Lawa a wúlu-bɔlen 5:7 - LAWA A BOO SONBORE

⁷ Bɛ̀ min mɛn ba boe la, á n doe sère hinlaa bòe ganaa á n koe a sii baraa sawaa ǹ wúlu màn lɛ a wa, á boe la a da wuruun màn paa hinlaa zɛrɛkantoan màn paa kɔ Dɛnaa Lawa la. Goon na a sii baraa sawaa ǹ wúlu màn baa, goon kɛ wúlu màn tiɛ̃ baa.

LAWA A BOO SONBORE 2011

⁷ Bɛ̀ min mɛn ba boe la, á n doe sère hinlaa bòe ganaa á n koe a sii baraa sawaa ǹ wúlu màn lɛ a wa, á boe la a da wuruun màn paa hinlaa zɛrɛkantoan màn paa kɔ Dɛnaa Lawa la. Goon na a sii baraa sawaa ǹ wúlu màn baa, goon kɛ wúlu màn tiɛ̃ baa.

Lawa a wúlu-bɔlen 5:7 ပူးပေါင်းရင်းမြစ်များ

Lawa a wúlu-bɔlen 12:6

Bɛ̀ a gɔ̀ bɔma-a ǹ lɛawaan lɛn lɛ pã, tà nɛginin hinlaa nɛlɔ na á yɛ, a da lɛ̀ goon sère nɛ kɔ Lawa a wúlu-bɔle la, *wúlu màn tiɛ̃ lɛa, ka zɛrɛkantoan hinlaa wuruun ni, a bɛ baa sii baraa sawaa ǹ wúlu màn lɛa, kɔn yɛ ka Lawa nɛ ǹ kion kɛ a kiɛnlɛ-a.

Lawa a wúlu-bɔlen 12:8

Bɛ̀ wɔrɔ ba lɔ lɛ gɔn á n doe sère nɛ ganaa wa, a wuruun màn paa hinlaa zɛrɛkantoan màn paa kũ, a goon baa wúlu màn tiɛ̃ lɛa, a goon baa sii baraa sawaa ǹ wúlu màn lɛa. Bɛ̀ wúlu-bɔle lɛ gɔ̀ bɔma-a ǹ landa zɛnaa a lɛa, a gɔ̀ na á n bɔ a ganaa.

Lawa a wúlu-bɔlen 14:30

Bɛ̀ ǹ dɛnaa lɛ dɔ bàanan lɛn mɛnɛn ganaa, wuruunun manɛ hinlaa zɛrɛkantoanan manɛ,

Lawa a wúlu-bɔlen 14:31

wúlu-bɔle lɛ goon baa sii baraa sawaa ǹ wúlu màn lɛa, a goon kɛ baa wúlu màn tiɛ̃ lɛa, kun ka Lawa gɔ ǹ màn lɛ nɛ. Wúlu-bɔle lɛ gɔ̀ bɔma-a ǹ landa zɛnaa, gɔ̀ bɔ din ganaa wole lɛ a lɛa, kɔn yɛ ka Dɛnaa Lawa nɛ ǹ kion kɛ yɔrɔ-a.

Lawa a wúlu-bɔlen 15:30

Wúlu-bɔle lɛ na a goon baa sii baraa sawaa ǹ wúlu màn lɛa, a na a goon baa wúlu màn tiɛ̃ lɛa. Mà-kaa mɛn goã á lɔ lɛ baa gɔ̀dɛnaa lɛa, wúlu-bɔle lɛ bɛa gɔ̀ bɔma-a ǹ landa zɛnaa a lɛa, kɔn yɛ ka Dɛnaa Lawa nɛ ǹ kion kɛ yɔrɔ-a.

Lawa a wúlu-bɔlen 16:5

A pɛ Izirayeli zaman lɛ nɛ, ǹ butumu màn paa kɔ la, a die a bɛn baa sii baraa sawaa ǹ wúlu màn lɛa, ka sère gɔ̀lɔ̀ goon ne, a die a bɛ baa wúlu màn tiɛ̃ lɛa.

Lawa a wúlu-bɔlen 27:8

Wɔrɔ lɛ mɛn nə n pɛ, bɛ̀ min doobaa baa á la yii ni, a ná a boe la á bɛ sarɛɛ wa, a n lɛ kɔ Lawa la ka min mɛn lɛ nɛ, a wo ka bɛ lɛ nɛ Lawa a wúlu-bɔle yɔrɔ-a, a ga a ganaa, a bɛ́ lɛ mɛn boe. Wúlu-bɔle lɛ na a mìi si ǹ giɔ̀mɔ pɛ, a kɔnpɛ ka a kɔle lɛ pàã lɛ yii ni.

