Lawa a wúlu-bɔlen 8:35 - LAWA A BOO SONBORE

³⁵ Ka giã kɔn yɛ ǹ kion lɛ a kiɛnlɛ-a, baayɛlɛ laanka tèlò ne, yǎa lɛawaa sɔbaa. Dɛnaa Lawa dí mɛn kɔ ka la, ka bɛ nya, màn mɛn bɛ́ toɛ, a baran ka dɛ wa. Dɛnaa Lawa dí mɛn pɛ ma nɛ, a din ni ka kɛ nɛ.

LAWA A BOO SONBORE 2011

³⁵ Ka giã kɔn yɛ ǹ kion lɛ a kiɛnlɛ-a, baayɛlɛ laanka tèlò ne, yǎa lɛawaa sɔbaa. Dɛnaa Lawa dí mɛn kɔ ka la, ka bɛ nya, màn mɛn bɛ́ toɛ, a baran ka dɛ wa. Dɛnaa Lawa dí mɛn pɛ ma nɛ, a din ni ka kɛ nɛ.

Lawa a wúlu-bɔlen 8:35 ပူးပေါင်းရင်းမြစ်များ

Kiin1 2:3

Dɛnaa Lawa, n Lawa lɛ bɔlɔ si. Kɔ Dɛnaa Lawa a ziin lɛ, n na a landa boon tamaa, n na a gɔn waa ǹ boon si, ka a sii yɔrɔ bɔ ǹ boon laanka a da ǹ boon ne, ka a bɛ́ ke á n kiɛ̃ Muizu a dí-pɛn sɛ́wɔ kɛ-n lɔn, màn mɛn bɛ́ toɛ n sii yii bǐɛ̃ kɔ n gɔn, ka sii mɛnɛn tumaa bɛ́ n koa n yɔrɔ-a.

Bɔ bɛ̀rɛbaa nɛ 29:35

«A zɛnaa miɛ̃ Aarɔn laanka a nɛgiĩn lɛn manɛ, a kɔnpɛ ka boo kɛ lɛ din tumaa nɛ masɛ pɛ nɛ. Lɛawaa sɔbaa gɔ́ɔ̃ nɛ, Aarɔn laanka a nɛgiĩn lɛn koa kɛa siin zɛnaa.

Ezekieli 43:25

N die n butumu goon dɛ baraabaraa sii baraa sawaa ǹ wúlu màn lɛa, yǎa lɛawaa sɔbaa, ka dii gɔ̀lɔ̀ goon laanka sère gɔ̀lɔ̀ goon mɛn dɔ bɛ́ wɔ̀lɔ̀ ná a ba ǹ ganaa tɔɔn bii wa.

Ezekieli 48:11

Ǹ Sadɔki tɔrɔn mɛnɛn koa Lawa a wúlu-bɔlen lɛa, bɛa bǎã lɛ n die doe bɛn ganaa. Ǹsɛn nə́ Dɛnaa Lawa a dí nya ka bɔlɔgoondɛnaabaa nɛ. Ǹ Lawa toa walan ka *Levii tɔrɔn kɛn nə́ ke ǹ nə́ zɛnaa lɔn, Izirayeli tɔrɔn Lawa bɔlɔ tii kɛa biikoo li wa.

Lawa a wúlu-bɔlen 10:1

Nadaabu laanka Abiu n Aarɔn a nɛgiĩn lɛa. Ǹ kɔn pinaa, didie ná a da yon gìĩ kɔɔ̃n tã ǹ fɔlɔ tàãn saa, á tɛ nàn kaa a nɛ, á da yon gìĩ kɔɔ̃n da la. Bɛa zɛnaa kɛnɛn ke, tɛ soree ne, ǹ nə́ daa-n Dɛnaa Lawa yɔrɔ-a. A da yaa, Dɛnaa Lawa pɛ ǹ nɛ mà ǹ zɛnaa miɛ̃ wa.

Lawa a wúlu-bɔlen 14:8

Min mɛn lɛ bɛ́ gɔ̀ boe a din ganaa, bɛ na a mɔnaan pii kəni, a n ka tumaa kɔɔ̃, a n zoo mu li, a tɔn *yoreen kɔ. Bɛ kio, a wo giã ǹ bǎã lɛ nɛ. Sɛnɛ, a n giɛ̃ kanaa, a ba we a mɔnaa kion wa, yǎa lɛawaa sɔbaa.

Lawa a wúlu-bɔlen 8:30

Bɛ kio, Muizu bɔ a koa ǹ nyɔɔ kɛ laanka mà kɔn saa màn nɛ, wúlu bɔ ǹ bǎã kɛ lalan. A ǹ pɛpɛsɛ̃ Aarɔn laanka a mɔnaan ganaa, á ǹ pɛpɛsɛ̃ a nɛgiĩn lɛn dɔn laanka ǹ mɔnaan ganaa. A na á zɛnaa miɛ̃ á Aarɔn laanka a mɔnaan baa Lawa wɔn lɛa, á ná a nɛgiĩn lɛn dɔn laanka ǹ mɔnaan baa Lawa wɔn lɛa.

Lawa a wúlu-bɔlen 8:34

Wɔ zɛnaa lɔn pelo ke lɛn, Dɛnaa Lawa na á pɛ mà a n zɛnaa miɛ̃, màn mɛn bɛ́ toɛ, a kaa sii baraan toa ka nɛ.

