Lawa a wúlu-bɔlen 23:32 - LAWA A BOO SONBORE

³² Ka bɛ baa kaa susu ǹ lɛawaa lɛa, ka n susu bɛa pinaa, ka n lɛ sɔɔ. A saa mui lɛ a manangɔrɔbaa ǹ wɔ a wasamiɛ̃n ganaa, a wo a lɛawaa a wasamiɛ̃n yaa, ka bɛa susu ǹ lɛawaa lɛ a susui wɔ.

LAWA A BOO SONBORE 2011

³² Ka bɛ baa kaa susu ǹ lɛawaa lɛa, ka n susu bɛa pinaa, ka n lɛ sɔɔ. A saa mui lɛ a manangɔrɔbaa ǹ wɔ a wasamiɛ̃n ganaa, a wo a lɛawaa a wasamiɛ̃n yaa, ka bɛa susu ǹ lɛawaa lɛ a susui wɔ.

Lawa a wúlu-bɔlen 23:32 ပူးပေါင်းရင်းမြစ်များ

Nehemii 13:19

A kũ bɛ lɛ ganaa, má pɛ máa bɛ̀ wɔlɔ á die tii, máa ǹ Zeruzalɛmu a kiɛnlɛn lɛn tã, bɛ̀ susu ǹ pii baa n giala koe. Má pɛ ǹ nɛ dɔn, máa bɛ̀ susu ǹ pii bie a nya wa, ǹ baran ǹ bũ wa. Má maa dí-nyalin lɛn kɔnɔn doa kiɛnlɛn lɛn lɛ-a, màn mɛn bɛ́ toɛ, guĩ kɔn baran toa a wɔ kiwi lɛ nɛ, susu ǹ pii pinaa wa.

Loen 35:13

Sɛnɛ, ǹ bɛ́ ǹ ba lon wa, masɛ n má foo-ziziɛ̃ ǹ mɔnaa wɔ ma din-a. Má n lɛ sɔɔ, má n din gisĩ, má Lawa nyan kɛ kɔ, má kɔ, má kɔ.

Loen 51:17

Dɛnaa, maa sìi toɛ̃ n bɔ ma-a, ń giɛ ma tá n lɛ buĩ ma n tɔ bɔ.

Izayii 57:15

Min mɛn bɛ́ ǹ ná a guguru koe ǹ ná a laakalɛɛ, a ná a tan duduu, a tɔ n "Sonbore", a bɛ́ boo mɛn pii á ke: Man giã-n bǎã sonbore ne, lon sɔsɔɔ, Sɛnɛ, man kun ka nɔmaa-wolen dɔn nɛ, ka foo ziziɛ̃ wolen ne. Man yiikoonaabaa koe nɔmaa-wɔlen la, ka foo ziziɛ̃ wolen ne.

Izayii 61:3

*Siɔn minin mɛnɛn bɛ́ gɛ̀ koɛ, ma doamaa nɛ ma mɔnaa gɔn sonbore pɛnɛ ǹ mìi ganaa gɛ̀ koa ǹ ton kɛ bǎã nɛ; ma doamaa nɛ ma nyɔɔ gìĩ kɔɔ̃n kaa ǹ ganaa ǹ gɛ̀ koa kɛ dòo. Ma doamaa nɛ ma zɔ́n mɔnaa wɔ ǹ ganaa ǹ foo ziziɛ̃ kɛ dòo lɛa. Ka bɛ-n kəni, ǹ tá re ǹ bíi: «Peperebaa ǹ da, dù gɔrɔ mɛn bɛ́ Dɛnaa Lawa a siĩnbaa nyɛɛ».

Lawa a wúlu-bɔlen 16:29

Kɛ n landa lɛa, ka mìi-n miɛ̃ duduu, a ná a ba n bɔyɛɛ wa: mui sɔbaabaa ǹ wɔ a lɛawaa fùbaa ǹ wɔ pinaa, ka n lɛ sɔɔ, min baran dí kɔn dɔ nya bɛa pinaa wa. Ta gána lɛ a min ni, ta gùli ni giã nɛ ka bii.

Lawa a wúlu-bɔlen 16:31

Ka bɛa lɛawaa kɛ lɛ koa *susu ǹ pii lɛa, bɛ̀ ka n susu li, ka n lɛ sɔɔ. Bɛ n landa lɛa yǎa duduu.

Lawa a wúlu-bɔlen 23:27

A din mui sɔbaabaa ǹ wɔ lɛ a lɛawaa fùbaa ǹ wɔ pinaa, bɛ n sii baraa sawaa ǹ wúlu bɔ ǹ lɛawaa gole lɛa. Ka n lɛ sɔkɔn bɛa pinaa, ka n lɛ sɔɔ, ka wúlu mànan tã masɛ Dɛnaa Lawa wɔ lɛa, ka ma guguru kɔ.

Lawa a wúlu-bɔlen 23:31

Ka nyan toa ka dí kɔn nya a pinaa wa. Bɛ n landa lɛa, ka mìi ni miɛ̃ duduu, ka tɔrɔn tumaa wɔ lɛa, a ba n bɔyɛɛ wa, ta ka n giã-n bǎã mɛn nɛ.

Lawa a wúlu-bɔlen 23:33

Dɛnaa Lawa boo da ka Muizu ni, á pɛ nɛ:

Matiə 5:4

Kanaa kɛ a sii bɛ́ yɔrɔ kɔsiɛ diɛ min mɛnɛn ganaa, Lawa á re barka diɛ bɛn ganaa, a giala Lawa á die ǹ foo basɛ̃!

Korɛnti1 11:31

Bɛ̀ wɔ́ n gɔ́ɔ̃ ti wɔ ga a ganaa, ǹ ba re kiri we wɔ ganaa wa.

Ebrəə 4:11

Ka daa wɔ n doa wɔ wɔ bɛa susui kɛ nɛ, màn mɛn bɛ́ toɛ, lɛlɛdɛnan Lawa bɔlɔ tii kɛ miã baran wɔa min kɔ́n daa, a na a bɔ̀n baa wa.

Ebrəə 4:3

Wɔsɛn mɛnɛn bɛ́ wɔ́ golee Lawa li, wɔsɛn man we susui lɛ nɛ. Lawa din na á boo kɛ pɛ taãn-taãnɛ susui lɛ wɔ gɔn la: «Bɛ lɛ na á toa, maa foo-yoo gɔ́ɔ̃ nɛ, má n liɛ máa ǹ ba re we maa susu ǹ gána kɛ-n wa.» Lawa a dí na a nya kanaa diɛ waáraa wa? Á nya.