Lawa a wúlu-bɔlen 25:9 - LAWA A BOO SONBORE

⁹ Mui sɔbaabaa ǹ wɔ a lɛawaa fùbaa ǹ wɔ pinaa, sii baraa sawaa ǹ lɛawaa gole kɛ a pinaa, ka bɛn pɛ gole gána lɛ din tumaa nɛ.

LAWA A BOO SONBORE 2011

⁹ Mui sɔbaabaa ǹ wɔ a lɛawaa fùbaa ǹ wɔ pinaa, sii baraa sawaa ǹ lɛawaa gole kɛ a pinaa, ka bɛn pɛ gole gána lɛ din tumaa nɛ.

Lawa a wúlu-bɔlen 25:9 ပူးပေါင်းရင်းမြစ်များ

Loen 89:15

N kiibaa lɛ giala n we-n peperebaa la, a giala n we-n dí-pɛn tamaa dɔ la. Kɔn-narɛɛ laanka biɛ̃ duduu nə n din lon, sii tumaa gɔ́ɔ̃ nɛ.

Loen 89:16

Tɔrɔ mɛn bɛ́ n tɔ boe doɛ̃, bɛ wɔ á re bǐɛ̃ koe. A n die tɔ we wɔlɔ fúlu li, Dɛnaa Lawa din yɔrɔ-a.

Izayii 27:13

Bɛa pinaa, sère gɔ̀lɔ̀ bɛn gole n die n pii. Bɛa biikoo li kəni, min mɛnɛn nə papaã Asiirii gána nɛ, ǹ nə n mɛnɛn loo Ezipti gána nɛ, bɛn tumaa á re die lenlen. Ǹ tá re die n musin koɛ tán Dɛnaa Lawa yɔrɔ-a, Zeruzalɛmu a kele sonbore kɛ la.

Lawa a wúlu-bɔlen 16:20

Bǎã sonbore sonbore kɛ nɛ, kɔn yɛ ǹ kion lɛ a paǹ gialakun ni, ka wúlu bɔ ǹ bǎã kɛ nɛ, bɛ̀ Aarɔn gɔ̀ bɔma-a ǹ landa zɛnaa bɛn lɛa á nya, a pɛ ǹ nɛ, mà ǹ da ka butumu yiikoonaa lɛ nɛ.

Lawa a wúlu-bɔlen 16:29

Kɛ n landa lɛa, ka mìi-n miɛ̃ duduu, a ná a ba n bɔyɛɛ wa: mui sɔbaabaa ǹ wɔ a lɛawaa fùbaa ǹ wɔ pinaa, ka n lɛ sɔɔ, min baran dí kɔn dɔ nya bɛa pinaa wa. Ta gána lɛ a min ni, ta gùli ni giã nɛ ka bii.

Lawa a wúlu-bɔlen 16:30

A giala, bɛa pinaa kɛ lɛ nɛ, ǹ tá sii baraa sawaa ǹ wúlu boe kaa lɛa, ǹ tá gɔ̀ boe ka ganaa, màn mɛn bɛ́ toɛ ka goã yoreene Dɛnaa Lawa yɔrɔ-a, sii baraa kɔn ná a ba ka ganaa wa.

Lawa a wúlu-bɔlen 23:24

Boo da ka Izirayeli minin lɛn nɛ, n pɛ ǹ nɛ: mui sɔbaabaa ǹ wɔ a lɛawaa bibinaa ke, ka bɛ koa kaa susui pinaa lɛa. Ka bɛnɛn pɛpɛ bɛa pinaa lɛ nɛ, ka n lɛ sɔkɔn ka masɛ guguru kɔ, a giala, ma yiri tá ka nɛ.

