɔ gɔn màn kɔ́n li wa. N yii baran bɔ a kion li wa. N yii baran bɔ a lɔ li wa, a baran bɔ a dí-nyali giĩdɛnan laanka lɔdɛnan li wa. N yii baran bɔ a dii li ka a dundun ni wa.»

Bɔ bɛ̀rɛbaa nɛ 32:8

Á ke, ma zii mɛn nyaa ǹ nɛ, ǹ nə n foo kũ, ǹ nə́ goã bɛ la wa, ǹ nə́ ke ǹ nə́ kanaa ǹ nə́ n bɔ la. Á ke, ǹ nə́ diin nɛ nyín zɛnaa, ǹ ná a guguru kɔ, ǹ nə́ wúlu mànan dɛ a ganaa. Ǹ nə́ pɛ kɛnɛn dɔn dinin: «Haya, Izirayeli minin lɛn, kaa lawa lɛ á ke, ǹ mɛn lɛ ka bɔ Ezipti gána nɛ, á soo ka nɛ.»

Suusun 6:12

Min mɛn bɛ́ tɔ woe ka soɛ nɛ a lɛ-n, min kooro ne, sii baraa zɛnaa li ni.

Suusun 6:13

A nə n yii boe minin li, a nə n gòã toe tán, á n gòon yiɛ ǹ li.

Suusun 6:25

N baran n saa bɛ miã lɔ kɛ lɛ a siĩnbaa li wa, n nyan nə saa a yii bɔ mali li wa.

Suusun 8:13

Sii baraa tìĩ a bɔ ma nyin ni, n nyɛɛbaa Dɛnaa Lawa yii-n lɛa. Din koa nɛ, bɔlɔ baraa nɛ, sii bɔbɔnɛɛ laanka soɛ nɛ, bɛn tìĩ n boe-n ma nɛ.

Boo-laakalaali 6:9

Yii a màn yɛ á soɛ, yiri koa màn ganaa nɛ. Bɛ dɔ giala banban, a n piɛ̃ loo lɛa.

Izayii 30:11

Ka n wɔlɔ lui zii sonbore ganaa, ka n bɔ zii sonbore la. Ka nyan Izirayeli a Lawa sonbore kɛ boo da wɔ-n doo wa.

Izayii 33:15

Min mɛn bɛ́ sii sonbore zɛnɛɛ, a n peperebaa boo diɛ, bɛa dɛnaa a lɛ koe kakaarɛbaa ǹ màn ganaa wa, a nə n dɔ̀ɔ̃ we lɛ pii wolen manɛ, bɛ̀ ǹ tá gɛ̀ dɛ boo diɛ, a nə n too tiɛ̃. A nə n yii tiɛ̃ màn mɛn bɛ́ toɛ, a yii nyan sii baraa yɛ wa.

Zeremii 22:17

Sɛnɛ, nsɛ n giɛ n dinsɔɔ̃ a là li. Ma n zoɛ̃ yii tì-an dɛ li, n nə́ kakaarɛbaa zɛnɛɛ minin ni, ka mɛnaa ma la nɛ.

Misee 2:2

Bɛ̀ ǹ yii bɔ min a wuru li, maǹ kuĩ ǹ si la ka pàã nɛ, ta kion ne, maǹ nɔmɛ a ganaa. Maǹ boe kɛnaa laanka a kion minin yii ni. Ǹ bɔ min yii ni, ǹ na a gɔn màn kũ ǹ si la.

Zakarii 8:17

Ka nyan taasiɛ baraa wɔ kɔn a paǹ li wa. Ka nyan nə n liɛ soɛ la wa. Bɛa sii bɔbɔnɛɛn kɛn lɛn ba ma foo sii wa. Dɛnaa Lawa a da ǹ boo ne.»

Matiə 5:28

Sɛnɛ, masɛ n pii ka nɛ, bɛ̀ giĩ mɛn ga ǹ miã a lɔ ganaa a yii bɔ li, bɛa dɛnaa na á naarɛbaa zɛnaa kun ni gɔrɔ a din foo ne.

