Lawa a wúlu-bɔlen 26:39 - LAWA A BOO SONBORE

³⁹ Ǹ min mɛnɛn yii bɛ́ re goɛ̃ koo, bɛn pàã á die nyɛɛ ǹ zɔ́ɔn gána lɛ nɛ, ǹ sii baraan kɛn taman yii. Ǹ digolon sii baraan nɛ, ka ǹ dinin wɔn lɛn nɛ, bɛn lɛn man die toɛ ǹ pàã nya.

LAWA A BOO SONBORE 2011

³⁹ Ǹ min mɛnɛn yii bɛ́ re goɛ̃ koo, bɛn pàã á die nyɛɛ ǹ zɔ́ɔn gána lɛ nɛ, ǹ sii baraan kɛn taman yii. Ǹ digolon sii baraan nɛ, ka ǹ dinin wɔn lɛn nɛ, bɛn lɛn man die toɛ ǹ pàã nya.

Lawa a wúlu-bɔlen 26:39 ပူးပေါင်းရင်းမြစ်များ

KZS2 34:24

mà Dɛnaa Lawa a da ǹ boo á ke: «Á ke, man die koe boe Zeruzalɛmu ganaa ka a minin ni. Lɛn baraa bíi mɛn tumaa bɛ́ kiɛ̃ nɛ sɛ́wɔ kɛ nɛ, á pɛ Zudaan kii yii ni, man die toɛ a tumaa yɔrɔ yɛ.

Ɛsidrasi 9:7

A kũ wɔ digolon biikoo kɛ ganaa, zɛ̀rɛ gole n wɔ ganaa, yǎa á daa pelo kɛ yaa. Wɔa sii baraan taman yii, wɔsɛn nɛ, wɔa kiin ni, ka wɔa Lawa a wúlu-bɔlen ne, kanaa a kiin nə́ pàã nyaa wɔ nɛ, ǹ nə́ zia da wɔ-a, ǹ nə́ wɔ baa bɛ̀rɛn lɛa, ǹ nə́ wɔa mànan kokoo, ǹ nə́ sìi da wɔ-a, sìi mɛn lɛ á ke tɔn wɔ gialaa pelo.

Nehemii 1:9

Sɛnɛ, bɛ̀ ká wusoo ka daa masɛ ganaa, bɛ̀ ka masɛ a gɔn waa ǹ boon lɛn tamaa ka kɔ ǹ lɛ, ta kaa pɛsiɛ̃ wolen lɛn man lon lɛ doa ǹ bǎã nɛ, masɛ á die giɛ ǹ li walan ma ǹ sɔkɔn bǎã kɛ nɛ, má bɔ, má n tɔ da la.»

Bɔ bɛ̀rɛbaa nɛ 20:5

N baran n kuməə bɛa lawan kɛn lɛn yɔrɔ-a, n nə ǹ guguru kɔ wa. A giala, masɛ din Dɛnaa, n Lawa lɛ, maa sii á kaka, maa lɛ koe lawa kɔsɔ ganaa wa. Man digolon sã a dɔlɔ boe ǹ nɛnyaanan ganaa, ka ǹ nɔ̀ɔnɔn nɛ, yǎa a woe doe nɔ̀ɔ fulupaa ganaa, bɛ̀ á daa yǎa ǹ ba masɛ narɛ wa.

Bɔ bɛ̀rɛbaa nɛ 34:7

Man maa bǐɛ̃ lɛ zɛnɛɛ minbuiinin manɛ yǎa lɛ̀ duu damata. Man kaa sãn sii ma ganaa, ka kaa bɔlɔ-tiin ni, ka kaa sii baraan nɛ. Sɛnɛ, maa zɛ̀rɛdɛnaa bíi zɛ̀rɛ baãnaa wa. Man díin dɔlɔ boe ǹ nɛnyaanan ganaa, yǎa ǹ nɔ̀ɔ fulupaa ganaa.»

Izayii 14:21

Ka n yɔrɔ bɔ ka a nɛnyaanan dɛ, ǹ díi a sii baraan kɛn tumaa taman yii. Màn mɛn bɛ́ toɛ, ǹ baran n kɔ tán tumaa lɛ ǹ kiwi dadaran dɔ la wa.

