Lawa a wúlu-bɔlen 23:17 - LAWA A BOO SONBORE

¹⁷ Ta ka n giã-n bǎã mɛn nɛ, ka soo ka buuru mìi paa nɛ walan, ka da ǹ nyaa masɛ nɛ ǹ sii zɛnaa. Ka yɔ bù kaa *wùsu sonbore kilo sɔɔ li, ka bɛa buuru lɛ da nɛ. Ka bɛ́ re kaa wuru gɔ́ɔ̃ mànan mɛnɛn kuri bibinaa nɛ, bɛn lɛn man masɛ Dɛnaa Lawa wɔn lɛa.

LAWA A BOO SONBORE 2011

¹⁷ Ta ka n giã-n bǎã mɛn nɛ, ka soo ka buuru mìi paa nɛ walan, ka da ǹ nyaa masɛ nɛ ǹ sii zɛnaa. Ka yɔ bù kaa *wùsu sonbore kilo sɔɔ li, ka bɛa buuru lɛ da nɛ. Ka bɛ́ re kaa wuru gɔ́ɔ̃ mànan mɛnɛn kuri bibinaa nɛ, bɛn lɛn man masɛ Dɛnaa Lawa wɔn lɛa.

Lawa a wúlu-bɔlen 23:17 ပူးပေါင်းရင်းမြစ်များ

Nehemii 10:37

Lawa a wúlu-bɔlen mɛnɛn bɛ́ dí nyɛɛ wɔa Lawa a kion kɛ nɛ, wɔ́ lɛ kɔ wáa wɔ á die woe ka wɔa nɛgiĩ bibinaan laanka wɔa tɔɔn nɛ bibinaan nɛ bɛn li, wɔa Lawa a kion kɛ nɛ, ka a bɛ́ kiɛ̃-n dí-pɛn sɛ́wɔ kɛ-n lɔn. Wɔa tɔɔ dadaran nɛ bibinaan laanka wɔa tɔɔ bisinin wɔn nɛ.

Bɔ bɛ̀rɛbaa nɛ 22:29

Ka zɛnaa bɛa yɔrɔ kɛ lɛ la ka kaa diin ni, kaa sèren ne. Ǹ nɛ bibinaa lɛ gɔ̀lɔ̀n lɛa, ka ǹ toɛ kunun ǹ dan nɛ lɛawaa sɔbaa ǹ yɛ kio. A lɛawaa kiwisibaa ǹ wɔ pinaa, ka dɛ *wúlu màn lɛa, ka kɔ masɛ la.

Bɔ bɛ̀rɛbaa nɛ 23:16

«A paabaa ǹ wɔ, ka kaa wuru màn lɛ bibinaa zɔ́n zɛnaa, ka kaa wuru gɔ́ɔ̃ màn-kurii bibinaa nɛ. «A sɔɔbaa ǹ wɔ kəni, kaa-piɛ ǹ zɔ́n kɛ nɛ, ka bɛ zɛnaa lɛ̀ a nya biikoo li, bɛ̀ ka bɛ́ ka kaa wuru màn tumaa kaa piɛ.

Bɔ bɛ̀rɛbaa nɛ 23:19

«Ka da ka wuru màn-kurii bibinaan nɛ, kaa Dɛnaa Lawa a Kion. «Ka baran bòe nɛ siĩ kɔrɛ ǹ dan nyɔ mu li wa.

Bɔ bɛ̀rɛbaa nɛ 34:22

«Ka die ka kaa wuru màn lɛ bibinaa zɔ́n zɛnaa, kaa màn-kurii bibinaan kɛn biikoo li. Ka *kaa-piɛ zɔ́n kɛ dɔ zɛnaa lɛ̀ a nya biikoo li.

Bɔ bɛ̀rɛbaa nɛ 34:26

Ka toa, ka da ka kaa tán màn tumaa a nɛ bibinaa nɛ, masɛ a Kion kɛ nɛ, a giala, masɛ din Dɛnaa n kaa Lawa lɛa.» Ka baran bòe nɛ siĩ da ǹ dan nyɔ li ka kɔrɛ wa.

Lawa a wúlu-bɔlen 2:12

Bɛ̀ a tá bɛ lɛa, ǹ tá boe la ǹ da Dɛnaa Lawa gɔ nɛ, ǹ màn lɛ bibinaa lɛa. Sɛnɛ, ǹ doamaa bie ǹ bɛ tã wúlu bɔ ǹ bǎã kɛ nɛ, wúlu màn giĩ kɔɔ̃n lɛa wa.

