Loen 100:3 - LAWA A BOO SONBORE

³ Ka dɔ̃ mà Dɛnaa Lawa n Lawa lɛa. A din na á wɔ zɛnaa, wɔ na a din wɔn lɛa. A din a minin man wɔ nɛ, a n wɔ lɛduĩ ka n bɛ́ tɔɔn lɛduĩ lɔn.

LAWA A BOO SONBORE 2011

³ Ka dɔ̃ mà Dɛnaa Lawa n Lawa lɛa. A din na á wɔ zɛnaa, wɔ na a din wɔn lɛa. A din a minin man wɔ nɛ, a n wɔ lɛduĩ ka n bɛ́ tɔɔn lɛduĩ lɔn.

Loen 100:3 ပူးပေါင်းရင်းမြစ်များ

Kiin2 19:19

Sɛnɛ nsɛ Dɛnaa Lawa ke wɔsɛn Lawa lɛa, wɔsɛn kanbaa Senankeribu ganaa. Dɛnaa, gánan tumaa á die doɛ̃ kəni mà n dinsɔɔ̃ n Lawa lɛa.»

KZS1 16:14

Dɛnaa Lawa lɛ n wɔa Lawa lɛa, a din lɛ n kii lɛa, kanaa tumaa mìi la.

Zɔbu 10:3

Fuu ke ń nyɛɛ ma-n kɛnɛn, bɛ lɛ n kɔɔ̃nɛ n ganaa? N din gɔn màn mɛn zɛnaa, ń bɛ tii, n barka wɔ min baraan zɛnaa ǹ sii ni, bɛ lɛ n kɔɔ̃nɛ n ganaa?

Loen 119:73

N din gɔn na á ma zɛnaa, á ma koa lon. Yiri kɔ ma la, ma boo la man daraa n dí-pɛn kɛn ganaa.

Loen 12:4

Dɛnaa Lawa, ǹ kɔn bebele ǹ lɛ kɛ lɛ kuru. Ǹ boo dadara da ǹ lɛwɔn kɛ lɛ kuru.

Loen 149:2

Izirayeli minin, ka n nyɛnyɛɛ, a din na á ka zɛnaa. *Siɔn minin, ka baa zɔ́n lɛa, a din lɛ n kaa kii lɛa.

Loen 46:10

A n zia nyɛɛ yǎa tán lɛ-doa ganaa, a n sa yiɛ, a sɛmiɛ̃ yiɛ, a goóro tã.

Loen 78:52

Á ná a minin lɛn waa á ǹ bɔ Ezipti, á soo ǹ ne ka tɔɔ kuru bɛ́ lɔn, á mɛ ǹ nyɛɛnɛ ka sèren-lɛduə̃li bɛ́ lɔn, á woo ǹ ne don sa bii.

Loen 79:13

Sɛnɛ, wɔsɛn mɛnɛn bɛ́ n din a zaman lɛa, wɔ n ka n tɔɔn bɛ́ lɔn, n din nə wɔ lɛduə̃li lɛa, wɔ á re boe la, wɔ n tɔ bɔ biikoo tumaa li, wɔ n gugurubaa laakalaa yǎa duduu.

Loen 95:3

Sonbore, Dɛnaa Lawa lɛ n Lawa gole lɛa, kii gole mɛn bɛ́ guguru kɔ ǹ mànan tumaa lalan.

Bɔ bɛ̀rɛbaa nɛ 6:7

Ma á re ǹ sii, ǹ goã ma din a zaman lɛa, ma dɔ goã ǹ dɔn Lawa lɛa. Ǹ tá re doɛ̃, mà ma din Dɛnaa lɛ nə ǹ Lawa lɛa, Lawa mɛn bɛ́ ǹ boe Ezipti minin nɔmaa ǹ dín li.

Boo-laakalaali 12:1

Sɛnɛ n tɔntɔraabaa biikoo li, n yiri kɔ ka n diɛ wole ne, bɛ̀ koe lɛawaan kɛn nə baa doe, ka lɛ̀n kɛn nɛ, ń die pii mà ǹ sii ba nsɛ-a wa.

Izayii 63:11

A zaman lɛ yiri gisĩ ka lɛlɛ ǹ nɛ, biikoo mɛn bɛ́ Muizu goã kunun ǹ ni: «Min mɛn yìsi mu kuru ka a zaman nɛ kɔnlɛ ka ǹ tɔɔn laanka ǹ lɛduə̃lin ni, ǹ dɛnaa n maa? Min mɛn na a Yiri sonbore gisĩ ǹ la, bɛa dɛnaa n maa?

Izayii 63:19

Haalɛ bibi, n ba wɔa kii lɛa doo wa, n tɔ ba wɔ ganaa doo wa. E! Bɛ̀ ma nə ń lon toɛ̃, ń daa gisĩ tán! Kelen tá re bìn diɛ n nyɛɛnɛ!

Izayii 64:7

A da yaa Dɛnaa Lawa, n din ni wɔa díi lɛa. Wɔsɛn man gì lɛa, nsɛ n dɔn-bɔle lɛa. N din nə n wɔ tumaa zɛnaa.

Zeremii 10:10

Sɛnɛ, Dɛnaa Lawa n Lawa taãn lɛa. Lawa Yiikoonaa nɛ. A n kii lɛa yǎa duduu. Bɛ̀ a foo yoo, tán nə bìn diɛ. Tɔrɔn ba boe sii kɔn la ǹ zɛnaa a foo-yoo gɔ́ɔ̃-n wa.

