Lawa a wúlu-bɔlen 25:14 - LAWA A BOO SONBORE

¹⁴ Ta min mɛn nə màn siɛ̃ ǹ miã la hinlaa á pii a lon, min kɔn nyan toa a mɛnaa ǹ miã la wa.

LAWA A BOO SONBORE 2011

¹⁴ Ta min mɛn nə màn siɛ̃ ǹ miã la hinlaa á pii a lon, min kɔn nyan toa a mɛnaa ǹ miã la wa.

Lawa a wúlu-bɔlen 25:14 ပူးပေါင်းရင်းမြစ်များ

KZS2 16:10

Azaa foo yoo Lawa a boo gii-dali Anaanii li, á kũ á da kòso-n. A foo yoo Anaanii a boon kɛn li Parsiini. Bɛa waáraa kɛ lɛ nɛ, Azaa nə n bɔyaa á kakaarɛ kɔ zaman lɛ a min tɛn ganaa.

Loen 10:18

N din nə sonbore koe nɛ toen la, ka ǹ bɛ́ fuu nyɛɛ min mɛn dɔ nɛ. Bɛ lɛ n die toɛ minbuiin nɛ kooro kɔn ba re boe ǹ miã yii-n doo kanaa kɛ-n wa.

Suusun 14:31

Min mɛn bɛ́ mɛnɛɛ doobaa la, a n sɔ koe a zɛnaali ganaa. Sɛnɛ, doobaa makara bɛ́ boe min mɛn ganaa, bɛ n gugurubaa koe la.

Suusun 21:13

Min mɛn bɛ́ n too tiɛ̃ pàãwɛɛnaa a lɛ dɛ ganaa, a dɔ á re gu diɛ, min ná a ba n nyiĩ la wa.

Suusun 22:16

Bɛ̀ min mɛnaa doobaa la, a n biɛ pàãma lɛa. Min mɛn bɛ́ bǐɛ̃ biɛ pàãma la, a n biɛ doobaa lɛa.

Suusun 28:16

Nyɛɛnaandɛnaa yiriwɛɛnaa a dí n ka minin koã nɛ. Sɛnɛ, bɛ̀ min mɛn nə́ n piã ka mɛnaa minin la nɛ, á re nyin sasa yii.

Suusun 28:3

Pàã zɛnaali mɛn bɛ́ mɛnɛɛ doobaan la, a n ka kaa-piɛ waáraa la bɛ́ lɔn màn tumaa ziziɛ̃.

Suusun 28:8

Min mɛn bɛ́ wɔrɔ giɔ̀mɔ diɛ minin ganaa ka là gole-n la, ta á pàãma baa, a gɔn màn lɛ n die min kɔsɔ wɔ biɛ, min mɛn bɛ́ doobaa makara doɛ̃.

Boo-laakalaali 5:8

Tán a là nə ǹ dinin tumaa ganaa. Tán dí n kii pàã lɛa.

Izayii 1:17

Ka n daraa sii sonbore zɛnaa ganaa, ka ga peperebaa li. Ka min kakaarɛ doroo, ka bǐɛ̃ zɛnaa nɛ toen ne, ka lɔ giɔɔrɔ a guĩ saa.

Izayii 33:15

Min mɛn bɛ́ sii sonbore zɛnɛɛ, a n peperebaa boo diɛ, bɛa dɛnaa a lɛ koe kakaarɛbaa ǹ màn ganaa wa, a nə n dɔ̀ɔ̃ we lɛ pii wolen manɛ, bɛ̀ ǹ tá gɛ̀ dɛ boo diɛ, a nə n too tiɛ̃. A nə n yii tiɛ̃ màn mɛn bɛ́ toɛ, a yii nyan sii baraa yɛ wa.

Izayii 5:7

Dɛnaa Lawa Pàãyiidɛnaa a rezɛ̃ wuru n ka Izirayeli ni. Dan mɛnɛn nə goã kɔɔ̃nɛ a ganaa parsiini, bɛ n ka Zudaa a zaman nɛ. Dɛnaa Lawa nə n yii diɛ peperebaa la, sɛnɛ bǎã tumaa nɛ, peperebaabaã nɛ. A nə n yii diɛ sonborebaa la, sɛnɛ bǎã tumaa nɛ, sonborebaabaã nɛ.

