Lawa a wúlu-bɔlen 25:19 - LAWA A BOO SONBORE

¹⁹ Kaa tán-kɔsiɛ á die bǐɛ̃ koe, ka màn bii ka kã, ka n giã-n gána lɛ nɛ, ka yiri n bǎã goon ne.

LAWA A BOO SONBORE 2011

¹⁹ Kaa tán-kɔsiɛ á die bǐɛ̃ koe, ka màn bii ka kã, ka n giã-n gána lɛ nɛ, ka yiri n bǎã goon ne.

Lawa a wúlu-bɔlen 25:19 ပူးပေါင်းရင်းမြစ်များ

Kiin1 5:5

Salomɔn a yiikoonaabaa tumaa gɔ́ɔ̃ nɛ, a n kuĩ Dan ganaa, a wo Bɛɛr-Sebaa yia, Zudaa minin lɛn laanka Izirayeli minin lɛn didie na á goã yii nyɛɛ la, ǹ *rezɛ̃ da laanka ǹ gɔ́rɔ da giulun.

Loen 67:6

Lawa, tɔrɔn tumaa die ǹ barka da n nɛ. Tɔrɔn tumaa die ǹ nə n lɛ kaa kun, ǹ barka da n nɛ.

Loen 85:12

Sonbore n boe tán, peperebaa dɔ n boe lon.

Suusun 1:33

Sɛnɛ, bɛ̀ min mɛn nə n too kɔ ma lon, bɛa dɛnaa á re goɛ̃ yii-nyɛɛ gɔ́ɔ̃ nɛ, kiĩn ni a ná a ba nyɛ́ɛ biɛ koe-n wa.

Izayii 1:19

Bɛ̀ ka lɛ kɔ, ka n too kɔ, ka á re gána lɛ a màn sonboren bii.

Izayii 30:23

Ka bɛ-n kəni, Dɛnaa Lawa á re la kiɛ màn nàn kɛ la, n da. N bɛ́ re màn-bii mɛn boe tán nɛ, á re goɛ̃ mɔnaa nɛ, a n kɔɔ̃n dɔn. Bɛa pinaa kɛ nɛ, n tɔɔn tá re woe buu soɛ̃ tɔɔn buu sɔ̃ ǹ bǎã gole kɛ nɛ.

Ezekieli 36:30

Ma á re toɛ kaa dan nə nɛ gigiã kɔ, màn gigiã yɛ kaa wuru dí ni, màn mɛn bɛ́ toɛ, sìi nyan ka kũ tɔrɔn bii doo bòo taman yii wa.

Zowɛli 2:24

Bɛa biikoo li, bǎã tumaa á re piɛ̃ ka belee ne, mànan tumaa á re piɛ̃ ka duvɛ̃ laanka nyɔɔ buə ne, maǹ die piɛ̃ ǹ kaa.

Zowɛli 2:26

Ka á re màn bii sɔnbɔraanɛ ka kã ka á re loe loe, ka masɛ Dɛnaa Lawa, kaa Lawa lɛ tɔ bɔ nɛ. Ma din nə má kaãbaa ǹ siin zɛnaa ka nɛ, sìi á re maa zaman kɛ kuĩ doo duduu wa.

Lawa a wúlu-bɔlen 25:18

Maa landa boon kɛn bɛ́ màn mɛn pii, ka bɛ zɛnaa, ka masɛ a sii yɔrɔ bɔ ǹ boo kɛn tamaa, ka ǹ sii zɛnaa. Bɛ̀ ka zɛnaa miɛ̃, ka á re boe la ka giã gána lɛ nɛ, ka yiri n bǎã goon ne.

Lawa a wúlu-bɔlen 25:20

Kɔntan ka á re taasɛ, mà kasɛn doamaa bɛ́ a bie ka wuru dí nya wa, mà kasɛn bɛ́ ka bie re boe ka màn nɛ don ka da-n wa, mà kasɛn man die wàa bii lɛ̀ sɔsɔbaa gogoonmaa a sɔbaabaa ǹ wɔ gɔ́ɔ̃ nɛ?

Lawa a wúlu-bɔlen 26:4

Bɛ̀ ka zɛnaa miɛ̃, lan mɛnɛn bɛ́ ka laadoo bǐɛ̃ koe, ma á die toɛ, bɛn nə kaa a biikoo li. Tán-kɔsiɛ á die bǐɛ̃ koe, dan dɔn tá re nɛ koe.

Lawa a wúlu-bɔlen 26:5

Ka bɛ́ re màn mɛn yii, ka á re bɛ duwii, yǎa a woe doe rezɛ̃ ma waáraa ganaa. Ka bɛ́ re rezɛ̃ mɛn dɔ yii, ka á re bɛ niɛ̃, yǎa a woe doe *belee diɛ waáraa ganaa. Ka á re màn bii ka kã. Ka á re boe la ka giã kaa gána lɛ nɛ, ka yiri n bǎã goon ne.

Lawa a wúlu-bɔlen 26:6

Ma á re là nyantoro koe gána lɛ la. Ka á re wɛɛ tán ka nyuù wɔ, sii kɔn ná a re nyɛ́ɛ diɛ ka ganaa wa. Don mànan mɛnɛn bɛ́ basaã koe, masɛ á re bɛn papaɛ̃ ma ǹ bɔ gána lɛ nɛ. Masɛ a re toɛ min da zia baa ka ganaa kaa gána kɛ-n doo wa.

Timəə dí-pɛn 12:10

Sɛnɛ, ka á re Zurdɛ̃ tà kuri, kaa Lawa, Dɛnaa Lawa bɛ́ gána mɛn lɛ koe ka la kaa wɔ lɛa, ka wo giã walan. Kaa zɔ́ɔn mɛnɛn bɛ́ ka lɛnpɛnɛ, á re ka kanbiɛ bɛn ganaa, á re là nyantoro koe ka la.