Lawa a wúlu-bɔlen 26:30 - LAWA A BOO SONBORE

³⁰ Bɛ̀ masɛ foo yoo ka li, kaa wúlu bɔ ǹ bǎãn kɛn, ma á re bɛn wurii. Ka tíĩ dadaran mɛnɛn dɔ, ka n wasa guguru koe ne, ma á die bɛn yui. Ma á die ka dininmaan gere kiɛ kɔn la, bɛa dìn kɛn lɛn kɛbɔlɔ lalan. Ka tìĩ á die boe masɛ nyin ni.

LAWA A BOO SONBORE 2011

³⁰ Bɛ̀ masɛ foo yoo ka li, kaa wúlu bɔ ǹ bǎãn kɛn, ma á re bɛn wurii. Ka tíĩ dadaran mɛnɛn dɔ, ka n wasa guguru koe ne, ma á die bɛn yui. Ma á die ka dininmaan gere kiɛ kɔn la, bɛa dìn kɛn lɛn kɛbɔlɔ lalan. Ka tìĩ á die boe masɛ nyin ni.

Lawa a wúlu-bɔlen 26:30 ပူးပေါင်းရင်းမြစ်များ

Siin Giala 19:13

Wɔ n die kiwi lɛ yui sonbore. A giala, minin zɛ̀rɛbaa mɔnaa ǹ ganaa Dɛnaa yɔrɔ-a, bɛ lɛ nɛ, á wɔsɛn dia mà wɔ da yu.»

Kiin1 13:2

Dɛnaa Lawa boo da ka a boo gii-dali lɛ-n doo, á n toa wúlu bɔ ǹ bǎã lɛ ganaa ka paraa nɛ: – Wúlu bɔ ǹ bǎã! Wúlu bɔ ǹ bǎã! Dɛnaa Lawa n kɛ pii: «Á ke, nɛginin goon tá re yii Davida a sumu-n, a tɔ n die goɛ̃ Zoziasi. Bɛa Zoziasi lɛ tá re wúlu bɔ ǹ bǎã kɛa wúlu-bɔlen dii la, wúlu-bɔlen mɛnɛn lɛn bɛ́ da yon gìĩ kɔɔ̃n tiɛ̃ la. Zoziasi tá re minbuiin nɛ wen tiɛ̃ la.»

Kiin1 13:32

A giala, Dɛnaa Lawa boo mɛn wɔ a lɛ-n á da ka paraa nɛ, Betɛli kiwi a wúlu bɔ ǹ bǎã laanka Samarii kiwin a wúlu bɔ ǹ kionən kɛn wɔ paǹ li, bɛ lɛ tá re piɛ̃.»

Kiin2 23:16

Zoziasi bɛ́ á n yɔrɔ bɔyaa á ga, á gere yalan yɛ tán kele la, á minin dia ǹ nə́ woo bɛa yalan lɛn gere wen waa. Zoziasi bɛa gere wen lɛn tã wúlu bɔ ǹ bǎã lɛ la. Á wúlu bɔ ǹ bǎã lɛ baa màn kooro lɛa bɛa yɔrɔ lɛ la, ka Dɛnaa Lawa goã á ná a boo gii-dali da a pɛ ganaa lɔn, á bɛa siin kɛn boo da.

Kiin2 23:20

Dì wúlu bɔ ǹ bǎãn wúlu-bɔlen mɛnɛn tumaa goã walan, Zoziasi bɛn tumaa dɛ wúlu bɔ ǹ bǎãn lɛn la, á minbuiin wen dɔn tã ǹ la. Bɛ kio, á wusoo á daa Zeruzalɛmu.