Izayii 24:16

LOE kɛ lɛ n boe kanaa paǹ tumaa ganaa: «Ka Lawa tɔ bɔ, asɛ mɛn bɛ́ pepere!» Sɛnɛ, masɛ n kɛ pii: «Má sàabaa, má sàabaa. Wàa koe-n ka kɛ-n ma ganaa.» Tentenən man minin yiri siɛ̃, minin sã woo minin sã. Tentenən man minin siɛ̃.

Zeremii 29:12

Bɛ̀ kaa ma bíi we, bɛ̀ ka daa ma nyankɔ, ma á re n too koe ka lon.

Zeremii 3:25

Ka waa tán sìi li. Wɔa yii gugurubaa papaã. A giala, wɔ laanka wɔ digolon man wɔ sii baraa zɛnaa, Dɛnaa Lawa wɔa Lawa ganaa, a kũ wɔa tenmaa waáraa ganaa a da pelo yaa. Wɔ n too kɔ Dɛnaa Lawa wɔa Lawa a da ǹ boon li wa.

Zeremii 31:29

Ka bɛ-n kəni, min kɔn ba re kɛa suusu kɛ diɛ doo wa: «Díin man nə́ da nɛ burun sɔ̃, sɛnɛ, ǹ nɛnyaanan sɔ piã.»

Busii pɛ 1:3

Zudaa tɔrɔn lɛn nə́ ke gele bɛ̀rɛbaa ǹ bǎã nɛ, koe laanka bɛ̀rɛbaa kaka gɔ́ɔ̃ nɛ. Maǹ giã-n tɔrɔn bii, susui ná a ba ǹ la wa. Min mɛnɛn bɛ́ ǹ kio lui, ǹ nə́ dɔ ǹ ganaa. Maǹ foo ziziɛ̃ gole gɔ́ɔ̃ nɛ.

Busii pɛ 4:9

Bɛ̀ gɔya sa nə n mɛn dɛ, á soɛ bòo a dɛ nɛ. Gã ka piũn tá soɛ nɔmaa bòo gɔn nɛ.

Ezekieli 18:19

Ka n nɔ̀n diɛ kɛnɛn: «Wàa na á baa, dɔlɔ ba n diɛ nɛ mìi ni, ǹ di a sii baraa zɛnaa a lɛa wa?» Nɛ lɛ bɛ́ á kɔ zii lɛ, á sii pepere zɛnaa, á maa landa boon kɛn tumaa tamaa á kɔ ǹ lɛ, sàabaa ba la wa, a yii á re goɛ̃ koo.

Ezekieli 20:43

Kaa tɔ wɔ ǹ gɔn nɛ, kaa zɛnaa ǹ siin kɛn tumaa nɛ, ka ǹ mɛnɛn lɛn zɛnaa ká ka dinin gɔgɔrɛ kɔ nɛ, ka yiri á die gisĩ ka bɛn nɛ walan. Ka tìĩ á re boe ka dinin nyin ni, kaa sii baraan kɛn taman yii ká ǹ zɛnaa.

Ezekieli 24:23

Ka baran gɛ̀ koa wa, ka baran n duduwəə wa. Sɛnɛ, ka á re pɛrɛ kaa sii baraan lɛn gɔ́ɔ̃ nɛ, ka dinin nə n bɔyaa ka gú wɔ kɔn la.

Ezekieli 33:10

Minbuiin a nɛ, boo da ka Izirayeli tɔrɔn kɛn nɛ, ǹ mɛnɛn lɛn nə́ ke pii kɛnɛn: «Wɔa bɔlɔ-tii siin laanka wɔa sii baraan kɛn man wɔ mìi ni, ǹ nə́ ke wɔ ziziɛ̃ gele wɔ nɛ, wɔ n die siɛ lɔn wɔ tɔn la?»

Ezekieli 36:31

Bɛa biikoo li, ka yiri á die gisĩ ka kaa giã ǹ gɔn baraa laanka kaa zɛnaa ǹ siin kɛn nɛ, ǹ mɛnɛn bɛ́ ǹ goã siĩn wa. Ka tìĩ á re boe ka dinin nyin ni, kaa sii baraan laanka kaa sii bɔbɔnɛɛn lɛn taman yii.

