Loen 1:3 - LAWA A BOO SONBORE

³ A n ka da mɛn bɛ́ ǹ nə́ zumu tà lɛ-a, a na a nɛ koe a biikoo li, a luu a bɛbɛnɛ wa. Bɛa dɛnaa kɛ bɛ́ sii mɛn tumaa zɛnɛɛ, a n bǐɛ̃ koe.

LAWA A BOO SONBORE 2011

³ A n ka da mɛn bɛ́ ǹ nə́ zumu tà lɛ-a, a na a nɛ koe a biikoo li, a luu a bɛbɛnɛ wa. Bɛa dɛnaa kɛ bɛ́ sii mɛn tumaa zɛnɛɛ, a n bǐɛ̃ koe.

Loen 1:3 ပူးပေါင်းရင်းမြစ်များ

Siin Giala 39:23

Kòso kion-lɛduə̃li lɛ dí mɛn toa Zozɛfu gɔn, a din goã giɛ ǹ kɔn walan doo wa, a giala, mà Dɛnaa goã kun Zozɛfu ni. A bɛ́ á goã dí woo dí nyɛɛ, Dɛnaa goã a tumaa bǐɛ̃ koe a gɔn.

Siin Giala 39:3

Bɛ́ yɛ mà Dɛnaa tá kun ni, a bɛ́ dí mɛn tumaa nyɛɛ, a nà a tumaa bǐɛ̃ koe a gɔn.

Kiin2 18:7

Dɛnaa Lawa goã kun ni, bɛ̀ á sii woo sii zɛnaa bɛ n bǐɛ̃ koe. Á n gòãn dii Asiirii gána a kii ganaa, a goã a pàã giulun doo wa.

KZS1 22:11

Kanna kəni, Dɛnaa Lawa giã n li maa nɛ, n boo la n Dɛnaa, n Lawa kion kɛ dɔ ka bǐɛ̃ nɛ, ka a din ni ke á pɛ n wɔ paǹ li lɔn.

KZS1 22:13

N wɔ á re bǐɛ̃ koe bɛ̀ n kɔ dí-pɛn kɛn lɛ ka landa boon kɛn nɛ Dɛnaa nə́ n kɔ Muizu la Izirayeli wɔ lɛa. Toa n goã kaka n foo tã, nyɛ́ɛ nyan nə n kũ wa, n nyan nə n foo ziziɛ̃ wa.

KZS2 31:21

Á dí gigiã nya Dɛnaa Lawa a kion kɛa dín lɛa ka dí-pɛn laanka gɔn waa ǹ boon kɛn kɔ ma lɛ a lɛa. A bɛ́ á zɛnaa miɛ̃, á ga Dɛnaa Lawa li ka a foo tumaa nɛ, a sii tumaa yɔrɔ yɛ.

KZS2 32:23

Min gigiã daa ka Lawa gɔ ǹ màn nɛ Zeruzalɛmu a Dɛnaa Lawa wɔ lɛa, ka gá wɔ ǹ mànan nɛ Zudaan kii Ezekiasi wɔ lɛa. A kũ bɛa waáraa ganaa tɔrɔ tumaa na a yii guguru koe.

Zɔbu 14:9

bɛ̀ á mu gìĩ ma lɔn gɔrɔ, a n foɛ̃, a gùrùn bɔ ka da ten bɛ́ lɔn.

Zɔbu 22:28

Bɛ̀ ń sii mɛn koa n yɔrɔ-a, bɛ n giala yii. Bɛ̀ ń zii mɛn saa, wɔlɔ fúlu á die boe bɛ la.

Loen 128:2

N din dí mɛn nya ka n gɔn nɛ, n tá re a màn bii. N foo á re kɔɔ̃n koe, n wɔ n ka yii-nyɛɛ nɛ!

