Lawa a wúlu-bɔlen 19:13 - LAWA A BOO SONBORE

¹³ Min baran mɛnaa ǹ miã la wa, min dɔ baran ǹ miã koã wa. Min kɔn nyan toa dí-nyali a saraa lɛ̀ waa a gɔn wa.

LAWA A BOO SONBORE 2011

¹³ Min baran mɛnaa ǹ miã la wa, min dɔ baran ǹ miã koã wa. Min kɔn nyan toa dí-nyali a saraa lɛ̀ waa a gɔn wa.

Lawa a wúlu-bɔlen 19:13 ပူးပေါင်းရင်းမြစ်များ

Zɔbu 17:5

A n goon ka min mɛn bɛ́, a na a giaáran bíi a tá màn gii ǹ ni, a da yaa, a din a nɛnyaanan manə n yii diɛ ǹ wɔ la foɛ̃.

Zɔbu 31:39

bɛ̀ man má a màn bii, má n ma wɔrɔ bɔ wa, bɛ̀ man má min nyin bɔ, má a tán si la,

Zɔbu 7:2

A n ka bɛ̀rɛ bɛ́ lɔn, giɛ wúlu li mà asɛ nə n susu li. A n ka dí-nyali bɛ́ lɔn, n yii diɛ a saraa la.

Bɔ bɛ̀rɛbaa nɛ 20:15

- N baran wurumu baa wa.

Bɔ bɛ̀rɛbaa nɛ 22:13

«Bɛ̀ min nə́ ǹ miã kɔsɔ a tɔɔ nyɛnɛ a lon, yǎa tɔɔ lɛ busu da a din ganaa, hinlaa á gã bɛ̀ ǹ dɛnaa lɛ ná a banban, tɔɔ lɛ a nyɛnɛli lɛ doamaa nɛ, a na a dòo saraa.

Bɔ bɛ̀rɛbaa nɛ 22:15

«Bɛ̀ giĩ nɛniɛ giĩ-doɛ̃baã wole kũ, á waa kun ni, a doamaa nɛ a na a gɔn si ǹ giɔ̀mɔ saraa, a baa a lɔ lɛa.

Bɔ bɛ̀rɛbaa nɛ 22:21

Ka baran fuu nyaa lɔ giɔɔrɔ kɔ́n nɛ, ka nɛ-toen kɔ́n nɛ wa.

Bɔ bɛ̀rɛbaa nɛ 22:7

Bɛ̀ ǹ wurumu lɛ yɛ wa, kiondɛnaa lɛ doamaa nɛ, a Lawa baa siére lɛa, a n liɛ mà asɛ nə ǹ miã kɔsɔ a màn lɛ saa wa.

Suusun 20:10

Koɛɛ̃n wɔ ka màn zɔɔ̃ ǹ mànan nɛ n Dɛnaa Lawa soɛ̃ lɛa.

Suusun 22:22

N nyan doobaa koã a giala mà doobaa n wa. N nyan mɛnaa nɔmaa-wɔle la kiri wɔ ǹ bǎã-n wa.

Suusun 3:28

N nyan pɛ n miã nɛ: «Woo! Biɛ̃ n wusoo n daa ma kɔ n la.» A da yaa dɔn màn tá n gɔn n nə boe la n kɔ la.

Zeremii 22:13

Wàa koe n ka kɛ nɛ n ganaa Zozakimu! Ń kii kion dɔ n din wɔ lɛa, kɔkɔrɔbaa gɔ́ɔ̃ nɛ. Ma n kionən doe kɔn mìi ni, mɛnaa ma la gɔ́ɔ̃ nɛ. Ma n dí-nyalin kiɛ dí kooro nyɛɛ ganaa, ń nə n ba ǹ saraa koe ǹ la wa.

Zeremii 22:3

Dɛnaa Lawa bɛ́ boo mɛn diɛ, á ke: «Ka kiri pepere wɔ, ka goã sonbore la. Ǹ bɛ́ mɛnɛɛ min mɛnɛn la, ka bɛn si ka ǹ kaa. Ka nyan mɛnaa tiin la wa, nɛ toenən ne ka lɔ giɔɔrɔn nɛ. Ka nyan kakaarɛbaa zɛnaa ǹ ganaa wa. Ka nyan yii tì-a mà kaa kànaa wa.

Ezekieli 18:7

A mɛnɛɛ min la wa, a n giɔ̀mɔ lɛ koa ǹ màn koe giɔ̀mɔ-saali la, a wurumu biɛ wa. Bòo bɛ́ min mɛn ganaa, a n màn-bii koe bɛ la, min mɛn gɔ̀nɔn kooro bɛ́ nɛ, a n mɔnaa koe bɛ la.