Kiin2 23:8

Á lɛ dia wúlu-bɔlen tumaa la Zudaa gána a kiwin ni, ǹ nə́ daa. A saa Gebaa ganaa a wo Bɛɛr-Sebaa yaa, ǹ goã da yon giĩ kɔɔ̃n tiɛ̃ bǎãn mɛnɛn nɛ, kii lɛ bɛa bǎãn lɛn soɛ̃ yiɛ. Wúlu bɔ ǹ bǎãn mɛnɛn bɛ́ kiɛnlɛ-a ǹ nɛ, á bɛn ziziɛ̃: Ka *wúlu bɔ ǹ bǎã kɛ bɛ́ lɔn kiɛnlɛ-a ǹ nə́ kiwi mìilandɛnaa Zozoe tɔ kɔ a ganaa, ka kɛ nɛ, bɛ̀ n tá we ka kiwi lɛ a kiɛnlɛ nɛ, n gɔsɛ.

KZS2 23:17

Bɛ lɛ nɛ, zaman lɛ tumaa tɔn kaa *Baali a kionən kɛn nɛ, ǹ nə́ ǹ wuru. Ǹ ná a wúlu bɔ ǹ bǎãn kɛn yɔyɔrɛ ka dì kɔsɔn nyínin kɛn nɛ. Wúlu bɔ ǹ bǎã kɛ yɔrɔ-a, ǹ nə́ Baali a wúlu-bɔle Matan dɛ.

KZS2 31:1

Zɔ́n lɛ bɛ́ á nya, Izirayeli minin mɛnɛn tumaa goã ǹ tan, ǹ tumaa woo Zudaa kiwin ni. Ǹ nə́ tíĩ zumiin yiyiɛ, dì gɔnɔn kɛn, ǹ nə́ bɛn kukuru ǹ nə́ ǹ dìn tumaa ziziɛ̃ ka ǹ wúlu bɔ ǹ bǎãn nɛ. Ǹ nə́ zɛnaa miɛ̃ dɔn Zudaa laanka Bɛnzamɛn gána nɛ, ka Efrayimu laanka Manaasee gána dɔ nɛ. Ǹ bɛ́ ǹ nə ǹ tumaa ziziɛ̃, bɛ kio Izirayeli minin nə́ n bɔyaa ǹ nə́ woo ǹ kiwin ni, didie woo piɛ.

Loen 106:40

Bɛ lɛ nɛ, Dɛnaa Lawa foo busu a zaman lɛ li parsiini. A din wɔn lɛn tìĩ bɔ nɛ.

Loen 89:38

ka mui dɔ bɛ́ lɔn, a ná a tan duduu, a bǎã nɛ, siére sonbore lɛa, labaran kio. Doa.

Izayii 27:9

Zakɔba tɔrɔn siɛ̃ bɛ́ re n toɛ ǹ nɛ lɔn, bɛ á ke, ǹ sii baraan toa manɛ bɛ́ re die ka sii mɛn nɛ, bɛ á ke: *Wúlu bɔ ǹ bǎã a kɔlɔn kɛn, maǹ die bɛn yɔyɔrɛ mɔnɔmɔnɔ. Wúlu bɔ ǹ bìbìn kɛn laanka ǹ da yon gìĩ kɔɔ̃n tã n mànan kɛn, bɛn kɔn ba re goɛ̃ lon doo wa.

Zeremii 14:19

Dɛnaa Lawa, ń Zudaa daa sonbore? *Siɔn tìĩ bɔ n nyin ni? Fuu mɛn bɛ́ a nyɛɛ wa, a n siɛ lɔn n tá bɛ diɛ wɔ mìi ni? Wɔ nə n yii diɛ là nyantoro la, sɛnɛ màn kɔn banban bǐɛ̃ lɛa wa. Wɔ nə n yii diɛ wɔa busu á nya la, sɛnɛ, nyɛ́ɛ n die!

Zeremii 16:18

Ma á re ǹ kiɛ ǹ gɛ̀-dɛ ǹ giɔ̀mɔ lɛ laanka ǹ sãn lɛn saraa a laman paa saraa ganaa. A giala, ǹ nə́ *gɔ̀ da maa gána lɛ ganaa ka ǹ màn nyín gere bɔbɔnɛɛn kɛn nɛ. Gána mɛn bɛ má bɔ má koa maa wɔ lɛa, ǹ nə́ bɛ pã ka màn bɔbɔnɛɛn nɛ.»

