Lawa a wúlu-bɔlen 25:17 - LAWA A BOO SONBORE

¹⁷ Min kɔn nyan toa a mɛnaa ǹ miã la wa. Bɛ lɛ n nyɛɛ, mà ka tá nyɛ́ɛbiɛ kaa Lawa nɛ. A giala, ma din Dɛnaa Lawa n kaa Lawa lɛa.

LAWA A BOO SONBORE 2011

¹⁷ Min kɔn nyan toa a mɛnaa ǹ miã la wa. Bɛ lɛ n nyɛɛ, mà ka tá nyɛ́ɛbiɛ kaa Lawa nɛ. A giala, ma din Dɛnaa Lawa n kaa Lawa lɛa.

Lawa a wúlu-bɔlen 25:17 ပူးပေါင်းရင်းမြစ်များ

Siin Giala 20:11

Abrahamu ná a lɛ si á pɛ: – Masɛ n taasɛ, máa nyɛ́ɛ baa Lawa-n ba bǎã kɛ lɛ-n wa. Bɛ lɛ a lɛa, máa ǹ tá re ma dii, ǹ maa lɔ lɛ si ma la, a siĩnbaa taman yii.

Siin Giala 22:12

Dɛnaa tɔ́n pɛ nɛ: «N baran n gɔn da nɛginin lɛ ganaa wa. N baran sii kɔ́n zɛnaa-n wa. Ma á doɛ̃ sisia, máa n tá nyɛ́ɛbiɛ masɛ Lawa nɛ. A giala, n nə n piã ka n nɛgiĩ goon toto lɛ a kɔ masɛ la-n wa.»

Siin Giala 39:9

N ba gole masɛ-n kion kɛ lɛ din gɔ́ɔ̃-n wa. A ma kurəə sii kɔ́n ganaa wa, bɛ̀ á n bɔ n din kɛ lɛ nɛ, a lɔ lɛa. Ma n boe la, ma bɛa sii bɔnɛɛ kɛ zɛnaa lɔn, ma wɔ Lawa lon?»

Siin Giala 42:18

A lɛawaa sɔɔbaa ǹ wɔ pinaa, Zozɛfu tɔ́n pɛ ǹ nɛ: «Ka bɛ́ re sii mɛn zɛnɛɛ ka tɔn la, bɛ ǹ ka kɛ nɛ. Ma á nyɛ́ɛ biɛ Lawa nɛ.

KZS2 19:7

Ka nyɛ́ɛ baa Dɛnaa Lawa-n parsiini, ka sii tumaa zɛnaa ka fubaa nɛ, a giala Dɛnaa Lawa a lɛ koe mɛnaa ma la ganaa wa. A ba li ka bɔnbii-a wɔ minin bii wa. A lɛ koe lɛ pii ǹ màn ganaa wa.»

Nehemii 5:15

Sɛnɛ pàãdɛnan mɛnɛn nə goã masɛ nyɛɛnɛ, bɛn man nə́ goã zaman lɛ nɔmiɛ̃, ǹ nə́ màn-bii laanka duvɛ̃ sii ǹ la, ka wɔrɔ pupusi dɔ nɛ. Haalɛ ǹ dí-nyalin dinin man nə́ goã pàã nyɛɛ zaman lɛ nɛ. Sɛnɛ masɛ, nyɛ́ɛ baa Lawa yii-n lɛ taman yii, ma bɛ miã zɛnaa wa.

Nehemii 5:9

Má tɔ́n pɛ: «Ka bɛ́ sii mɛn zɛnɛɛ, a siĩn wa. Ka doamaa nɛ ka tɔ wɔ, bɛ̀ ka tá nyɛ́ɛ biɛ wɔa Lawa lɛ yii ni, màn mɛn bɛ́ toɛ, tɔrɔn mɛnɛn bɛ́ wɔa zɔ́ɔn lɛa, sìi baran wɔ kũ bɛn bii wa.

Loen 19:9

Dɛnaa Lawa a minin doroo ǹ boon lɛn man pepere, ǹ tá min foo kɔɔ̃n koe. Dɛnaa Lawa a dí-pɛ lɛ n ka tɛ fúlu ni, a tá min yiri fúli.