Loen 129:8

Kiɛ̃ wolen ba pii mà Dɛnaa Lawa die a barka da ka ganaa wa. Wɔ n barka diɛ ka ganaa ka Dɛnaa Lawa tɔ nɛ.

Loen 92:14

A n goɛ̃ zumii-n Dɛnaa Lawa a Kion, a n boe a gole kɔ Lawa a sumu-n.

Loen 92:15

Ta a na á zizi kɔ, a nɛ-kɔ a sàabiɛ wa. Mu n goɛ̃ a gɔ̀nɔn nɛ giãgiã, a n goɛ̃ buruu miɛ̃ duduu.

Izayii 27:11

Bɛ̀ bɛa da bisinin lɛn gùrù laa, maǹ die ǹ yiɛ, lɔn nə tɛ da ǹ ganaa. Tɔrɔ kɛa sii kɔn giala miɛ wa. Bɛ lɛ na á toa, min mɛn zɛnaa, ǹ dɛnaa a makara boe a ganaa wa. Min mɛn yɛ á da kanaa, ǹ dɛnaa a bǐɛ̃ koe a ganaa wa.

Izayii 3:10

Ka pɛ kɛnɛn: «Min pepere n yii-nyɛɛ la, a giala, á re a nya ǹ dí sonboren kɛn là yii.»

Izayii 44:4

Ǹ tá re yii, ǹ gole kɔ, ka wuru gɔ́ɔ̃ nɛ ǹ buu bɛ́ lɔn, ka da bɛ́ lɔn, mu lɛkoro lɛ-a.

Izayii 58:11

Dɛnaa Lawa n die n nyɛɛnaan boe biikoo yii li. Haalɛ diə bii, á re màn-bii koe n la, a pàã kɔ n la. N nə n die goɛ̃ ka dù gɔrɔ mɛn bɛ́, ǹ nə́ mu kiɛ a ganaa parsiini, ka mu yala mɛn bɛ́ a mu n baa sii duduu.

Zeremii 17:8

Bɛa dɛnaa n goon ka da nɛ zumii-n tà lɛ-a, á gòonən bɔ á woo mu lɛ ganaa. Tɛ̀fuu biikoo li, a nyɛ́ɛ biɛ màn kɔn nɛ wa. A luu n goɛ̃ tì. Lɛ̀ goon lɛ̀ gere a màn kɔn pii-n wa. A n nɛ koe biikoo tumaa li.

Ezekieli 17:8

A da yaa, maǹ nə́ goã ǹ nə́ zumu bǎã sonbore ne, ǹ nə́ zumu mu gole lɛ-a, màn mɛn bɛ́ toɛ a gùrùn bɔ, a nɛ kɔ, a rezɛ̃ da sonbore baa.

Ezekieli 19:10

N dan kɛ na á goã ka *rezɛ̃ da bɛ́ lɔn, ǹ nə́ zumu mu lɛkoro-a. Mu gigiã lɛ taman yii, a na á goã nɛ koe, a n luu lɛa ka kɛkɛ.

Ezekieli 31:5

Bɛ lɛ na á toa, á sasa kɔ á la da gialakunun kɛn tumaa nɛ. A bɛ́ yui tán, a gùrù tenən nə́ mɔnaa, a gùrùn nə́ sɔsɔrɔ kɔ, mu gigiã lɛ taman yii.

Ezekieli 47:12

Mu gole lɛ lɛkoro-a, a wàãn paanan li, da nɛ-kɔle tɔrɔ tumaa bɔ. Ǹ luu á re bɛbɛnɛ wa, ǹ nɛ dɔ a re nyɛɛ a n bɔ ǹ la wa. Mui woo mui, maǹ die nɛ mərə niɛ̃ ǹ la. A giala, mu gole lɛ n soe Lawa a kion. Dan lɛn nɛ á re màn-bii biɛ, ǹ luu tá re dagòã biɛ.»

