Lawa a wúlu-bɔlen 23:34 - LAWA A BOO SONBORE

³⁴ Boo da ka Izirayeli minin lɛn nɛ, n pɛ ǹ nɛ: mui sɔbaabaa ǹ wɔ a lɛawaa fulusoorobaa ǹ wɔ n ke, bɛ n *giã siã giulun zɔ́n giala kɔ pinaa lɛa. A nə n zɛnɛɛ yǎa lɛawaa sɔbaa, ka masɛ Dɛnaa Lawa guguru kɔ nɛ.

LAWA A BOO SONBORE 2011

³⁴ Boo da ka Izirayeli minin lɛn nɛ, n pɛ ǹ nɛ: mui sɔbaabaa ǹ wɔ a lɛawaa fulusoorobaa ǹ wɔ n ke, bɛ n *giã siã giulun zɔ́n giala kɔ pinaa lɛa. A nə n zɛnɛɛ yǎa lɛawaa sɔbaa, ka masɛ Dɛnaa Lawa guguru kɔ nɛ.

Lawa a wúlu-bɔlen 23:34 ပူးပေါင်းရင်းမြစ်များ

Kiin1 12:32

Mui mɛn bɛ́ lɛ̀ a mui a kiwisi baa ǹ wɔ lɛa, Zeroboamu zɔ́n goon zɛnaa bɛ li, a lɛawaa fulusoorobaa ǹ wɔ pinaa. Á bɛ baa zɔ́n lɛa ka ǹ bɛ́ nɛn bɛ̀ ǹ zɛnaa Zudaa gána-n lɔn. Zeroboamu woo *wúlu bɔ ǹ bǎã nɛ. A na á zɛnaa miɛ̃ Betɛli dɔ nɛ, a diin nɛ nyínin mɛnɛn lɛn zɛnaa, á wúlu bɔ ǹ ganaa. A wúlu bɔ ǹ bǎãn mɛnɛn dɔ, á bɛn wúlu-bɔlen bɔ á ǹ koa Betɛli.

Kiin1 8:2

Izirayeli minin tumaa nə́ n lɛ sɔkɔn kii Salomɔn li, *Etaanimu mui ni, mui mɛn lɛ á ke lɛ̀ a mui a sɔbaabaa ǹ wɔ lɛa.

Kiin1 8:65

Salomɔn laanka Izirayeli minin tumaa bɛa zɔ́n lɛ zɛnaa kun bɛa biikoo lɛ li. Ǹ nə́ goã zaman gole lɛa, ǹ nə́ bɔ gána lɛ paǹ tumaa ganaa, ǹ nə́ daa n sɔkɔn. A n siɛ Lebo-Amaati kiwi ganaa, gɔsɛ a lɛ̀gɔn la a da Ezipti a lɛ̀ giala gɔn la tà kɛ yaa, gusin a lɛ̀gɔn la. Ǹ nə́ zɔ́n lɛ zɛnaa Dɛnaa Lawa yɔrɔ-a lɛawaa fúlusii: Lɛawaa sɔbaa bɔrɔ bɛ kio doo lɛawaa sɔbaa.

Ɛsidrasi 3:4

Bɛ kio, ǹ nə́ *giã siã giulun zɔ́n zɛnaa, ka a bɛ́ kiɛ̃-n lɔn. Lɛawaa gogoonmaa, ǹ nə́ goã wúlu mànan tiɛ̃ koe Dɛnaa Lawa la. Landa *wúlu màn lɛ mɛn pɛ lɛawaa gogoon wɔ lɛa, maǹ zɛnɛɛ á kɔnpii ka bɛ nɛ.

Nehemii 8:14

Dɛnaa Lawa goã á Muizu da dí-pɛn sɛ́wɔ mɛn lɛ a kɔ ganaa Izirayeli minin lɛn la, ǹ nə́ yɛ kiɛ̃ nɛ bɛ gɔ́ɔ̃ nɛ, mà lɛ̀ a mui sɔbaabaa ǹ wɔ a zɔ́n kɛ li, mà Izirayeli minin lɛn doamaa nɛ ǹ giã siãn giulun.

Bɔ bɛ̀rɛbaa nɛ 23:16

«A paabaa ǹ wɔ, ka kaa wuru màn lɛ bibinaa zɔ́n zɛnaa, ka kaa wuru gɔ́ɔ̃ màn-kurii bibinaa nɛ. «A sɔɔbaa ǹ wɔ kəni, kaa-piɛ ǹ zɔ́n kɛ nɛ, ka bɛ zɛnaa lɛ̀ a nya biikoo li, bɛ̀ ka bɛ́ ka kaa wuru màn tumaa kaa piɛ.

