Lawa a wúlu-bɔlen 25:35 - LAWA A BOO SONBORE

³⁵ Bɛ̀ n mɛn a giɔ̀mɔ tá ǹ miã ganaa, bɛ̀ a gɔn nya a ná a boe la á sarɛɛ wa, n dɔ lɛ, màn mɛn bɛ́ toɛ, a dɔ la n li. Ta gùli n ka ǹ dɛnaa nɛ, hinlaa tii ni, ka zɛnaa miɛ̃ a wɔ paǹ li.

LAWA A BOO SONBORE 2011

³⁵ Bɛ̀ n mɛn a giɔ̀mɔ tá ǹ miã ganaa, bɛ̀ a gɔn nya a ná a boe la á sarɛɛ wa, n dɔ lɛ, màn mɛn bɛ́ toɛ, a dɔ la n li. Ta gùli n ka ǹ dɛnaa nɛ, hinlaa tii ni, ka zɛnaa miɛ̃ a wɔ paǹ li.

Lawa a wúlu-bɔlen 25:35 ပူးပေါင်းရင်းမြစ်များ

Nehemii 5:1

Ǹ kɔn pinaa, zaman lɛ a min gialakunun ni, ka ǹ lɔn nɛ, ǹ lɛ na á goã suĩ ni taãn-taãnɛ ǹ dinin dɔɔ̃n Zuifun lɛn li.

Nehemii 5:3

Ǹ tɛnɛn dɔn man nə́ goã pii kɛnɛn: «Wɔa wurun ni, ka wɔa *rezɛ̃ dan laanka wɔa kionən ne, wɔ n die bɛn biɛ giɔ̀mɔ saa ǹ mànan lɛa bɔrɔ, wɔ boo la wɔ belee yɛ bòo biikoo li.»

Zɔbu 31:16

Doobaa bin nyankɔ ma la má nu wa, ma bin toa lɔ giɔɔrɔ nə́ n yii da ma gɔn li á fɔ̃ wa.

Loen 112:5

Min mɛn bɛ́ nɔmaa-wɔle makara doɛ̃, á n giɔ̀mɔ diɛ a ganaa, a ná a sii yɔrɔ boe ka peperebaa nɛ, bɛa dɛnaa wɔ á re bǐɛ̃ koe.

Loen 112:9

A nə n gɔn lɛ buĩ á doobaan goe ka màn nɛ. A sii pepere zɛnaa n goɛ̃ yǎa duduu. A n die tɔ golebaa yii, ka gugurubaa nɛ.

Loen 37:26

Min makara n min sonbore kuĩ lɛawaa tumaa li, a n giɔ̀mɔ diɛ baraabaraa. A nɛnyaanan dɔn man barkadɛnan lɛa.

Loen 41:1

LOE-saalin goledɛnaa loe mɛn lɔ. Davida a loe n ke.

Bɔ bɛ̀rɛbaa nɛ 22:21

Ka baran fuu nyaa lɔ giɔɔrɔ kɔ́n nɛ, ka nɛ-toen kɔ́n nɛ wa.

Bɔ bɛ̀rɛbaa nɛ 22:24

«Bɛ̀ ka giɔ̀mɔ da ka miã doobaa ganaa, ka baran zɛnaa nɛ ka giɔ̀mɔ-dali gialakunun wɔ bɛ́ lɔn wa. Ka baran pɛ mà a da saraa ka là-n wa.

Bɔ bɛ̀rɛbaa nɛ 22:25

Bɛ̀ min ná a dɔnkɛ gole kɔ n la, á màn si, mà asɛ á re n sarɛɛ a tɔn si, ka kɔ la bɛ̀ wasa baa miɛ̃.

Bɔ bɛ̀rɛbaa nɛ 23:9

«Ka baran fuu nyaa gùli kɛ nɛ giã nɛ ka li wa. Ka dininmaan kɛn lɛn tá gùlibaa sii doɛ̃. A giala, ka n ka goã gùlin lɛa Ezipti gána nɛ.

Suusun 14:31

Min mɛn bɛ́ mɛnɛɛ doobaa la, a n sɔ koe a zɛnaali ganaa. Sɛnɛ, doobaa makara bɛ́ boe min mɛn ganaa, bɛ n gugurubaa koe la.

Suusun 17:5

Min mɛn bɛ́ yaa we doobaa ganaa, a n sɔ koe ǹ zɛnaali ganaa. Min mɛn bɛ́ n nyɛnyɛɛ ka ǹ miãn koe ne, dɔlɔ á re n boe ǹ dɛnaa ganaa.

Suusun 19:17

Min mɛn bɛ́ doobaa goe, a n giɔ̀mɔ diɛ Dɛnaa Lawa ganaa. Dɛnaa Lawa á re sarɛɛ.

Lawa a wúlu-bɔlen 19:34

Bɛa gùli kɛ lɛ giã nɛ ka li, ka kũ ka ka dinin goon bɛ́ lɔn. Ka narɛ ka ka bɛ́ ka dinin narɛ lɔn. A giala, ka dɔn man ka goã gùlin lɛa Ezipti gána nɛ. Masɛ din Dɛnaa Lawa n ka Lawa lɛa.

