Lawa a wúlu-bɔlen 26:40 - LAWA A BOO SONBORE

⁴⁰ Ǹ dinin tá re golee ǹ laanka ǹ digolon lɛn sii baraan li, ǹ bɔ ǹ lɛ-n ǹ pɛ, mà ǹsɛn nə́ sã masɛ ganaa, ǹ nə́ yɔ bɔ masɛ ganaa.

LAWA A BOO SONBORE 2011

⁴⁰ Ǹ dinin tá re golee ǹ laanka ǹ digolon lɛn sii baraan li, ǹ bɔ ǹ lɛ-n ǹ pɛ, mà ǹsɛn nə́ sã masɛ ganaa, ǹ nə́ yɔ bɔ masɛ ganaa.

Lawa a wúlu-bɔlen 26:40 ပူးပေါင်းရင်းမြစ်များ

Kiin1 8:47

bɛ̀ ǹ nə́ n toa bɛa gána kɛ lɛ nɛ, ǹ bɛ̀rɛbaa gɔ́ɔ̃ nɛ, ǹ nə́ n taasɛ, ǹ nə́ n gɔ́ɔ̃ dɔn bii, ǹ nə́ gòã-kũ da n ganaa ǹ nə́ pɛ: «Wɔ sii baraa zɛnaa, wɔ baraabaa zɛnaa, wɔ n zɛ̀rɛdɛnan lɛa,»

Kiin1 8:48

ǹ wo ǹ ne bɛ̀rɛbaa nɛ gána mɛn nɛ, bɛ̀ ǹ nə́ n toa walan nɛ, ǹ nə́ wusoo ǹ nə́ daa n ganaa ka ǹ foo din tumaa laanka ǹ telenboeen din tumaa nɛ, ǹ gána mɛn lɛ bɛ́ ń kɔ ǹ digolon la, kiwi mɛn dɔ bɛ́, ń ná a yii gɔgɔ́ɔ̃, kion mɛn bɛ́ masɛ dɔ, n tɔ la, bɛ̀ ǹ nə́ n nyankɔ, ǹ yɔrɔ n dia-n bɛn la,

Ɛsidrasi 10:11

Sisia, ka n zɛ̀rɛ si, ka digolon Lawa, Dɛnaa Lawa lɛ la, ka a foo sii zɛnaa. Ka n na ka n bɔ gána lɛ a minin lɛn ganaa, ka tɔrɔ kɔsɔn kɛn nɛ, kaa lɔn lɛa.»

Ɛsidrasi 9:15

Izirayeli a Lawa, Dɛnaa Lawa, n tá pepere, a giala, pelo, wɔ n kanbaa sii ganaa wolen lɛa, wɔ́ la. Wɔ á ke n yɔrɔ-a ka wɔ zɛ̀rɛn nɛ, a da yaa, min kɔn ba boe la a goã n yɔrɔ-a ka bɛa yɔrɔ kɛ lɛ-n wa.

Ɛsidrasi 9:6

má pɛ nɛ: – Maa Lawa, ma yiri lɔlɔkɔnmaa nɛ. E maa Lawa, sìi dɔ n ma ganaa man yɔrɔ saa ma dia n la. A giala, wɔa sãn lɛn nə́ kaa kɔn la wɔ mìi ni, wɔ zɛ̀rɛ dɔ gole kɔ yǎa á dɔ lon.

Loen 32:5

Kanna, má maa sii baraa pɛ n nɛ, ma pii kɔ maa sã lɛ wa. Má pɛ máa: Ma á die ma zɛ̀rɛn piì Dɛnaa Lawa nɛ. Bɛ lɛ n ke, ń maa sii baraa a guĩ saa ń bɔ ma mìi ni. Doa.

Suusun 28:13

Min mɛn bɛ́ a siɛ̃n duri, a sii a bǐɛ̃ koe wa. Min mɛn bɛ́ a siɛ̃n doɛ̃, a nə́ ǹ toɛ walan, maǹ makara boe bɛ ganaa.