Bɔ bɛ̀rɛbaa nɛ 34:22

«Ka die ka kaa wuru màn lɛ bibinaa zɔ́n zɛnaa, kaa màn-kurii bibinaan kɛn biikoo li. Ka *kaa-piɛ zɔ́n kɛ dɔ zɛnaa lɛ̀ a nya biikoo li.

Ezekieli 45:25

«Zɔ́n lɛ a mɛn dɔ bɛ́ n giala koe mui sɔbaabaa ǹ wɔ lɛ a lɛawaa fulusoorobaa ǹ wɔ pinaa, goledɛnaa lɛ bɛa siin lɛn miã zɛnaa lɛawaa sɔbaa lɛ gɔ́ɔ̃ nɛ: A din sii baraa sawaa ǹ wúlu lɛ, wúlu màn tiɛ̃ lɛ nɛ, Lawa gɔ ǹ màn lɛ nɛ, ka a din nyɔɔ goon lɛ nɛ, Lawa wɔ lɛa.»

Lawa a wúlu-bɔlen 23:33

Dɛnaa Lawa boo da ka Muizu ni, á pɛ nɛ:

Lawa a wúlu-bɔlen 23:42

Bɛa lɛawaa sɔbaa lɛ gɔ́ɔ̃ nɛ, ka dinin mɛnɛn tumaa bɛ́ Izirayeli minin lɛa, ka doamaa nɛ ka giã siãn giulun,

Lawa a wúlu-bɔlen 23:43

màn mɛn bɛ́ toɛ, kaa nɛnyaanan dɔn nə dɔ̃, mà masɛ bɛ́ má Izirayeli minin lɛn waa má ǹ bɔ Ezipti gána nɛ, mà masɛ n má ǹ kaa giã siã giulun ganaa. Masɛ din Dɛnaa Lawa n kaa Lawa lɛa.

Minin nimi 29:12

«Lɛ̀ a mui sɔbaabaa ǹ wɔ lɛ a lɛawaa fulusoorobaa ǹ wɔ pinaa, ka n sɔkɔn ka masɛ Dɛnaa Lawa guguru kɔ. Ka baran n gɔn da dí kaka kɔn ganaa wa. Ka zɔ́n zɛnaa lɛawaa sɔbaa, ka masɛ Dɛnaa Lawa guguru kɔ nɛ.

Zaã a sɛ́wɔ 1:14

Bɛa Boo kɛ lɛ na á n baa minbuiin nɛ lɛa, á giã wɔ bii. Wɔ́ a gugurubaa yɛ, Díi Lawa din bɛ́ á gugurubaa mɛn kɔ a Nɛgiĩ goon toto la. Bǐɛ̃baa laanka sonborebaa tá a lon parsiini.

Zaã a sɛ́wɔ 7:2

Zuifun *giã siã giulun zɔ́n diri.

Timəə dí-pɛn 16:16

Kaa Lawa, Dɛnaa Lawa din bɛ́ re bǎã mɛn lɛ boe, lɛ̀ goon gɔ́ɔ̃ nɛ, kaa giĩn tumaa doamaa nɛ ǹ wo n dinin nyaa a yɔrɔ-a walan, gunyin sɔɔ: *yɔ bùbaã buuru zɔ́n li, kaa-piɛ ǹ zɔ́n li ka giã siã giulun zɔ́n nɛ. Sɛnɛ, ǹ nyan toa ǹ wo Lawa yɔrɔ-a ka ǹ gɔn kooro-n wa.

Timəə dí-pɛn 31:10

Muizu tɔn nə n gɔn waa Izirayeli minin lɛn man kɛnɛn: «Lɛ̀ sɔbaa woo lɛ̀ sɔbaa, giɔ̀mɔ toa ǹ lɛ̀ kɛa giala kɔ waáraa, bɛ̀ *giã siã giulun zɔ́n kɛ́ dɔ,

Ebrəə 11:13

Min sɔɔ kɛ tumaa na á gã golee Lawa li gɔ́ɔ̃ nɛ. Ǹ bɛa lɛ-kɔ ǹ siin lɛn zɛnaa yɛ ǹ yii-n wa. Sɛnɛ, maǹ nə́ ǹ yɛ ǹ nə́ fòo da ǹ nɛ sɔsɔɔ, ǹ nə́ pɛ mà ǹsɛn man gùlin laanka zii tɔ-wɔlen lɛa kanaa kɛ nɛ.

Ebrəə 11:9

Golee Lawa li na á toa, Lawa nə n lɛ kɔ la ka gána mɛn nɛ, á giã bɛ nɛ ka tii bɛ́ lɔn. Abrahamu giã mɔnaa kionən ne, kun Izaaki ni ka Zakɔba nɛ, Lawa a lɛ-kɔ ǹ sii goon kɛ lɛ bɛ́ bɛn mɛnɛn dɔn wɔ lɛa.