Lawa a wúlu-bɔlen 25:25

Bɛ̀ doobaabaa min mɛn da a bǎã sã ganaa, bɛa dɛnaa lɛ a mìi gɔ́ɔ̃ ǹ sii bɛ́ doe ǹ dɔɔ̃n mɛn ganaa, bɛ doamaa nɛ a da bǎã lɛ mìi bɔ.

Matiə 25:35

A giala, bòo na á ma kũ, ka màn-bii kɔ ma la ma bii. Mu boro na á ma kũ, ka mu kɔ ma la má mi. Má goã tii lɛa, ka ma kũ doɛ̃ kaa kion.

Marki 14:7

A giala, doobaan tá kun ka nɛ biikoo tumaa li, bɛ̀ ka á li ka bǐɛ̃ zɛnaa ǹ nɛ ǹ mɛn pinaa, ka á boe la ka zɛnaa ǹ nɛ. Sɛnɛ, masɛ bie re goɛ̃ kun ka-n miɛ̃ wa.

Luku 6:35

Sɛnɛ, bɛ̀ ka tá li ka n baa Lon a Lawa Gole a nɛnyaanan lɛa sonbore, ka saraa gole yɛ, ka siin kɛn zɛnaa: Ka kaa zɔ́ɔn narɛ, ka bǐɛ̃ zɛnaa, min mɛnɛn bɛ́ pàã ba ǹ lon ǹ giɔ̀mɔ dòo saraa wa, ka giɔ̀mɔ da bɛn-a, a giala Lawa lɛ sɛ n bǐɛ̃ zɛnɛɛ bǐɛ̃-doɛ̃ baãnaan laanka min baraan manɛ.

Zaã a sɛ́wɔ 12:8

Mà doobaan kɛn, mà bɛn tá kunun ǹ ni biikoo tumaa li, sɛnɛ, mà asɛ bie re goɛ̃ kunun ǹ ni miɛ̃ wa.

Nya ǹ dín 11:29

Lawa-nyankɔlen lɛn Antiɔsi kiwi, ǹ nə́ da kɔn nɛ mà ǹsɛn dɔɔ̃nɔn mɛnɛn bɛ́ Zudee gána nɛ, mà ǹsɛn man die màn boboe a kɔnpɛ ka didie pàã nɛ, ǹsɛn nə dia bɛa dɔɔ̃nɔn lɛn la.

Rɔmu minin 12:13

Ka n doa ka Lawa-nyankɔlen laadoo bǐɛ̃ kɔ, ka tiin kũ doɛ̃ sɔnbɔraanɛ.

Rɔmu minin 12:18

Bɛ̀ á boe la a n zɛnaa, bɛ̀ a bɔ ka dinin li wa, ka n doa là nyantoro goã ka bii ka min tumaa nɛ.

Rɔmu minin 12:20

Lawa a boo n pii dɔn: «Bɛ̀ bòo tá n zɔ́ɔ ganaa, màn kɔ la a bii, bɛ̀ mu boro tá a ganaa, mu kɔ la a mi. A giala, bɛ̀ n tá zɛnɛɛ miɛ̃, a n goon ka ma n sìi diɛ a ganaa!»

Korɛnti2 8:9

A giala, ka á wɔa Dɛnaa Yezu *Krita a bǐɛ̃baa ǹ gɔn doɛ̃: asɛ mɛn bɛ́ pàãma lɛa, á n din baa doobaa lɛa kaa lɛa, a boo la a kasɛn baa pàãman lɛa, ka a doobaabaa lɛ nɛ.

Korɛnti2 9:1

Lawa a zaman mɛn bɛ́ Zudee gána nɛ, là ba a ganaa, ma boo da kasɛn nɛ bɛn dɔmalɛ wɔ paǹ li wa.

Galaasi minin 2:10

Ǹ boo n ka kɛ dinsɔɔ̃ nɛ, ǹ nə́ da wɔ nɛ. Mà wɔ n yiri koa ǹsɛn Lawa a sɔmɔ a doobaan li Zeruzalɛmu. Masɛ dɔ́ ga bɛ lɛ walan sɔnbɔraanɛ má zɛnaa.

Timəə dí-pɛn 23:19

Lɔn laanka giĩn mɛnɛn bɛ́ bɛa siin lɛn zɛnɛɛ, ka nyan toa ka lɛ kɔ, ǹ da ka ǹ kɔrɔbaa ǹ saraa kɛ nɛ kaa Lawa, Dɛnaa Lawa a kion, mà maǹ nə́ daa ǹ lɛ-kɔ Lawa la ǹ màn saraa-n wa. A giala, ǹ zɛnaa ǹ sii lɛ n sii bɔbɔnɛɛ lɛa kaa Lawa, Dɛnaa Lawa yii li.

Ebrəə 13:2

Ka yiri baran bɔ tiin kũ doɛ̃-n wa. Bɛ a zɛnaa barka nɛ, min tɛnɛn nə́ lon a dia dí-a wolen tiibaa kũ, ǹ nə́ ǹ dɔ̃ wa.

Zaã1 3:17

Bɛ̀ min pàãma goon yii nə ǹ dɔɔ̃n ganaa laadoo-dɛnaa lɛa, a nə́ n tiɛ̃ a ganaa a din gɔ́ɔ̃ nɛ, a n siɛ lɔn a pɛ mà Lawa narɛɛ tá asɛ foo ne?