Zeremii 14:20

Dɛnaa Lawa, wɔ á doɛ̃ wáa wɔ́ sii baraa zɛnaa. Wɔ á wɔ digolon siɛ̃n doɛ̃. Wɔ́ sii baraa zɛnaa n nɛ.

Busii pɛ 1:20

Dɛnaa Lawa, ga maa koe kɛ ganaa. Ma gɔ́ɔ̃ n kuĩ ka tɛ bɛ́ lɔn. Ma gɔ̀nɔn yii nə n si ma la. A giala, má n gòãn dii n ganaa taãn-taãnɛ. Zii gialaa, zia nɛ, maa kion, gɛ̀ dinsɔɔ̃ nɛ.

Ezekieli 14:23

Ǹ tá re ka foo basɛ̃, a giala, ka á re ǹ giã ǹ gɔn laanka ǹ zɛnaa ǹ siin lɛn yii. Ka á re doɛ̃ ka bɛ lɛ-n kəni, mà ma sii mɛn tumaa da kiwi lɛ mìi ni, mà ma bie má bɛ zɛnaa kooro wa. Ma din Dɛnaa Lawa a da ǹ boo ne.»

Ezekieli 36:31

Bɛa biikoo li, ka yiri á die gisĩ ka kaa giã ǹ gɔn baraa laanka kaa zɛnaa ǹ siin kɛn nɛ, ǹ mɛnɛn bɛ́ ǹ goã siĩn wa. Ka tìĩ á re boe ka dinin nyin ni, kaa sii baraan laanka kaa sii bɔbɔnɛɛn lɛn taman yii.

Ozee 5:15

Masɛ n die n la boe ǹ ganaa, yǎa ǹ golee ǹ dinin sã li, ǹ giɛ ma li. Bɛ̀ fuu nə́ ǹ yɛ, ǹ tá re ma basa boe.

Lawa a wúlu-bɔlen 26:21

Bɛ̀ ka tá yɔ boe masɛ ganaa, ka a li ka n too kɔ masɛ lon wa, ma bɛ́ re dɔlɔ mɛn boe ka ganaa kɛ kio, kaa sii baraan kɛn taman yii, bɛ á re baraa koe a la yii ni.

Lawa a wúlu-bɔlen 26:24

masɛ dɔ á die yɔ boe ka dɔn ganaa. Masɛ bɛ́ re dɔlɔ mɛn boe ka ganaa bɛ kio, kaa sii baraan kɛn taman yii, bɛ á re baraa koe a la yii ni.

Lawa a wúlu-bɔlen 5:5

Bɛ̀ min mɛn zɛ̀rɛ n ka bɛa sii kɛ lɛ mɛn nɛ, a sii baraa mɛn zɛnaa, a doamaa nɛ a golee bɛ li.

Minin nimi 5:7

A sii baraa mɛn lɛ zɛnaa, a doamaa nɛ a na ka bɛ nɛ. Màn mɛn bɛ́ a zɛ̀rɛ lɛ mìi lɛa, a wɔ min mɛn lɛ lon, a doamaa nɛ, a bɛ tumaa saraa la, a màn lɛ a giɔ̀mɔ a talakɔn sooro goon da la.

Zozoe 22:15

Ǹ nə́ woo Urubɛn tɔrɔn laanka Gaadi tɔrɔn li ka Manaasee tɔrɔn kɛn talɛɛ nɛ Galaati gána nɛ. Ǹ nə́ pɛ ǹ nɛ:

Zozoe 7:19

Zozoe tɔ́n pɛ Aakan nɛ: «Maa nɛgiĩ, bǐɛ̃ kɔ n taãn pɛ Dɛnaa Lawa yɔrɔ-a, Izirayeli minin Lawa lɛ. N sii mɛn zɛnaa, bǐɛ̃ kɔ n pɛ ma-n kɛnɛn kɛnɛn, n nyan toa n pɛ mà ma nə n duri masɛ la wa.»