Bɔ bɛ̀rɛbaa nɛ 20:20

Muizu pɛ zaman lɛ nɛ: «Ka baran nyɛ́ɛ baa wa. A giala, Lawa na á daa n da ka gɔ́ɔ̃ li, màn mɛn bɛ́ toɛ, nyɛ́ɛ baa a din ni goã ka foo ne, ka baran sii baraa dɔ zɛnaa wa.»

Suusun 1:7

Nyɛ́ɛbaa Dɛnaa Lawa yii ni n sii-doɛ̃ a giala kɔ ǹ bǎã lɛa. Min mɛnɛn laadoo bɛ́ a bie ka bɛa daraan laanka bɛa doroon kɛn nɛ wa, baãnaan manɛ.

Suusun 14:31

Min mɛn bɛ́ mɛnɛɛ doobaa la, a n sɔ koe a zɛnaali ganaa. Sɛnɛ, doobaa makara bɛ́ boe min mɛn ganaa, bɛ n gugurubaa koe la.

Suusun 16:6

Min mɛn bɛ́ bɔlɔgoondɛnaa lɛa, a sãn tá re n toɛ nɛ. Min mɛn bɛ́ nyɛ́ɛ biɛ Dɛnaa Lawa yii ni, a nə n wɔlɔ lui sii baraa ganaa.

Suusun 22:22

N nyan doobaa koã a giala mà doobaa n wa. N nyan mɛnaa nɔmaa-wɔle la kiri wɔ ǹ bǎã-n wa.

Izayii 3:14

A n die kiri we a zaman a min golen ganaa, ka ǹ kiãn kɛn nɛ: «Ka dinin lɛn man ka maa *rezɛ̃ dan kɛn ziziɛ̃, ka doobaan gɔn mànan koã, ka kaa kionən pã nɛ.

Zeremii 22:16

A na á goã doobaan laanka nɔmaa wolen zia gii diɛ. A sii tumaa goã yɔrɔ yii. Bɛ lɛ bie masɛ Lawa doɛ̃ lɛa wa? Dɛnaa Lawa a da ǹ boo ne.

Lawa a wúlu-bɔlen 19:13

Min baran mɛnaa ǹ miã la wa, min dɔ baran ǹ miã koã wa. Min kɔn nyan toa dí-nyali a saraa lɛ̀ waa a gɔn wa.

Lawa a wúlu-bɔlen 19:14

Min baran boo baraa da too tere-a ganaa wa, min baran màn da tán yii tere-a nyɛɛn wa. Ka bɛ lɛ zɛnaa ka nyɛ́ɛ baa kaa Lawa nɛ. Ma din nə Dɛnaa Lawa lɛa.

Lawa a wúlu-bɔlen 19:32

Ka min gole guguru kɔ, ka yoo ka bǎã kɔ la. Ka zɛnaa miɛ̃ ka nyaa, mà ka tá nyɛ́ɛbiɛ masɛ Lawa yii ni. Masɛ din Dɛnaa Lawa n má pɛ.

Lawa a wúlu-bɔlen 25:14

Ta min mɛn nə màn siɛ̃ ǹ miã la hinlaa á pii a lon, min kɔn nyan toa a mɛnaa ǹ miã la wa.

Lawa a wúlu-bɔlen 25:36

Ka baran là si bɛa dɛnaa lɛ la wa, ka baran n là bɔ la wa, màn mɛn bɛ́ toɛ, a dɔ la ka li. Ka zɛnaa miɛ̃ ka nyaa, mà ka tá nyɛ́ɛbiɛ masɛ Lawa nɛ.

Lawa a wúlu-bɔlen 25:43

Min doamaa bie a pàã nyaa ǹ nɛ, a kakaarɛ kɔ ǹ ganaa wa. Ka zɛnaa miɛ̃ ka nyaa, mà ka tá nyɛ́ɛbiɛ kaa Lawa nɛ.