Ezekieli 4:17

A giala, màn-bii laanka mu á re nyaabiɛ. Bɛ lɛ á re nyɛ́ɛ diɛ min tumaa ganaa, ǹ tá re pɛrɛ ǹ sii baraan lɛn taman yii.»

Ezekieli 6:9

Ma bɛ́ re woe ka kaa la wolen lɛn nɛ tɔrɔn mɛnɛn bii, ǹ tá re n taasɛ ka ma-n walan. Ka taasiɛ kɔrɔ laanka ga kɔrɔ mɛn wɔ, ka wusoo ka n bɔ masɛ kio, ka kaa naarɛɛbaa ǹ yiin kɛn doa dìn la, masɛ á re bɛa giã baraa lɛ ziziɛ̃. Ka tìĩ á re boe ka dinin nyin ni, kaa sii baraan laanka kaa sii bɔbɔnɛɛn kɛn tumaa taman yii ka zɛnaa.

Ozee 5:15

Masɛ n die n la boe ǹ ganaa, yǎa ǹ golee ǹ dinin sã li, ǹ giɛ ma li. Bɛ̀ fuu nə́ ǹ yɛ, ǹ tá re ma basa boe.

Zakarii 10:9

Má ǹ sasawaa paǹ tumaa li tɔrɔn bii, ka ǹ bɛ́ màn nàn pɛsɛ̃ lɔn. Sɛnɛ, bɛa gána sɔsɔɔn lɛn nɛ, ǹ yiri á re gisĩ ma nɛ. Ǹ tá re giɛ̃ walan, kun ka ǹ nɛnyaanan nɛ, ǹ tɔn nə n bɔyaa ǹ daa.

Minin nimi 14:18

«Masɛ din nə Dɛnaa Lawa lɛa, ma foo a yui fufuu wa, maa bǐɛ̃ zɛnaa pàã ń gole. Masɛ n siɛ̃-wole a sii baraan laanka bɔlɔ-tii siin tɔɛ ǹ dɛnan manɛ. Sɛnɛ, ma a zɛ̀rɛdɛnaa bii zɛ̀rɛbaãnaa wa. Ma n díin dɔlɔ boe ǹ nɛnyaanan ganaa, yǎa ǹ nɔ̀ɔnɔn nɔ̀ɔnɔn ganaa.»

Timəə dí-pɛn 28:65

Bɛa tɔrɔn kɛn lɛn bii, ka a re là nyantoro yii wa, ka a re gòã da ǹ bǎã din yii wa. Dɛnaa Lawa á re gɔ́ɔ̃-bii diɛ ka ganaa walan, ka foo biɛ na laanka nyin-soo ne.

Timəə dí-pɛn 30:1

Ma boon mɛnɛn tumaa pɛ má ǹ kaa tán ka giulun, a bǐɛ̃ nɛ ka a baraa nɛ, bɛ̀ ǹ mɛn a sii dɔ ka ganaa ǹ mɛn waáraa, kaa Lawa, Dɛnaa Lawa lɛ bɛ́ re woe ka nɛ bǎã mɛn nɛ, ka n toa walan ka n taasɛ,

Timəə dí-pɛn 5:9

Ka baran n kuməə bɛa lawan kɛn lɛn yɔrɔ-a, ka ǹ guguru kɔ wa. A giala, masɛ din Dɛnaa Lawa n kaa Lawa lɛa. Maa lɛ koe ka lawa kɔsɔ guguru kɔ wa. Bɛ̀ min sii la masɛ la, ma á dɔlɔ boe a nɛnyaanan ganaa, a nɔ̀ɔnɔn nɛ, yǎa a woe doe a nɔ̀ɔ fulupaa ganaa.

Timəə dí-pɛn 8:20

Bɛ̀ ka kaa Lawa, Dɛnaa Lawa lɛ si wa, ka á re papaɛ̃ ka tɔrɔ kɔsɔn kɛn bɛ́ lɔn, Dɛnaa Lawa nə́ ǹ papaɛ̃ ǹ boe ka nyɛɛnɛ.