Lawa a wúlu-bɔlen 9:24 - LAWA A BOO SONBORE

²⁴ Dɛnaa Lawa tɛ kɔn dia, á daa wúlu màn tiɛ̃ laanka màn nyɔɔn lɛn kũ a lalan. Zaman lɛ tumaa bɛ yɛ. Foo kɔɔ̃nbaa gɔn, ǹ nə́ n lɛ dɛdɛ, ǹ nə́ nana ǹ nə́ kakaa tán ǹ yɔrɔ la.

LAWA A BOO SONBORE 2011

²⁴ Dɛnaa Lawa tɛ kɔn dia, á daa wúlu màn tiɛ̃ laanka màn nyɔɔn lɛn kũ a lalan. Zaman lɛ tumaa bɛ yɛ. Foo kɔɔ̃nbaa gɔn, ǹ nə́ n lɛ dɛdɛ, ǹ nə́ nana ǹ nə́ kakaa tán ǹ yɔrɔ la.

Lawa a wúlu-bɔlen 9:24 ပူးပေါင်းရင်းမြစ်များ

Siin Giala 15:17

Wasa bɛ́ á mɛ, kùsì kɔ́n a tɛsiã goã boe wɔlɔ tì lɛ li, a tɛ buə̃ bɔ siĩ lɛkaran lɛn bii ni.

Siin Giala 17:3

Abramu na á kaa tán, á n mìi kuməə. Lawa boo da nɛ á pɛ:

Kiin2 19:15

Á tɔ́n Dɛnaa Lawa nyankɔ á pɛ: «Izirayeli gána a Lawa, Dɛnaa Lawa, nsɛ mɛn bɛ́ lon màn yiikoonaan mìi la, n dinsɔɔ̃ n kanaa gánan tumaa a Lawa lɛa, a giala n din nə n lon laanka tán zɛnaa.

KZS1 21:26

Davida Dɛnaa Lawa a *wúlu bɔ ǹ bǎã lɛ dɔ á wúlu màn tiɛ̃ laanka zɔ́ɔ da Lawa nɛ ǹ wúlu mànan kɔ. Á Dɛnaa Lawa nyankɔ, Dɛnaa Lawa ná a lɛ si ka tɛ nɛ á bɔ lon á gisĩ wúlu bɔ ǹ bǎã lɛ la.

KZS2 6:2

Sɛnɛ, masɛ kion sonbore dɔ ma kɔ n la bǎã nɛ, maa n giã-n duduu.»

Ɛsidrasi 3:11

Ǹ bɛ́ Dɛnaa Lawa guguru kɔ ǹ loen laanka barka da Dɛnaa Lawa nɛ ǹ loen loe, maǹ nə́ goã siɛ loe-n kun kɛnɛn: «Lawa a siĩni, a kɔn narɛ ba nyɛɛ duduu Izirayeli wɔ paǹ li wa.» Zaman lɛ tumaa goã n lɛ wurii, bɛ̀ ǹ tá Dɛnaa lawa guguru koe, a kion lɛ gòã daa taman yii.

Loen 80:1

LOE-saalin goledɛnaa loe mɛn lɔ tùtu wuu li. Yiri koa sii ni ǹ loe ne. Asaafu a loe goon ne.

Bɔ bɛ̀rɛbaa nɛ 3:2

Dɛnaa a lon a dia dí-a wole nə́ n din nyaa nɛ, tɛ buə̃ bii daãn ganaa. Á ga, daãn lɛ n tɛ lɛa, sɛnɛ, a kuĩ wa.

Lawa a wúlu-bɔlen 10:2

A din bǎã-n gɔrɔ, tɛ bɔ Dɛnaa Lawa li, á ǹ kũ ǹ yii n koo. Ǹ nə́ gã Dɛnaa Lawa yɔrɔ-a walan.

Lawa a wúlu-bɔlen 6:13

Bɛ̀ ka nyɔɔ kaa Aarɔn laanka a nɛgiĩn lɛn mìi ni, ka ǹ bɔ ka ǹ koa wúlu-bɔle lɛa ǹ mɛn pinaa, ka doamaa nɛ ka Dɛnaa Lawa gɔ ka kɛ nɛ: wùsu nɔnɔɔ kilo sɔɔ, ka bɛ kɔ Dɛnaa Lawa la miɛ̃ duduu. Ka a talɛɛ kɔ la baayɛlɛ, ka a talɛɛ kɔ la wasamiɛ̃nɛ.