Lawa a wúlu-bɔlen 23:10

Boo da ka Izirayeli minin lɛn nɛ, n pɛ ǹ nɛ: Masɛ bɛ́ gána mɛn lɛ koe ka la, bɛ̀ ka wɔ a nɛ ǹ mɛn waáraa, bɛ̀ ka tá kaa wuru màn kuri, ka da a gɔn sara yii bibinaa kɔ Lawa a wúlu-bɔle la, kaa wuru gɔ́ɔ̃ màn kurii bibinaa lɛa.

Lawa a wúlu-bɔlen 23:18

Ka da ka lɛ̀ goon sère nɛ sɔbaa nɛ, wɔ̀lɔ̀ ná a ba ǹ ganaa wa, ka dii gɔ̀lɔ̀ goon laanka sère gɔ̀lɔ̀ paa nɛ, ka ǹ ti buuru lɛ ganaa. Ka bɛa tɔɔn lɛn kɔ masɛ Dɛnaa Lawa la, wúlu màn tiɛ̃ lɛa. Ka doamaa bɛ́ nɛ ka wùsu laanka duvɛ̃ mɛn kɔ masɛ la wúlu màn lɛa, ka bɛn kaa kun ni. Ka die ka bɛa mànan lɛn tã wúlu màn lɛa, a tɛmaa gìĩ n kɔɔ̃n masɛ Dɛnaa Lawa ganaa.

Lawa a wúlu-bɔlen 7:13

Buuru mɛn dɔ bɛ́ yɔ bù n li, ka da ka bɛ nɛ, ka ǹ kaa kun ka barka da Lawa nɛ ǹ wúlu màn lɛ nɛ.

Minin nimi 15:17

Dɛnaa Lawa boo da Muizu ni, á pɛ:

Minin nimi 18:12

Izirayeli minin lɛn bɛ́ re màn lɛ bibinaan mɛnɛn koe masɛ la, masɛ n bɛn dɔn koe n la: nyɔɔ dii a sonbore ne, duvɛ̃ dii a sonbore ne, ka *belee wɔ nɛ.

Minin nimi 18:13

Izirayeli minin lɛn bɛ́ die ǹ gána lɛ a màn tumaa a lɛ binaa mɛn koe masɛ la, n din wɔ n ka bɛ dɔ nɛ. Bɛ̀ min woo min tá yoreene n kion, á boe la a bii.

Minin nimi 28:26

*«Kaa-piɛ zɔ́n pinaa, bɛ̀ ka tá die kaa wuru màn lɛ bibinaa koe Dɛnaa Lawa la, ka die ka n sɔkɔn ka Dɛnaa Lawa lɛ guguru kɔ, ka ka a n gɔn diɛ dí kaka kɔn-a wa.

Matiə 13:33

Yezu wusoo á boo giməə kɔsɔ da ǹ nɛ: «Lawa a kiibaa lɛ n kɔnboe ka yɔ bù ni. Lɔ goon na á saa á kaa buuru wusu ya gigiã li, yǎa a din tumaa yoo.»

Rɔmu minin 8:23

Sɛnɛ, kanaa mànan dininsɔɔ̃nɔn bie wa. Wɔsɛn mɛnɛn dɔn dinin bɛ́, Lawa ná a Yiri kɔ wɔ la, a bǐɛ̃baa ǹ màn bibinaa lɛa, wɔ dɔn man gini wɔ gɔ́ɔ̃ nɛ. Wɔ ǹ gini wɔ nə́ n yii diɛ, wáa Lawa wɔ bɔ nɔmaa kɛ nɛ ka lenlen, a wɔ baa a din a nɛnyaanan lɛa.

Korɛnti1 15:20

Sɛnɛ, ka boo taãn nɛ, Krita lɛ yii bɛ́ á kaa bibinaa nɛ á n bɔ geren li, bɛ n nyɛɛ mà geren tumaa yii á re kiɛ.

Zaaki 1:18

A na á kɔɔ̃n kɔ Lawa ganaa, a yiikoonaabaa dii kɔ wɔ la ka boo sonbore kɛ barka nɛ, màn mɛn bɛ́ toɛ, a bɛ́ re min kɔsɔn mɛnɛn dɔn yii miɛ̃, wɔ bɛn nyɛɛnaandɛnan baa.

Sii-nyaan 14:4

Ǹsɛn nə n dinin lɔlɔ *gɔ̀-n ka lɔn nɛ wa, ǹ nə́ goã yoreen ne. Ǹ nə́ goã koe Sère Nɛ kɛ kialan lɛ, ǹ nə́ woe bǎã din tumaa nɛ. Ǹ dinin man nə́ kirisibaa yɛ tán minbuiin tumaa bii, ǹ nə́ die màn tɔrɔ bibinaa biɛ, ǹ nə ǹ kɔ Lawa la ka Sère Nɛ kɛ nɛ.