Rɔmu minin 12:9

Ka toa kaa kɔn-narɛɛ goã kɔn-narɛɛ taãn lɛa, a baran goã bɔlɔ papaa pɛ ǹ kɔn-narɛɛ lɛa wa. Ka baraabaa toa walan, ka ga bǐɛ̃ zɛnaa li parsiini.

Galaasi minin 4:9

Sɛnɛ kanna, ká Lawa dɔ̃. A taãnbaa din li Lawa na á kasɛn dɔ̃. Kanaa màn pàãwɛɛnan kɛn, là goon ná a ba ǹ ganaa wa, ka ǹ li ka goã bɛn bɛ̀rɛn lɛa doo?

Timəə dí-pɛn 13:17

Bɛ kio, ka kiwi lɛ a màn tumaa sɔkɔn a zaman paã ǹ bǎã nɛ, ka tɛ da a ganaa, ka kiwi lɛ tã lenlen. A n die n biɛ ka *wúlu màn nə́ ke ǹ nə́ tã lenlen lɔn, kaa Lawa, Dɛnaa Lawa wɔ lɛa. Bǎã lɛ n die goɛ̃ tán kɛbɔlɔ lɛa miɛ̃ duduu, a giala, kiwi lɛ a re n doe doo duduu wa.

Timəə dí-pɛn 15:9

Haya! Ka yiri bɔ, ka nyan toa ka taasiɛ kooron wɔ ka pɛ mà lɛ̀ sɔbaabaa ǹ wɔ lɛ, giɔ̀mɔ toa ǹ lɛ̀ lɛa, mà bɛ́ dɔ á nya wa. Ka baran n saa bɛa taasiɛ kɛ li, ka n yii baraa bɔ ka dɔɔ̃n doobaa li, ka nu ka màn nɛ wa. Bɛ̀ ká bɛ zɛnaa, bɛ̀ a n lɛ dɛ Dɛnaa Lawa ganaa, a n die sii baraa biɛ ka mìi ni.

Ebrəə 10:39

Min mɛnɛn bɛ́ kanɛɛ bɛ̀ ǹ papaã, wɔsɛn ba bɛn kɔnɔn lɛa doo wa. Sɛnɛ, wɔsɛn man golee Lawa li, wɔ á kirisibiɛ bɛa yɔrɔ kɛ lɛ la.

Zozoe 23:6

Sɛnɛ, ka n gù we yii taãn-taãnɛ, màn mɛn tumaa bɛ́ kiɛ̃-n Muizu a landa sɛ́wɔ kɛ nɛ, ka n doa ka kɔ bɛ lɛ. Ka nyan kanaa ka wo gusin wa, ka nyan kanaa ka wo gɔsɛ wa.

Piɛrɛ2 2:21

A giala, bɛ̀ minin kɛn lɛn manə ǹ zii pepere kɛ dɔ̃ wa, bɛ̀ bɛ á soɛ ǹ ganaa á la a doɛ̃ a wusoo a kio kɛ nɛ, Lawa a dí-pɛ sonbore mɛn nə n kɔ ǹ la, ǹ nə́ n dɔ̀ɔ̃ wɔ bɛ nɛ.

Zaã1 2:19

Bɛa minin kɛn lɛn man nə́ soo wɔ dinin li, sɛnɛ ǹ bie ǹ nə́ goã wɔa wɔn lɛa wa. Taãn nɛ, bɛ̀ maǹ nə́ goã wɔa wɔn lɛa, bɛ̀ ǹ nə́ goã kun ka wɔ nɛ. Sɛnɛ, ǹ na a bɔ wɔ ganaa kɛ lɛ na á nyaa foaãnɛ, mà ǹ kɔ́n ba wɔa wɔ lɛa sonbore wa.

Samayeli1 15:11

«Ma nə n gɔ́ɔ̃ bii, ka wàa nɛ ma Sayulu koa kii lɛa, a giala, a na á ma toa walan, a ba maa boo sii wa.» Samayeli foo yoo, á Dɛnaa Lawa nyankɔ tèlò-n á lɛ̀ waa nɛ.