Loen 1:1 - LAWA A BOO SONBORE

¹ Min mɛn bɛ́ a ba n too koe min baraan boo li wa, a ná a ba sii baraa-zɛnaalin lɛn zoɛ̃ wa, a ná a ba n mɔrɛ Lawa da yaa lɛa wolen ganaa wa, bɛa dɛnaa wɔ na á bǐɛ̃ kɔ.

LAWA A BOO SONBORE 2011

¹ Min mɛn bɛ́ a ba n too koe min baraan boo li wa, a ná a ba sii baraa-zɛnaalin lɛn zoɛ̃ wa, a ná a ba n mɔrɛ Lawa da yaa lɛa wolen ganaa wa, bɛa dɛnaa wɔ na á bǐɛ̃ kɔ.

Loen 1:1 ပူးပေါင်းရင်းမြစ်များ

Siin Giala 49:6

Ǹ bɛ́ n duri, bɛ̀ ǹ kɔn yɛ boo mɛn ganaa, ma ba li ma wo a bǎã-n wa, ma ba li ma wo ǹ kɔn yɛ ǹ bǎã-n wa. A giala, ǹ foo bɛ́ á yoo, ǹ nə́ minin dɛ, ǹ bɛ́ mà maǹ là kiɛ sii ganaa, ǹ nə́ diin dɛdɛ kooro.

Siin Giala 5:24

A bɛ́ á kɔ Lawa a zii lɛ, Lawa saa á woo-n a din li lon, min yii yɛ doo wa.

Kiin1 16:31

A bie á kɔ Nebaati a nɛgiĩ Zeroboamu a sii zɛnaan dininsɔɔ̃nɔn lɛ wa, sɛnɛ á woo ǹ daa Sidɔn minin kii Etibaali a nɛlɔ Zezabɛli la, á saa lɔ lɛa. Ka bɛ dɔ nɛ, á woo dì *Baali kɛ guguru kɔ, á kaa tán a giulun.

KZS2 22:3

Ahaazia na á kɔ Akaabu a kion minin gòɛ̃ lɛ, a giala, ǹ dan na á doroo baraa kɔ la.

Zɔbu 10:3

Fuu ke ń nyɛɛ ma-n kɛnɛn, bɛ lɛ n kɔɔ̃nɛ n ganaa? N din gɔn màn mɛn zɛnaa, ń bɛ tii, n barka wɔ min baraan zɛnaa ǹ sii ni, bɛ lɛ n kɔɔ̃nɛ n ganaa?

Zɔbu 21:16

A laanɛ ǹ tá bɛ pii, yii-nyɛɛ ba ǹ lon wa? Sɛnɛ, Lawa die a min baraan taasiɛ kɛ wɔlɔ lui masɛ ganaa!

Zɔbu 31:5

Bɛ̀ má kɔ soɛ lɛ, bɛ̀ má baa si minin bebelee kio,

Loen 1:6

A giala, Dɛnaa Lawa n giɛ min sonboren walan, sɛnɛ, min baraan wɔ n ka bɔ̀n nɛ.

Loen 106:3

Min mɛnɛn bɛ́ dí-pɛn tamaɛ, ǹ nə́ sii pepere zɛnɛɛ biikoo tumaa li, Lawa á re barka diɛ bɛn ganaa.

Loen 112:1

Aleluya, ka Dɛnaa Lawa tɔ bɔ! Min mɛn bɛ́ nyɛ́ɛ biɛ Dɛnaa Lawa nɛ, a ná a dí-pɛn kɛn dɔn narɛ, bɛa dɛnaa wɔ na á bǐɛ̃ kɔ.

Loen 119:115

Min baraan lɛn, ka n yɔrɔ bɔyaa ka bɔ ma la, ma boo la ma maa Lawa a landa boon kɛn tamaa.

Loen 144:15

Bɛ̀ bɛa mànan kɛn lɛn tumaa tá tɔrɔ mɛn gɔn, bɛ foo á re kɔɔ̃n koe. Dɛnaa Lawa bɛ́ tɔrɔ mɛn a Lawa lɛa, bɛ wɔ na á bǐɛ̃ kɔ.

Loen 146:5

Sɛnɛ, Zakɔba a Lawa kɛ bɛ́ min mɛn a dɔmalɛ wole lɛa, min mɛn bɛ́ n foo doɛ a Dɛnaa Lawa kɛ ganaa, bɛ wɔ na á bǐɛ̃ kɔ.

Loen 146:9

A din nə gùlin tamaɛ. A nə n doe nɛ toenən laanka giɔɔrɔn lɛ. Sɛnɛ, a toɛ min baraan sii bǐɛ̃ kɔ wa.