Ezekieli 16:39

Ma á re n we ǹ gɔn. Ma á re n kɔrɔbaa ǹ bǎãn kɛn dii ma ǹ kaa, n wúlu bɔ ǹ bǎãn kɛn. Ǹ tá re n mɔnaan kɛn sɔlɛɛ ǹ nə ǹ bɔ n ganaa, ǹ nə n nyaǹ bɔ ǹ màn sonboren kɛn si n la, ǹ nə n gɔ̀nɔn kooro fulupaa da bii-a.

Ezekieli 43:7

Á tɔ́n n toa ma ganaa: «Minbuiin a nɛ ganaa, bǎã kɛ lɛ n masɛ a kii dankan laanka maa gòãn kaa ǹ bǎã lɛa. Man die giɛ̃ Izirayeli minin lɛn bii walan, yǎa duduu. «Izirayeli tɔrɔn lɛn ba re ma tɔ sonbore kɛ ziziɛ̃ doo ka ǹ dì wúlu bɔn laanka ǹ kiin kɛn gere bĩ walan nɛ wa.

Ezekieli 6:13

Ǹ geren tá re goɛ̃ tán kun ka ǹ dìn lɛn nɛ, ǹ wúlu bɔ ǹ bǎãn kɛn lɛnpɛnɛ, tenten sɔsɔrɔn tumaa laanka kelen tumaa mìi ni, da tumaa giulun ǹ mɛnɛn bɛ́ luu buruu lɛa ka kɛkɛ, ǹ goã wúlu boe bǎã mɛn tumaa nɛ ka màn gìĩ kɔɔ̃ nɛ ǹ dì kɔrɔn ganaa.

Ozee 10:2

Sonbore a boe minin kɛn gɔ́ɔ̃-n wa. Sisia kəni, a dɔlɔ á re n boe ǹ ganaa. Dɛnaa Lawa dinmaa n die ǹ wúlu bɔ ǹ bǎãn kɛn wurii. A din nə die ǹ tíĩn kɛn yuyui.

Lawa a wúlu-bɔlen 20:23

Ma bɛ́ re tɔrɔn mɛnɛn lui ma ǹ bɔ ka nyɛɛnɛ, ka nyan toa ka n saa bɛn landa siin kɛn li wa. A giala, bɛa siin kɛn lɛn tumaa a zɛnaa na á toa, ǹ tìĩ bɔ ma nyin ni.

Lawa a wúlu-bɔlen 26:11

Masɛ dinmaa n die giɛ̃ ka bii. Ka tìĩ a re boe ma nyin ni, ma ka tii wa.

Lawa a wúlu-bɔlen 26:15

bɛ̀ ka n piã ka masɛ a landa boon kɛn nɛ, bɛ̀ masɛ a sii yɔrɔ bɔ ǹ boon kɛn tìĩ bɔ ka nyin ni, yǎa ka ǹ tii, bɛ̀ ka a masɛ a gɔn waa ǹ boon kɛn tumaa a sii zɛnɛɛ doo wa, ka maa lɛ kɔ kɔn la lɛ ziziɛ̃.

Amɔɔsi 6:8

Dɛnaa Lawa Pàãyiidɛnaa nə́ n liɛ ka a din tɔ nɛ á pɛ kɛnɛn: Zakɔba tɔrɔn kɛn din gole kɔ kɛ tìĩ bɔ ma nyin ni, ǹ kion sonboren kɛn sii goon ba ma-a wa. Ma á re kiwi lɛ we a zɔ́ɔn gɔn, kɔnlɛ ka a gɔ́ɔ̃gɔɔ̃ ǹ mànan tumaa nɛ.

Amɔɔsi 7:9

Ma á re Izaaki tɔrɔn kɛn laanka Izirayeli tɔrɔn wúlu bɔ ǹ bǎãn ziziɛ̃, ma á re zia biɛ Zeroboamu tɔrɔn kɛn ganaa.»

Timəə dí-pɛn 32:19

A nɛnyaanan lɛn nə́ wɔ a lon. Dɛnaa Lawa bɛ́ á yɛ miɛ̃, a foo yoo,