Ezekieli 22:12

N kiwi kɛ nɛ Zeruzalɛmu, minin man lɛ koe ǹ lɛ pii ǹ màn si, ǹ gɛ̀ dɛ. Maǹ giɔ̀mɔ diɛ ǹ nə́ giɛ là babaraa li, maǹ mɛnɛɛ ǹ miãn la, ǹ nə́ giɛ màn li. Sɛnɛ, ǹ yiri n boe ka ma dinmaa kɛ nɛ! Ma din Dɛnaa Lawa a da ǹ boo ne.

Ezekieli 22:29

Gána lɛ a minin man kakaarɛbaa ǹ sii zɛnɛɛ, ǹ nə́ wurumu dɔ biɛ. Maǹ boe nɔmaa wolen laanka doobaan yii ni, maǹ mɛnɛɛ gùli la, haalɛ ta sonbore na a lon.

Lawa a wúlu-bɔlen 25:14

Ta min mɛn nə màn siɛ̃ ǹ miã la hinlaa á pii a lon, min kɔn nyan toa a mɛnaa ǹ miã la wa.

Lawa a wúlu-bɔlen 25:17

Min kɔn nyan toa a mɛnaa ǹ miã la wa. Bɛ lɛ n nyɛɛ, mà ka tá nyɛ́ɛbiɛ kaa Lawa nɛ. A giala, ma din Dɛnaa Lawa n kaa Lawa lɛa.

Lawa a wúlu-bɔlen 6:3

Baayɛlɛ, Lawa a wúlu-bɔle na a dí nya ǹ mɔnaa laanka bɛ̀rɛ̀ guguru sonbore kɛ wɔ. Á bɛn lɛn toa a ganaa, ǹ wúlu màn mɛn tã wúlu bɔ ǹ bǎã lɛ la, á ton baa, á bɛ goa á kaa tán wúlu bɔ ǹ bǎã lɛ genli.

Malakii 3:5

Hiĩ! Dɛnaa Lawa Pàãyiidɛnaa pɛ: – Ma á re die ka bii ni ma kiri wɔ ka ganaa. Ma á re siɛ lɛlɛ ma zɛ̀rɛ koa kɔ́lɔnbaalin-a, naarɛbaalin ni, min mɛnɛn bɛ́ ǹ ba koe ǹ lɛ kɔ ǹ bɔlɔ lɛ wa, min mɛnɛn bɛ́ mɛnɛɛ dí-nyali la a sara paǹ li, min mɛnɛn bɛ́ mɛnɛɛ lɔ giɔɔrɔ laanka nɛ toen la, hinlaa ǹ nə́ mɛnɛɛ tiin la ka min mɛn tumaa bɛ́ ǹ ba nyɛ́ɛ biɛ masɛ yii-n wa.

Matiə 20:8

Wasamiɛn nɛ, yoo waáraa bɛ́ á dɔ, á tɔ́n pɛ a dí sii yɔrɔ-bɔle ne: «Lɛ dia dí-nyalin lɛn la, n didie a saraa kɔ la, a saa da nyɔɔbaa wolen ganaa a wo bibinaa wolen yaa.»

Marki 10:19

Táa n tá Lawa a dí-pɛn lɛn doɛ̃: «N baran gɛ̀ dɛ wa, n baran naarɛbaa wa, n baran wurumubaa wa, n baran soɛ da min la wa, n baran n miãn bebele n nə ǹ koã wa, n nə n díi laanka n náa guguru kɔ.»

Luku 3:13

Á ǹ boo lɛ si kɛnɛn: «Goledɛnaa lɛ mɛn pɛ ka nɛ, ka baran n laa min-a mà a màn saraa a la bɛ-n wa.»

Tesaloniki1 4:6

Min kɔ́n baran wɔ ǹ miã lon bɛa sii lɛ gɔ́ɔ̃ nɛ, a pɛ mà a n woe ǹ miã wɔ wɔlɔ li wa. Wɔ́ pɛ ka-n lɛlɛ, wɔ́ n gɔn waa ka-n taãn-taãnɛ, wáa min mɛnɛn bɛ́ bɛa siin lɛn zɛnɛɛ, Dɛnaa á re dɔlɔ boe ǹ ganaa.

Timote1 5:18

A giala, Lawa a boo n pii mà Tɔɔ mɛn bɛ́ wii goɛ, n doamaa bie n kurəə a soɛ̃ ganaa wa. Á n pɛ dɔn mà Dí-nyali doamaa-n ka a saraa nɛ.

Zaaki 5:4

A da yaa, ka dí-nyalin mɛnɛn goa ka ǹ kaa kaa wuru dí ganaa, bɛn saraa ǹ giɔ̀mɔ á ka bɔlɔ-a. Bɛ lɛ nɛ ǹ tá n lɛ dii ka ganaa. Kaa *belee-kurulin lɛn lɛ-dɛ kaa Dɛnaa Lawa Pàãyiidɛnaa too ne.