Izayii 58:6

Lɛ sɔɔ mɛn bɛ́ kɔɔ̃n ma ganaa, á ke: Ǹ mɛnaa min mɛnɛn la, ka bɛn si ka ǹ kaa. Zǔu mɛn bɛ ǹ wìi li, ka bɛ bɔ ka bɔ ǹ ganaa. Ǹ bɛ́ min mɛnɛn nɔmɛɛ, ka bɛn si ka ǹ kaa. Sii mɛn tumaa bɛ́ ǹ biɛ bɛ̀rɛn lɛa, ka bɛ yii sàabaa.

Zeremii 22:17

Sɛnɛ, nsɛ n giɛ n dinsɔɔ̃ a là li. Ma n zoɛ̃ yii tì-an dɛ li, n nə́ kakaarɛbaa zɛnɛɛ minin ni, ka mɛnaa ma la nɛ.

Ezekieli 22:7

Maǹ díi laanka náa puusə koe n piɛ Zeruzalɛmu. Maǹ mɛnɛɛ tiin la kiwi lɛ nɛ, ǹ nə́ boe nɛ-toenən laanka lɔ giɔɔrɔn yii ni.

Lawa a wúlu-bɔlen 19:13

Min baran mɛnaa ǹ miã la wa, min dɔ baran ǹ miã koã wa. Min kɔn nyan toa dí-nyali a saraa lɛ̀ waa a gɔn wa.

Lawa a wúlu-bɔlen 25:15

Bɛ̀ ǹ tá tán siɛ̃ hinlaa ǹ nə́ pii kɔn lon, ǹ dɛnaa lɛ̀ lɛ mɛn zɛnaa a nɛ, a kũ lɛ̀posooro zɔ́n lɛ ganaa, lɛ̀ lɛ mɛn dɔ bɛ́ goɛ̃ lɛ̀ posooro zɔ́n kɔsɔ tɔn dɔ, ka n yiri koa bɛ li.

Lawa a wúlu-bɔlen 25:17

Min kɔn nyan toa a mɛnaa ǹ miã la wa. Bɛ lɛ n nyɛɛ, mà ka tá nyɛ́ɛbiɛ kaa Lawa nɛ. A giala, ma din Dɛnaa Lawa n kaa Lawa lɛa.

Misee 7:3

Ǹ gɔn bɛ́ yui sii mɛn a zɛnaa li, baraa nɛ. Goledɛnaa a bǐɛ̃ zɛnɛɛ kooro wa, yǎa màn. Sii yɔrɔ-bɔle a sii yɔrɔ boe kooro wa, yǎa là. Min gole a boo diɛ kooro wa, yǎa a din dùũ sii. Maǹ nə́ n lɛ kiɛ kun ǹ sii baraa zɛnaa.

Luku 3:14

Sɔraasin dɔn nə́ nɔ̀n da la mà ǹsɛn dɔn doamaa nɛ ǹ wàa mɛn zɛnaa? Á ǹ lɛ si: «Ka baran pàã nyaa min ni ka wɔrɔ si la wa. Ka baran mɛnaa min dɔ la ka soɛ boon ne ka wɔrɔ si la wa. Bɛ din tumaa kio, ǹ bɛ́ saraa mɛn koe ka la, ka toa bɛ lɛ dɔ ka yii li.»

Korɛnti1 6:8

Sɛnɛ, ka dinin man sii kɔkɔrɔ zɛnɛɛ, ka n wurumu biɛ, ka n bɛ zɛnɛɛ ka dɔɔ̃nɔn dɔn manɛ.

Sii yɔrɔ-bɔlen 4:3

Izirayeli minin lɛn nə́ n lɛ dɛ Dɛnaa Lawa ganaa. A giala fɔlɔ wotoro biɛmanangɔrɔ na á goã Sizeraa lon. Á bɔ Izirayeli minin lɛn yii-n taãn-taãnɛ, yǎa lɛ̀ fuə.