Loen 2:12

Ka a nɛgiĩ lɛ guguru kɔ. Bɛ bie wa, bɛ̀ a foo yoo, ka laan bɛ̀ ka dɔ̃, bɛ̀ bɔ̀n ka yɛ. A giala, a foo á re yui fufuu. Min mɛnɛn bɛ́ kiɛ Dɛnaa yele, bɛn foo á re kɔɔ̃n koe.

Loen 26:12

Má gòãn doa ǹ bǎã yɛ, bɛ lɛ nɛ, ma á re Dɛnaa Lawa guguru koe zaman bii.

Loen 34:8

Minin mɛnɛn bɛ́ nyɛ́ɛ biɛ Dɛnaa Lawa nɛ, a lon a dia dí-a wole kɛ n bɛn lɛnpɛnɛ, a tá ǹ kirisibiɛ.

Loen 36:4

Soɛ dinsɔɔ̃ laanka minin yiri sã ǹ boo na a lɛ-n. A din yii li, sii sonbore zɛnaa din là banban doo wa.

Loen 64:2

Lawa, man maa busii pii n din ni. N too kɔ ma lon. Ma bɛ́ nyɛ́ɛ biɛ zɔ́ɔ mɛn nɛ, ma kanbaa bɛ ganaa.

Loen 81:12

Sɛnɛ, maa zaman lɛ nə n too kɔ maa lɛ-dia ganaa wa. Izirayeli mà a ba ma li wa.

Loen 84:12

Sonbore, Dɛnaa Lawa lɛ n wɔlɔ fúli wɔ nɛ ka wasa bɛ́ lɔn, a din dɔ n wɔ tamaɛ. Dɛnaa Lawa din nə bǐɛ̃ zɛnɛɛ, á gugurubaa koe. Min mɛnɛn giã bɛ́ pepere, a n yii-nyɛɛ koe bɛn la.

Suusun 1:15

Maa nɛ, n nyan wo kunun ǹ ni wa. N wɔlɔ lui ǹ zii ganaa.

Suusun 1:22

Baãnaan lɛn, ka n die kaa baãnaabaa lɛ narɛ yǎa biĩ kəni? Yaa wɔ minin ganaa wolen lɛn, ka n die yaa woe minin ganaa yǎa biĩ kəni? Yiriwɛɛnaan lɛn, ka n die n piɛ̃ ka sii doɛ̃-n yǎa biĩ?

Suusun 13:15

Yiri sonbore bɛ́ min mɛn nɛ, bɛa dɛnaa n kɔɔ̃n minin ganaa. Sɛnɛ min baraan n zii baraa la.

Suusun 13:20

Bɛ̀ n koa kun ka sii-dɔ̃li ni, ma n sii-dɔ̃li biɛ. Bɛ̀ n koa kun baãnaa nɛ, n tá re nɔmaa we.

Suusun 19:29

Yaa wɔ minin ganaa wole nə n yiri koa a dɔlɔ li. Yiriwɛɛnaa dɔ nə n yɔrɔ bɔ mandɛ a lɛa.

Suusun 2:12

Ǹ tá re n kanbiɛ giã ǹ gɔn baraa ganaa. Min mɛnɛn bɛ́ soɛ boon diɛ, ǹ tá re n wɔlɔ lui bɛn ganaa.

Suusun 3:34

Dɛnaa Lawa nə n foo nyɛɛ din koa wolen mala, sɛnɛ a na a sonborebaa nyɛɛ din gisiĩ wolen manɛ.

Suusun 4:19

Sɛnɛ, min mɛnɛn bɛ́ sii baraa zɛnɛɛ, bɛn wɔ n wɔlɔ tì lɛa ka tèlò bɛ́ lɔn. Màn mɛn bɛ́ re ǹ boe a ǹ daa, ǹ yii ba bɛ-a wa.

Suusun 9:12

Bɛ̀ ń yiridɛnaa baa, a là n die yii n din-a. Bɛ̀ ń din koa wole baa, a siin man die kuĩ n din mìi ni.

Zeremii 15:17

Ma bie giã-n tán yaa wɔ ma-a wolen bii, ma á sàn koe wa. Sɛnɛ, ń ma da giã tiãlɛa ganaa ka pàã nɛ, a giala, ń ma gɔ́ɔ̃ pã ka foo yoo ne.

Zeremii 17:7

Sɛnɛ, min mɛn bɛ́ golee Dɛnaa Lawa li, a nə́ n foo doɛ Dɛnaa Lawa ganaa, Barka á re n diɛ bɛa Dɛnaa ganaa.