Lawa a wúlu-bɔlen 5:11

Bɛ̀ min mɛn dɔ a boe la á doe wuruun màn paa hinlaa zɛrɛkantoan màn paa lɛ ganaa á n koe a sii baraa sawaa ǹ wúlu màn lɛa wa, á boe la dinin a da ka wùsu nɔnɔɔ kilo sii ni, a sii baraa sawaa ǹ wúlu màn lɛa. Sɛnɛ, a baran nyɔɔ kaa li wa, a baran da yon gìĩ kɔɔ̃n da la wa. A giala, sii baraa sawaa ǹ wúlu màn nɛ.

Lawa a wúlu-bɔlen 7:1

Zɛ̀rɛ si Lawa la ǹ wúlu lɛ a bɔ ǹ gɔn nə́ ke: Dɛnaa Lawa dinsɔɔ̃ a màn nɛ.

Lawa a wúlu-bɔlen 9:3

Bɛ kio, n pɛ Izirayeli minin lɛn dɔn manɛ mà ǹ butumu goon kũ, ǹ baa sii baraa sawaa ǹ wúlu màn lɛa. Ǹ lɛ̀ goon diin nɛ laanka lɛ̀ goon sère nɛ dɔ kũ, wɔ̀lɔ̀ ná a ba ǹ kɔn ganaa wa, ǹ bɛn baa wúlu màn tiɛ̃ lɛa.

Minin nimi 5:6

«A pɛ Izirayeli minin lɛn nɛ, bɛ̀ giĩ hinlaa lɔ bɔlɔgoonbaãdɛnaabaa ǹ sii zɛnaa Dɛnaa Lawa nɛ, á wɔ ǹ miã kɔsɔ lon, ǹ dɛnaa zɛ̀rɛ nɛ.

Minin nimi 6:10

A lɛawaa kiwisibaa ǹ wɔ pinaa, a doamaa nɛ, a da wuruun màn paa hinlaa zɛrɛkantoan ten màn paa kɔ Lawa a wúlu-bɔle la, kɔn yɛ ka Lawa nɛ ǹ kion kɛ a kiɛnlɛ-a.

Minin nimi 6:11

Lawa a wúlu-bɔle lɛ n die goon biɛ sii baraa sawaa ǹ *wúlu màn lɛa, a goon kɛ baa wúlu màn tiɛ̃ lɛa. Din-kɔ Lawa la wole lɛ sã mɛn wɔ gere lɛ taman yii, Lawa a wúlu-bɔle lɛ bɛa sawaa ǹ sii zɛnaa. A din pinaa lɛ nɛ, din-kɔ Lawa la wole lɛ gɔ̀ bɔ a mìi ganaa.

Matiə 10:16

Haya! Masɛ n ka diɛ ka sèren bɛ́ woe don ginin bii lɔn. Bɛ lɛ taman yii, ka yiri bɔ ka dinin li ka miɛ̃ bɛ́ yiri boe a din li lon, sɛnɛ, ka goã basiɛ̃-n ka zɛrɛkantoan bɛ́ lɔn, ka baran basaã kɔ wa.

Matiə 21:12

Bɛ kio, Yezu wɔ Lawa a kion. Min mɛnɛn bɛ́ màn siɛ̃ walan, ǹ mɛnɛn bɛ́ màn pii, á ǹ tumaa loo á ǹ kaa kanaa. Á wɔrɔ lonkɔlen tabalan nyanaa á ǹ lɛ kuməə tán, á zɛrɛkantoan-sãlin dankanan lɛ kuməə tán.

Matiə 3:16

A bɛ́ á batɛmu da a ganaa, Yezu soo á n bɔ mu li. A din bǎã-n gɔrɔ, lon nə́ n lɛ bũ, Yezu Lawa a Yiri Fu yɛ ka zɛrɛkantoan bɛ́ lɔn gisĩ die a din la.

Luku 2:24

Ka bɛ dɔ nɛ, Zozɛfu laanka Mariya doamaa nɛ ǹ nə ǹ *wúlu mànan bɔ, a kɔnpɛ ka Dɛnaa Lawa a dí-pɛn lɛn nɛ: «Wuruun màn paa, hinlaa zɛrɛkantoan bɔnboɛɛn màn paa.»

Korɛnti2 8:12

A giala, bɛ̀ n màn kɔ ka yiri sonbore ne, màn mɛn bɛ́ n gɔn ń bǐɛ̃ baa nɛ, Lawa n bɛ sii, ǹ mɛn bɛ́ a ba n gɔn wa, a laadoo ba bɛ ganaa wa.