Lawa a wúlu-bɔlen 23:27

A din mui sɔbaabaa ǹ wɔ lɛ a lɛawaa fùbaa ǹ wɔ pinaa, bɛ n sii baraa sawaa ǹ wúlu bɔ ǹ lɛawaa gole lɛa. Ka n lɛ sɔkɔn bɛa pinaa, ka n lɛ sɔɔ, ka wúlu mànan tã masɛ Dɛnaa Lawa wɔ lɛa, ka ma guguru kɔ.

Lawa a wúlu-bɔlen 25:8

Dɛnaa Lawa wusoo á pɛ Muizu-n doo: Lɛ̀ sɔsɔbaa wɔlɔ sɔbaa nimi, n toa bɛ kiɛ̃. Bɛa lɛ̀ sɔsɔbaa wɔlɔ sɔbaa lɛ a kaa kun nə goɛ̃ lɛ̀ pusiwenmanangɔrɔ.

Lawa a wúlu-bɔlen 27:17

Bɛ̀ ǹ dɛnaa na á wuru lɛ kɔ Lawa la lɛ̀ posooro zɔ́n waáraa, wúlu-bɔle wɔrɔ lɛ mɛn pɛ, a n bɛ lɛ sarɛɛ, a mìi bɔ ǹ giɔ̀mɔ lɛa.

Lawa a wúlu-bɔlen 27:24

Bɛ̀ lɛ̀ posooro zɔ́n dɔ, ǹ wuru lɛ pii min mɛn lon, min mɛn a bǎã bɛ́ nɛ, wuru lɛ n doe bɛ ganaa.

Minin nimi 10:10

Kaa nyɛnyɛɛ lɛawaan li, kaa lɛawaa dadaran li, kaa mui dii zɔ́nɔn li, ka die ka bɛa bɛnɛn kɛn lɛn pɛ ka *wúlu màn tiɛ̃n laanka kaa barka da ǹ wúlu mànan bɔ biikoo li. Bɛ dɔ á re toɛ masɛ nə n yiri kɔ ka li. Ma din ni kaa Lawa, Dɛnaa Lawa lɛ lɛa.»

Minin nimi 36:4

Bɛ̀ lɛ̀ posooro zɔ́n kɛ́ dɔ, nɛlɔn lɛn wɔ gii lɛ nə n boe a n bɔ wɔsɛn tɔrɔ wɔ baa-n duduu, a dɔ ǹ tɔrɔ dii lɛ ganaa.»

Rɔmu minin 10:18

Man nɔ̀n diɛ kəni: Zuifun lɛn nə bɛa boo lɛ ma wa? Ǹ nə́ ma. Lawa a boo n pii: «Ǹ lɛn bɔ kanaa bǎã din tumaa nɛ, ǹ boon lɛn dɔn nə́ woo yǎa kanaa paǹ tumaa ganaa.»

Rɔmu minin 15:19

ka kaãbaa ǹ sii dadaran barka nɛ, ka Yiri Fu pàã barka nɛ. Bɛ lɛ na á toa, a kũ Zeruzalɛmu kiwi ganaa a wo Ilirii gána yaa, má Krita a Boo Tii Kɔɔ̃n lɛ pɛ paǹ din tumaa ganaa.

Tesaloniki1 1:8

Dɛnaa a boo lɛ nə́ n toa kaa piɛ, á dɔ Masedoanɛ laanka Grɛki minin li, bɛ dinsɔɔ̃ bie wa, sɛnɛ, kaa golee Lawa li lɛ dɔ a boo nə n da wɔlɔ la lɔn, mìi din ba la doo wɔsɛn na a boo da wa.

Zozoe 6:4

Lawa a wúlu-bɔle sɔbaa die a mɛ goo lɛ nyɛɛnɛ, ka bɛn sɔbaa kɛ nɛ. A lɛawaa sɔbaabaa ǹ wɔ pinaa, ka die ka kiwi lɛ lɛnpɛnɛ gunyin sɔbaa, bɛ̀ wúlu-bɔlen lɛn sɛn tá bɛa bɛnɛn lɛn pii.