Ezekieli 20:18

Má kɛ pɛ ǹ nɛnyaanan manɛ don lɛ nɛ: «Ka baran kɔ ka digolen landa siin kɛn lɛ wa, ka baran ǹ sii zɛnaa ǹ gɔn saa wa, ka baran ǹ dìn kɛn guguru kɔ, ka *gɔ̀ da ka dinin ganaa wa.

Matiə 16:17

Yezu tɔ́n pɛ a dɔ nɛ: – Zonaasi a nɛgiĩ Simɔn ganaa, n wɔ na á bǐɛ̃ kɔ. A giala minbuiin nɛ bie á kɛ nyaa n nɛ wa, ma Di Lawa na á nyaa n nɛ.

Luku 11:28

Sɛnɛ, Yezu pɛ: «Haayii! Min mɛnɛn bɛ́ n too koe Lawa a boo-a, ǹ nə́ tɔ we á kɔnpii-n kaa, barka á re n diɛ bɛn ganaa!»

Zaã a sɛ́wɔ 13:17

Ka bɛ́ bɛ doɛ̃ kanna, ka kɔ lɛ, ka foo á re nyɛɛ.

Zaã a sɛ́wɔ 20:29

Yezu tɔ́n pɛ nɛ: «N bɛ́ ń masɛ yɛ, bɛ lɛ bie ń tɔn waa la wa? Min mɛnɛn bɛ́ wɛɛ masɛ la, ǹ nə́ ǹ masɛ yɛ dɔn bɔrɔ wa, barka á re n diɛ bɛa dɛnan ganaa.»

Rɔmu minin 5:2

A giala, a na á zii bũ wɔ nɛ, wɔ́ boo la wɔ́ n mɔrɔ Lawa a bǐɛ̃baa lɛ ganaa. Wɔ n wɔ́ lɛ kɔ bɛa bǐɛ̃ lɛ ganaa, golee Yezu li barka nɛ, wɔ na a din bǐɛ̃ kɛ lɛ gɔ́ɔ̃ nɛ, haalɛ ka pelo yii ni. Sisia kəni, wɔ foo á kɔɔ̃nɛ, a giala, wɔ á waa-n la, wáa Lawa á re toɛ wɔ wɔa wɔ gii yɛ a din a gugurubaa kɛ nɛ.

Efɛɛzi minin 6:13

Bɛ lɛ a lɛa, ka Lawa a ziabaa ǹ mànan tumaa gũ ka gɔn kanna. Màn mɛn bɛ́ toɛ, bɛ̀ lɛawaa baraa kɛ́ dɔ, yǎa kaa zɔ́ɔ kɛ da yoo ka gialaa, ka boo la ka n gòãn doa a ganaa. Ka á re zia biɛ a ganaa miɛ̃ yǎa a woe nyɛɛ, ka á re goɛ̃ ka dinin giã ǹ gɔn taãn la ka bɛ nɛ.

Timəə dí-pɛn 14:6

Màn mɛn tumaa gòon bii bɛ́ diɛ nɛ, a gòon tɔ́n nə́ paa, a ná a màn-bii baɛ̃ a gɔ́ɔ̃ nɛ bɛ̀ a timəə la a sɔ̃, ka á boe la ka bɛa siĩ sɔ̃.

Timəə dí-pɛn 33:29

Izirayeli minin, kasɛn wɔ bǐɛ̃ kɔ! Dɛnaa Lawa na á tɔrɔ kɔsɔ mɛn kirisibaa ka kasɛn kɛn bɛ́ lɔn? A din nə goóro lɛa ka tamaɛ, a din dɔ n gɔya sa lɛa, pàã koe ka la. Kaa zɔ́ɔn tá re ka bebele ka yɔrɔ yii ni, sɛnɛ, kasɛn tá re tɔ we ǹ dɔ̀ɔ̃ la.»

Piɛrɛ1 4:3

Sonbore, ka biikoo gigiã saa lɛlɛ, ka kaa sii din tumaa zɛnaa, á kɔnpɛ ka min kooron sii-zɛnaan nɛ. Ka ǹ ká goã naarɛ biɛ, ka goã dùũ sii babaraan zɛnɛɛ, ka ǹ ká goã yɔ-mili baraan lɛa: Ka ǹ ká goã n lɛ soekɔn ka n mii baraabaraa, ka n mii bɛ̀ ka n zɔɔ̃ kɔn. Ka dì wúlu-bɔ bɔnɛɛn dɔn zɛnaa.

Sii-nyaan 22:14

Min mɛnɛn bɛ́ wusii ǹ siin kio, ǹ nə́ goɛ̃ *yoreen ne, bɛn foo á re kɔɔ̃n koe, a giala masɛ n lɛ koe ǹ la, ǹ yiikoonaabaa ǹ da nɛ bii, ǹ tá re we ka kiwi lɛ a kiɛnlɛn nɛ.