Minin nimi 14:5

Muizu laanka Aarɔn tɔ́n na, ǹ nə́ kaa tán ǹ lɛ la, Izirayeli zaman sɔkɔn lɛ tumaa yɔrɔ-a.

Minin nimi 16:22

Bɛ kio, Muizu laanka Aarɔn na, ǹ nə́ kaa tán ǹ lɛ la, ǹ nə́ pɛ: «Ee Lawa! Nsɛ mɛn bɛ́, da ǹ màn din tumaa a fɔfoã nə́ n gɔn, n foo n die yui zaman lɛ tumaa li, a da yǎa min goon dinsɔɔ̃ na á sii baraa zɛnaa?»

Minin nimi 23:21

Dɛnaa Lawa sii baraa yɛ Zakɔba tɔrɔn lɛn ganaa wa. A kɔkɔrɔbaa yɛ Izirayeli minin lɛn ganaa wa. A nə ǹ Lawa Dɛnaa Lawa lɛa, giã nɛ ǹ bii. Ǹ tá n lɛ dii ka a kiibaa nɛ.

Matiə 26:39

Á n zɔ̃ á woo nyɛɛn boɛɛn nɛ, á na á kaa tán-a, á n mìi kuməə, á Lawa nyankɔ bɛ̀ a n pii: «Maa Díi! Bɛ̀ n tá boe la n zɛnaa, n là-paparɛɛ kɛ wɔlɔ lui ma ganaa. Sɛnɛ, masɛ foo sii baran n zɛnaa wa, n din wɔ nə n zɛnaa.»

Sii-nyaan 4:9

Min mɛn bɛ́ kii dankan nɛ, a yii n koo yǎa duduu, bɛ̀ màn yiikoonaa sii lɛ yoo, ǹ nə́ loe lɔ ǹ ná a tɔ bɔ, ǹ ná a guguru kɔ, ǹ nə́ barka da-n lɔn,

Sii-nyaan 5:8

A bɛ́ á sɛ́wɔ lɛ si biikoo mɛn li, màn yiikoonaa pàãdɛnaa sii kɛ laanka *min gole fuəwensii kɛ kaa tán Sère Nɛ lɛ giulun, tùtu n didie gɔn. Sana donkolon dɔ n didie tumaa gɔn, a piɛ̃maa-n ka màn gìĩ kɔɔ̃n-a nɛ. Bɛa màn gìĩ kɔɔ̃n-a lɛ n Lawa a min sonboren Lawa-nyankɔ giala pii.

Sii-nyaan 7:11

Lon a dia dí-a wole mɛn tumaa goã soe-n kɔn, ǹ nə́ kii dankan kɛ lɛnpɛnɛ, ka min golen kɛn nɛ, ka màn yiikoonaa pàãdɛnaa sii kɛ nɛ, ǹ nə́ kaa tán-a kii dankan lɛ yɔrɔ-a, ǹ nə́ n yɔrɔ kɔ tán lɛ, ǹ nə́ Lawa guguru kɔ.

Sii yɔrɔ-bɔlen 13:23

A lɔ lɛ tɔ́n pɛ nɛ: «Bɛ̀ Dɛnaa Lawa n giɛ li a wɔ dɛ wɔ gã, bɛ̀ a re wúlu màn tiɛ̃ kɛ laanka gɔ ǹ màn kɛ sii wɔ gɔn wa. Bɛ̀ a re kɛ tumaa nyɛɛ wɔsɛn man wa, bɛ̀ a re doree kɛ miã koe wɔ la biikoo kɛ gɔ́ɔ̃-n wa.»

Sii yɔrɔ-bɔlen 6:21

Bàlà mɛn bɛ́ Dɛnaa Lawa a lon a dia dí-a wole lɛ gɔn, á bɛ lɛkoro zɔɔ̃ siĩ lɛ laanka buuru lɛ ganaa. Tɛ soo gɛ̀fu lɛ nɛ, á siĩ lɛ laanka buuru lɛ kũ. Bɛ kio, Dɛnaa Lawa a lon a dia dí-a wole lɛ papaã á n bɔ a yɔrɔ-a.