Lawa a wúlu-bɔlen 6:15 - LAWA A BOO SONBORE

¹⁵ Ka bɛ́ re nyɔɔ kiɛ Aarɔn a nɛgiĩ lɛ mɛn mìi ni, ka bɔ ka koa a bǎã nɛ wúlu-bɔle lɛa, bɛ dɔ doamaa nɛ, a zɛnaa miɛ̃. A zɛnaa ǹ gɔn lɛ n ka bɛ lɛ nɛ miɛ̃ duduu. Ka a tumaa tã lenlen Dɛnaa Lawa wɔ lɛa.

LAWA A BOO SONBORE 2011

¹⁵ Ka bɛ́ re nyɔɔ kiɛ Aarɔn a nɛgiĩ lɛ mɛn mìi ni, ka bɔ ka koa a bǎã nɛ wúlu-bɔle lɛa, bɛ dɔ doamaa nɛ, a zɛnaa miɛ̃. A zɛnaa ǹ gɔn lɛ n ka bɛ lɛ nɛ miɛ̃ duduu. Ka a tumaa tã lenlen Dɛnaa Lawa wɔ lɛa.

Lawa a wúlu-bɔlen 6:15 ပူးပေါင်းရင်းမြစ်များ

Bɔ bɛ̀rɛbaa nɛ 27:21

Kɔn yɛ ka Lawa nɛ ǹ Kion kɛ lɛ nɛ, mɔnaa kɛ lɛ goo lɛ siã, a kũ bɛ lɛ yɔrɔ-a miɛ̃, a ná a ba nimi wa. Aarɔn laanka a nɛgiĩn doamaa nɛ, ǹ na a sii yɔrɔ bɔ, a boo la a kũ Dɛnaa yɔrɔ-a tèlò-n a wo lɛawaa yaa. Mà bɛ n sii lɛa, Izirayeli nɛnyaanan doamaa bɛ́, ǹ màn mɛn zɛnaa lɛ̀ woo lɛ̀, a ná a ba sàabiɛ wa.»

Lawa a wúlu-bɔlen 2:2

A wo bɛ kɔ Aarɔn tɔrɔ wúlu-bɔlen kɛn la. Ǹ nə n gɔn pã bɛa wùsu lɛ laanka nyɔɔ lɛ kɔn nɛ, ǹ da yon gìĩ kɔɔ̃n lɛ tumaa saa. Wúlu-bɔle lɛ goon bɛa yiri gisĩ sii ni ǹ mànan lɛn tã *wúlu bɔ ǹ bǎã lɛ lalan. A n *wúlu màn tiɛ̃ lɛa, a tɛmaa gìĩ n kɔɔ̃n Dɛnaa Lawa ganaa.

Lawa a wúlu-bɔlen 2:9

Wúlu-bɔle yiri gisĩ sii ni ǹ wɔ bɔ bɛ lɛ nɛ, a tã wúlu bɔ ǹ bǎã lɛ la. A n wúlu màn tiɛ̃ lɛa, a tɛmaa gìĩ n kɔɔ̃n Dɛnaa Lawa ganaa.

Lawa a wúlu-bɔlen 3:17

Tɔɔ nyɔɔ tumaa laanka a mà tumaa, ǹ nyan toa ǹ bɛ kɔn wɔ ǹ lɛ-n wa. Bɛ n landa lɛa. Ta maǹ giã-n bǎã mɛn nɛ, ǹ doamaa nɛ ǹ bɛ tamaa biikoo tumaa li.

Lawa a wúlu-bɔlen 6:14

Ka doamaa nɛ ka nyɔɔ kaa wùsu lɛ li ǹ yia, ka tɔn bɛ lɛ da fɔlɔ donkolon ne. Bɛ kio, ka tɔn kukuru kɔn ka da nɛ Lawa gɔ ǹ màn lɛa, a gìĩ n kɔɔ̃n Dɛnaa Lawa ganaa.