Minin nimi 24:6

Ǹ nə́ n da wɔlɔ la, ka tà mu bɛ́ lɔn. Maǹ ka dù gɔrɔ bɛ́ lɔn tà lɛ-a, ka aloɛsi da bɛ́ lɔn, Dɛnaa Lawa nə́ ǹ zumu. Maǹ ka *sɛdrə da bɛ́ lɔn mu lɛ-a.

Matiə 13:6

Wasa bɛ́ á dii lon, á màn bisin lɛ kũ á bɛbɛnɛ á dɛ, a giala gòon taãn ba a lon wa.

Matiə 21:19

Á gɔ́rɔ da kɔ́n yɛ zii para-a, á kanaa á ga ǹ dan la, a màn kɔ́n yɛ wa, bɛ̀ á n bɔ a luu ni. Yezu tɔ́n pɛ gɔ́rɔ da lɛ nɛ: «Nsɛ kɛ a nɛ koe doo duduu wa.» A din bǎã-n gɔrɔ, gɔ́rɔ da lɛ laa.

Matiə 21:34

Da nɛ ma waáraa bɛ́ á dɔ, a ná a dí-nyalin dia da wuru dí-nyalin lɛn li, maǹ na asɛ wɔ gii kɔ ǹ la ǹ da nɛ.

Matiə 21:41

Ǹ nə́ tɔ́n pɛ Yezu ni: «A n die bɛa min baraan kɛn dii baraa, yǎa ǹ giɛ̃, a na a da wuru lɛ koa dí-nyali kɔsɔn li, bɛ̀ a tá a wɔ gii li ǹ mɛn waáraa, bɛ̀ ǹ kɔ la a biikoo li.»

Zaã a sɛ́wɔ 15:6

Bɛ̀ min mɛn ba doa-n kɔn ka masɛ-n wa, bɛa dɛnaa nə n zuĩ kanaa ka da gùrù bɛ́ lɔn, a laa. Bɛ kio, maǹ bɛa da gùrù geren lɛn goɛ ǹ nə ǹ kaa tɛ-n ǹ kũ.

Timəə dí-pɛn 28:8

Dɛnaa Lawa á re toɛ màn-bii yɛ kaa dɔǹɔn nɛ, ka bɛ́ re n gɔn diɛ dí mɛn tumaa ganaa, á re barka diɛ bɛ ganaa. Kaa Lawa, Dɛnaa Lawa din bɛ́ gána mɛn lɛ koe ka la, á re barka diɛ ka ganaa walan.

Zude 1:12

Biikoo mɛn waáraa, bɛ̀ ka á dɔɔ̃nbaa ǹ màn bii kun, soɛ-bɔlen kɛn lɛn man wɔ̀lɔ̀ baraa lɛa kaa sii-zɛnaa ganaa, a giala, ǹsɛn man sii lɛ zɛnɛɛ ka sìi doɛ̃baã nɛ, ǹ nə́ ǹ ba n yiri koɛ ǹ miãn nɛ wa, yǎa ǹ dinin. Maǹ kɔnboe ka labaran mɛnɛn bɛ́ piɛ̃ nə́ ǹ siɛ kiɛ̃ ǹ nɛ, ǹ nə́ ǹ ba la mu koe wa. Maǹ goon dɔn ka dan mɛnɛn bɛ́, ta ǹ nɛ-kɔ waáraa nɛ, ǹ ba nɛ koe wa; dan manɛ, ǹ gòonən nə́ bɔyaa lenlen, ǹ nə́ gã ǹ nə́ laa.

Sii-nyaan 22:2

A n baa sii kiwi lɛ a zii gole kɛ la. Yiikoonaabaa ǹ da n zumii ni tà mu lɛ paǹan paanan li, da lɛ n nɛ koe gunyin fulupaa lɛ̀ goon gɔ́ɔ̃ nɛ, gunyin goon mui tumaa gɔ́ɔ̃ nɛ. A luu n dagòã lɛa, a n gánan tumaa a busu nyɛɛ.