Ezekieli 34:11

Masɛ Dɛnaa Lawa n kɛ pii: «Á ke, kanna kəni, ma dinmaa n die ma a sèren lɛn basa boe, ma ga ǹ walan.

Zaã a sɛ́wɔ 17:3

Nyin nyabaã lɛ n ke, ǹ nə n din lɛ dɔ̃, Lawa taãn goon toto lɛa, n masɛ Yezu *Krita mɛn dɔ dia, ǹ ma dɔ dɔ̃.

Korɛnti2 4:6

Lawa mɛn bɛ́ á pɛ mà wɔlɔ fúlu yɛ wɔlɔ tì bii, a din na á toa wɔlɔ fúlu tɛ pɛ ma dɔ foo ne. Lawa a gugurubaa mɛn bɛ́ tɛ pii Yezu Krita yɔrɔ nɛ, a n mà minin nə boo la ǹ bɛ dɔ̃.

Efɛɛzi minin 2:10

A giala, mà Lawa din na á wɔ yɔrɔ bɔ, á wɔ zɛnaa wɔa tá kun ka Yezu Krita-n kɛ gɔ́ɔ̃ nɛ, mà wɔ boo la wɔ nya ǹ dí sonboren nya. Lawa din na á saa lɛlɛ, á bɛa nya ǹ dín kɛn lɛn yɔrɔ bɔ, ń giɛ wɔ tá ǹ siin zɛnɛɛ.

Timəə dí-pɛn 32:15

Sɛnɛ, Izirayeli minin kɛn, ǹ bɛ́ ǹ nə́ kã kəni, maǹ nə n gòã toe. Ǹ bɛ́ ǹ nə́ gole kɔ, ǹ nə́ kasã, ǹ nɔ̀ bɔ, ǹ nə́ Lawa toa walan, a da yaa, a din dɔ na á ǹ zɛnaa. Ǹ ná a puusə kɔ, a da yaa a din dɔ nə ǹ tamaɛ, á tá ǹ kirisibiɛ.

Timəə dí-pɛn 32:6

Baãnaan man ka nɛ, sii-doɛ̃ nya ka-a. Ka dinin man kɛ miã zɛnɛɛ Dɛnaa Lawa-n sonbore? Táa ka a Díi n ka a din lɛ nɛ, táa ka zɛnaali ni? A din na á ka zɛnaa, á ka koa a din a minin lɛa.

Timəə dí-pɛn 4:35

Bɛ na á n nyaa ka nɛ, màn mɛn bɛ́ toɛ ka dɔ̃, mà Dɛnaa Lawa n Lawa lɛa, bɛ̀ á n bɔ a din ni, lawa kɔsɔ banban.

Timəə dí-pɛn 4:39

Ka dɔ̃ pelo kəni, ka kũ ka yiri ni, mà Dɛnaa Lawa n Lawa lɛa lon, a din nə Lawa lɛa tán. Bɛ̀ á n bɔ a din ni, lawa kɔsɔ banban.

Timəə dí-pɛn 7:9

Ka toa ka dɔ̃, mà kaa Lawa, Dɛnaa Lawa lɛ din nə Lawa lɛa, Lawa taãn lɛa. Bɔlɔgoondɛnaa nɛ. Min mɛnɛn bɛ́ narɛ, ǹ ná a dí-pɛn kɛn tamaɛ, a na a lɛ kɔ kɔn la ǹ boon kɛn lɛ piɛ̃ bɛn wɔ paǹ li, a bǐɛ̃ zɛnaa ǹ nɛ, yǎa a woe doe nɔ̀ɔ duu gigiã ganaa.

Piɛrɛ1 2:25

A giala, ka n ká goã papaã-n lɛlɛ ka sèren bɛ́ lɔn, sɛnɛ kanna, kaa Gamawalan wole lɛ laanka ka Lɛduə̃li lɛ ka yɔrɔ bɔyaa, a daa ka-n a din li.

Piɛrɛ1 2:9

Sɛnɛ, kasɛn man Lawa a tɔrɔ boe lɛa, tɔrɔ mɛn bɛ́ Kii Lawa a wúlu-bɔlen lɛa. Kasɛn man tɔrɔ lɛa, Lawa koa a gɔrɔn a din wɔ lɛa, tɔrɔ mɛn a minin bɛ́ Lawa wɔn lɛa. A na á ka bíi á ka bɔ wɔlɔ tì li, á daa ka nɛ a din a wɔlɔ fúlu sonbore kɛ li, mà ka a din a sii sonboren kɛn laakalaa.

Piɛrɛ1 4:19

Bɛa yɔrɔ kɛ lɛ la, min mɛnɛn bɛ́ fuu yii Lawa din dùũ a lɛa, bɛn nə wo nyɛɛnɛ ka ǹ bǐɛ̃ zɛnaa nɛ, ǹ nə ǹ sii din tumaa toa ǹ zɛnaa wole Lawa gɔn, Lawa mɛn bɛ́ bɔlɔgoondɛnaa lɛa.

Zaã1 5:20

Wɔ á doɛ̃, wáa Lawa a Nɛgiĩ na á daa, á yiri kɔ wɔ la, mà wɔ Lawa Taãn kɛ dɔ̃. Wɔ ǹ goɛ̃ kun ka Lawa Taãn kɛ nɛ, a din a Nɛgiĩ Yezu Krita pàã ganaa. A din Yezu lɛ n Lawa Taãn lɛ lɛa, a din dɔ n nyin nyabaã dɔ lɛa.