Lawa a wúlu-bɔlen 8:36

Dɛnaa Lawa dí mɛn tumaa pɛ Muizu ni, mà a pɛ Aarɔn laanka a nɛgiĩn lɛn manɛ, Aarɔn laanka a nɛgiĩn lɛn ná a tumaa nya, ka Muizu bɛ́ á pɛ ǹ nɛ lɔn.

Minin nimi 19:12

Ǹ dɛnaa die a gɔ̀ bɔ a din-a ka bɛa gɔ̀ bɔ ǹ mu kɛ lɛ nɛ, a lɛawaa sɔɔbaa ǹ wɔ pinaa, ka sɔbaabaa ǹ wɔ nɛ, á die goɛ̃ yoreene bɛ kio, a lɛawaa sɔbaabaa ǹ wɔ pinaa. Sɛnɛ, bɛ̀ a gɔ̀ bɔ a din-a a lɛawaa sɔɔbaa ǹ wɔ pinaa wa, a ba re goɛ̃ yoreene a lɛawaa sɔbaabaa ǹ wɔ pinaa wa.

Minin nimi 3:7

Ǹ tá re goɛ̃ dí nyɛɛ Aarɔn laanka Izirayeli zaman lɛ tumaa nɛ, kɔn yɛ ka Lawa nɛ ǹ kion kɛ yɔrɔ-a, màn mɛn bɛ́ toɛ ǹ kion lɛ a sii yɔrɔ bɔ.

Minin nimi 9:19

Bɛ̀ tɛmaa bara lɛ goã kion lɛ la, á belebɔ, Izirayeli minin lɛn man Dɛnaa Lawa bɔlɔ sii bɛa biikoo lɛ gɔ́ɔ̃ nɛ, ǹ nə́ ǹ ba yui wa.

Korɛnti2 7:1

Maa giaáran lɛn, bɛa lɛ-kɔ ǹ siin kɛn lɛn là á gole wɔ ganaa. Bɛ lɛ n toɛ, sii mɛn tumaa bɛ́ gɔ̀nɔn laanka telenboen gɔgɔrɛ koe, ka daa wɔ n bɔ bɛn wɔlɔ li, wɔ n dinin *yoreen kɔ lenlen. Ka daa wɔ nyɛ́ɛ baa Lawa yii ni.

Timəə dí-pɛn 11:1

Bɛ lɛ nɛ, ka kaa Lawa, Dɛnaa Lawa lɛ narɛ, a siin mɛnɛn pɛ ka nɛ mà ka ǹ tamaa, ka bɛn lɛn tamaa baraabaraa, a landa boon kɛn nɛ, a sii yɔrɔ bɔ ǹ boon ne, ka a gɔn waa ǹ boon kɛn nɛ.

Timote1 1:18

Maa nɛ Timote, ǹ Lawa a boo gii mɛn da n wɔ gɔn la lɛlɛ, ǹ nə́ n koa, man doroo kɛ koe n la, á kɔnpii ka bɛ nɛ. Bɛa boon lɛn taman yii, n gù we yii n zia sonbore baa,

Timote1 5:21

Man boo kɛ pii n ni, ma á laɛ n ganaa, Lawa laanka Yezu Krita yɔrɔ-a, ka Lawa a lon a dia dí-a wole sonboren ne, máa n kɔ bɛa doroon kɛn lɛn lɛ. N baran ǹ kɔn soɛ kɔ ǹ miã-n wa, n baran minin bɔkɔnlɛ dɔ wɔ sii kɔ́n gɔ́ɔ̃-n wa.

Timote1 6:13

Man boo kɛ pii, ma á laɛ n ganaa Lawa yɔrɔ-a, asɛ mɛn bɛ́ yiikoonaabaa koe màn din tumaa la. Man laɛ n ganaa Yezu Krita dɔ yɔrɔ-a, bɛ mɛn bɛ́ á golee Lawa li ǹ siére sonbore pɛ Pɔnsi Pilati yɔrɔ-a.

Timote1 6:17

A pɛ n laa kanaa kɛ a pàãman ganaa, mà ǹ baran n dinin gole kɔ wa. A pɛ ǹ nɛ dɔn, mà ǹ baran n foo doa naforo nya wolen kɛn ganaa wa, sɛnɛ, mà ǹ nə n foo doa Lawa ganaa. Asɛ lɛ n bǐɛ̃ màn tumaa koe wɔ la gigiã, màn mɛn bɛ́ toɛ, ǹ là yɛ wɔ ganaa.

Timote1 6:20

Haya Timote, màn mɛn nə n koa n li, a tamaa doɛ̃. N din kũ golee Lawa li baã boo kooron kɛn ganaa, ka liere soɛ boon kɛn nɛ, minin tá ǹ bíi "Sii-doɛ̃".

Timote2 4:1

Man boo kɛ pii n ni, ma á laɛ n ganaa Lawa laanka Yezu *Krita yɔrɔ-a, Yezu mɛn bɛ́ re kiri kuri yiikoonaan laanka geren la. A din lɛ n wusii die kii lɛa.

Ebrəə 7:28

Muizu a Dí-pɛn lɛn man minbuiin nɛn koɛ wúlu-bɔlen kiãn lɛa. Wɔ á doɛ̃ minbuiin nɛ n sã wole lɛa. Sɛnɛ, Lawa din na a liɛ ǹ boo mɛn da Dí-pɛn lɛn kɔ kio, bɛ na á ná a din a Nɛgiĩ koa wúlu-bɔlen kiã lɛa. Bɛa Nɛgiĩ lɛ na á sii din tumaa zɛnaa a lɛ-pã wole baa yǎa duduu.