Lawa a wúlu-bɔlen 22:13 - LAWA A BOO SONBORE

¹³ Bɛ̀ wúlu-bɔle mɛn a nɛlɔ ǹ zuũ gã, hinlaa bɛ̀ a nɛlɔ lɛ zuũ loo, bɛ̀ nɛ ba a gɔn wa, yǎa a n bɔyaa á woo giã ǹ di kion, ka a nɛniɛmaa waáraa wɔ bɛ́ lɔn, á boe la a ǹ di lɛ a màn bii, haalɛ ta á daa yaa, min kɔsɔ tɔrɔ ná a boe la á bii wa.

LAWA A BOO SONBORE 2011

¹³ Bɛ̀ wúlu-bɔle mɛn a nɛlɔ ǹ zuũ gã, hinlaa bɛ̀ a nɛlɔ lɛ zuũ loo, bɛ̀ nɛ ba a gɔn wa, yǎa a n bɔyaa á woo giã ǹ di kion, ka a nɛniɛmaa waáraa wɔ bɛ́ lɔn, á boe la a ǹ di lɛ a màn bii, haalɛ ta á daa yaa, min kɔsɔ tɔrɔ ná a boe la á bii wa.

Lawa a wúlu-bɔlen 22:13 ပူးပေါင်းရင်းမြစ်များ

Siin Giala 38:11

Zudaa tɔ́n pɛ ǹ manaa Tamaara nɛ: «Ń bɛ́ giɔɔrɔ lɛa, wo giã n dikion bɔrɔ, yǎa maa nɛgiĩ Selaa kɛ doe giĩbaa ganaa.» A giala, a na á goã pii a din gɔ́ɔ̃ nɛ kɛnɛn: «Bɛ̀ ma toa Selaa wɔ lɛ, a dɔ tɔn gã ka ǹ golon kɛn wɔ bɛ́ lɔn!» Tamaara soo á woo giã ǹ dikion.

Ɛsidrasi 2:63

Min mɛn bɛ́ goledɛnaa lɛa, bɛ́ tɔ́n pɛ ǹ nɛ, mà bɛ̀ màn-bii mɛn nə́ n kɔ Lawa la, mà ǹ baran bɛ bii wa, yǎa Lawa a wúlu-bɔle die, a dí nyɛɛ ka Lawa dùũ dɔ̃ ǹ mànan kɛn nɛ.

Bɔ bɛ̀rɛbaa nɛ 12:43

Dɛnaa pɛ Muizu laanka Aarɔn nɛ: «Kiɛ̃mala ǹ zɔ́n lɛ a zɛnaa ǹ gɔn nə́ ke: - Tii kɔ́n ba re màn lɛ bii wa.

Bɔ bɛ̀rɛbaa nɛ 29:33

Ǹ dininsɔɔ̃nɔn man bɛa mànan kɛn lɛn soɛ̃, mànan mɛnɛn nə n zɛnaa, ǹ dinin bɔ a koa laanka ǹ dí kɔmala ǹ mànan lɛa, màn mɛn bɛ́ toɛ, Lawa nə ǹ sãn toa ǹ nɛ. Min kooro kɔ́n ba bɛa màn kɛ lɛ we a lɛ-n wa, a giala, màn sonbore ne.

Ezekieli 44:8

Ka doamaa bɛ́ nɛ ka dí mɛn nya maa màn sonboren kɛn wɔ lɛa, ka bɛ nya wa. Sɛnɛ, ka ǹ ká tɔrɔ kɔsɔn bɔ, ká ǹ kaa bɛa dí lɛ a nyɛɛ ganaa ka bǎã nɛ.»

Lawa a wúlu-bɔlen 10:14

Tɔɔn lɛn tìãbii kɛ laanka a nyàa ke Izirayeli minin lɛn nə́ daa nɛ, barka da Lawa nɛ ǹ *wúlu màn lɛa, ka bɛn kɔ Lawa la ǹ sii zɛnaa. Bɛ̀ ka nya, Aarɔn din laanka a nɛgiĩn ni, ka a nɛlɔn dɔn nɛ, ka wo bɛn sɔ̃ bǎã kɛ nɛ, á n bɔ á n koa Lawa wɔ lɛa. A giala, ka doamaa nɛ, maǹ nə́ ǹ kɔ n laanka n nɛnyaanan la.

Lawa a wúlu-bɔlen 22:10

Wúlu màn mɛn bɛ́ ǹ nə́ kɔ Lawa wɔ lɛa, min tɔrɔ kɔsɔ doamaa bie a wɔ a lɛ-n wa. Min mɛn bɛ́ á daa tii baa, wúlu-bɔle a kion, hinlaa ta a n dí nyɛɛ a lon á n sarɛɛ, bɛ kɔn doamaa bie a bɛa màn lɛ bii wa.

Lawa a wúlu-bɔlen 22:12

Bɛ̀ Lawa a wúlu-bɔle a nɛlɔ wɔ min kɔsɔ li, a ná a wúlu-bɔle tɔrɔ lɛa wa, ǹ bɛ́ màn mɛn boe wúlu mànan kɛn nɛ ǹ nə́ koe wúlu-bɔlen la, nɛlɔ lɛ doamaa bie a bɛ wɔ a lɛ-n doo wa.

Timəə dí-pɛn 24:2

Lɔ lɛ bɛ́ á soo á woo, á woo wɔ giĩ kɔsɔ li.

Samayeli1 21:7

Ǹ bɛ́ ǹ nə́ buuru mɛn kɔ Lawa la, Lawa a wúlu-bɔle lɛ tɔ́n bɛ kɔ Davida la. A giala, buuru kɔsɔ goã a tan wa, bɛ̀ á n bɔ bɛa buuru kɛ lɛ nɛ, koa nɛ Dɛnaa Lawa yɔrɔ-a, a gɔ ǹ wɔ lɛa. Bɛ̀ ǹ tá re siɛ ǹ mɛn pinaa, maǹ buuru fuu koɛ a bǎã nɛ.