Malakii 3:5

Hiĩ! Dɛnaa Lawa Pàãyiidɛnaa pɛ: – Ma á re die ka bii ni ma kiri wɔ ka ganaa. Ma á re siɛ lɛlɛ ma zɛ̀rɛ koa kɔ́lɔnbaalin-a, naarɛbaalin ni, min mɛnɛn bɛ́ ǹ ba koe ǹ lɛ kɔ ǹ bɔlɔ lɛ wa, min mɛnɛn bɛ́ mɛnɛɛ dí-nyali la a sara paǹ li, min mɛnɛn bɛ́ mɛnɛɛ lɔ giɔɔrɔ laanka nɛ toen la, hinlaa ǹ nə́ mɛnɛɛ tiin la ka min mɛn tumaa bɛ́ ǹ ba nyɛ́ɛ biɛ masɛ yii-n wa.

Luku 12:5

Masɛ n die min nyɛɛ ka nɛ, ka doamaa bɛ́ nɛ ka nyɛ́ɛ baa min mɛn nɛ. Ka nyɛ́ɛ baa Lawa nɛ. Bɛ̀ Lawa min dɛ, pàã tá a lon a na a telenboen zũ tɛ-n. Bɛ lɛ nɛ, ma á pii ka nɛ, máa ka doamaa nɛ ka nyɛ́ɛ baa Lawa nɛ.

Nya ǹ dín 10:2

Á goã Lawa a sii kuĩ ka a foo ne, a laanka a kion minin tumaa goã woe Lawa guguru koe lɛsɔkɔn bǎã nɛ. A din goã Zuifu lɛa wa, sɛnɛ, á goã bǐɛ̃ gigiã zɛnɛɛ Zuifun doobaan manɛ, á goã Lawa nyankoe dɔn biikoo tumaa li.

Nya ǹ dín 10:35

Gána din tumaa dɔ nɛ, min woo min, a n nyɛ́ɛ biɛ Lawa yii ni, a n sonborebaa zii tɔ we, Lawa n lɛ koe bɛa dɛnaa ganaa.

Nya ǹ dín 9:31

Bɛa biikoo kɛ li, Lawa a sɔmɔ minin mɛnɛn bɛ́ bǎã tumaa nɛ, Zudee gána nɛ, Galilee gána nɛ ka Samarii gána nɛ, bɛn nə́ goã yii-nyɛɛ la. Ǹ nə́ goã kɔn foo taɛ̃, ǹ nə́ n doe kɔn lɛ, ǹ nə́ goã tɔ we ka nyɛ́ɛbaa Dɛnaa yii-n ni. Lawa a Yiri Fu barka nɛ, màn na á goã miɛ ǹ li á woe nyɛɛnɛ.

Rɔmu minin 11:20

Sonbore ne. Maǹ nə́ ǹ kuru a giala, ǹ golee Lawa li wa. Nsɛ dɔ n doa nɛ, golee Lawa li barka nɛ. N baran toa din gole kɔ wɔ n foo-n wa. Sɛnɛ, nyɛ́ɛ baa Lawa nɛ.

Rɔmu minin 3:18

Ǹ ba nyɛ́ɛ biɛ Lawa-n dinin boɛɛnɛ wa.»

Timəə dí-pɛn 25:18

Ǹ nyɛ́ɛ baa Lawa-n wa. Bɛ lɛ nɛ, ka bɛ́ zii la, ǹ nə́ daa ka gialaa. Bɛa biikoo li, bɛ̀ ká nɔmaa, ka pàã tumaa nya. Kaa min mɛnɛn nə goã kio, ǹ nə́ kaa bɛn la, ǹ nə́ ǹ dɛ.

Tesaloniki1 4:6

Min kɔ́n baran wɔ ǹ miã lon bɛa sii lɛ gɔ́ɔ̃ nɛ, a pɛ mà a n woe ǹ miã wɔ wɔlɔ li wa. Wɔ́ pɛ ka-n lɛlɛ, wɔ́ n gɔn waa ka-n taãn-taãnɛ, wáa min mɛnɛn bɛ́ bɛa siin lɛn zɛnɛɛ, Dɛnaa á re dɔlɔ boe ǹ ganaa.

Samayeli1 12:24

Sii kɔsɔ banban, ka nyɛ́ɛ baa Dɛnaa Lawa yii ni, ka a guguru kɔ ka bɔlɔgoondɛnaabaa nɛ, ka ka foo din tumaa nɛ. A giala Dɛnaa Lawa sii dadaran mɛnɛn zɛnaa ka nɛ, ka ga bɛ-a dɛ!