Lawa a wúlu-bɔlen 18:29 - LAWA A BOO SONBORE

²⁹ Sɛnɛ, bɛ̀ min mɛn bɛa sii bɔbɔnɛɛ kɛ lɛ mɛn goon zɛnaa, ka ǹ dɛnaa loo, ka bɔ Izirayeli tɔrɔn bii.

LAWA A BOO SONBORE 2011

²⁹ Sɛnɛ, bɛ̀ min mɛn bɛa sii bɔbɔnɛɛ kɛ lɛ mɛn goon zɛnaa, ka ǹ dɛnaa loo, ka bɔ Izirayeli tɔrɔn bii.

Lawa a wúlu-bɔlen 18:29 ပူးပေါင်းရင်းမြစ်များ

Bɔ bɛ̀rɛbaa nɛ 12:15

Dɛnaa pɛ: «Lɛawaa sɔbaa gɔ́ɔ̃ nɛ, ka buuru sɔ̃ yɔ bù ná a ba li wa. A lɛawaa bibinaa pinaa gɔrɔ, ka yɔ bù tumaa goa ka bɔ kaa kionən ne. Min mɛn bɛ́ re yɔ bù buuru we a lɛ-n, lɛawaa bibinaa pinaa lɛ-n gɔrɔ a wo a sɔbaabaa ǹ wɔ yaa, bɛa dɛnaa á re n boe, a n bɔ Izirayeli nɛnyaanan li.

Bɔ bɛ̀rɛbaa nɛ 30:33

Min mɛn bɛ́ re nyɔɔ kɛ lɛ a zɛnaa lɛn zoɛ̃, a lɔ min kooro ganaa, ǹ tá re bɛa dɛnaa boe, ǹ bɔ ǹ dɔɔ̃nɔn bii.»

Lawa a wúlu-bɔlen 17:10

Min woo min, á n Izirayeli tɔrɔ lɛa, hinlaa á n gùli lɛa giã nɛ ǹ bii, bɛ̀ ǹ mɛn màn mà wɔ a lɛ-n, masɛ á die n bɔyɛɛ man yɔrɔ da bɛa dɛnaa la, ma loo ma bɔ Izirayeli tɔrɔn bii.

Lawa a wúlu-bɔlen 18:28

Min mɛnɛn nə goã gána lɛ-n lɛlɛ, bɛn man nə́ gána lɛ gɔgɔrɛ kɔ, bɛ lɛ nɛ, gána lɛ nə́ n bɔ ǹ li. Sɛnɛ, bɛ̀ kasɛn nə gána lɛ gɔgɔrɛ kɔ wa, gána lɛ a die n boe ǹ li ka á ke á n bɔ bɛn li lɔn wa.

Lawa a wúlu-bɔlen 18:30

Ma pɛ ka nɛ máa ka boon mɛnɛn tamaa, ka n doa ka bɛn lɛn tamaa, màn mɛn bɛ́ toɛ, ǹ goã landa bɔbɔnɛɛn mɛnɛn zɛnɛɛ gána lɛ nɛ, bɛ̀ ka bɛ́ ka tɔn daa wa, ka nyan toa ka bɛn zɛnaa wa. Ka baran gɔ̀ da ka dinin ganaa ka bɛ miã siin kɛn nɛ wa. Masɛ din Dɛnaa Lawa n kaa Lawa lɛa.

Lawa a wúlu-bɔlen 20:6

Bɛ̀ min mɛn woo gere nyín bíi boon kion, a n goon ka ǹ dɛnaa na á dì wúlu bɔ. Bɛ̀ min mɛn bɛ zɛnaa, masɛ á die n bɔyɛɛ man yɔrɔ da bɛ la, ma bɔ ma bɔ maa tɔrɔ minin bii.

Lawa a wúlu-bɔlen 7:20

Sɛnɛ, bɛ̀ min gɔ̀ toa a din ganaa, á barka da Lawa nɛ ǹ wúlu màn lɛ a siĩ sɔ̃, bɛ mɛn bɛ́ Dɛnaa Lawa wɔ lɛa, ǹ bɛa dɛnaa bɔ ǹ bɔ Izirayeli tɔrɔbaa nɛ.

Lawa a wúlu-bɔlen 7:21

Màn woo màn, gɔ̀ ná a ganaa, ta minbuiin nɛ nɛ, ta tɔɔ nɛ gɔ̀ ná a ganaa, hinlaa ta màn gɔgɔrɛ mɛn tɔrɔ nɛ, bɛ̀ min nə́ n gɔn da bɛ ganaa, á wusoo á barka da Lawa nɛ ǹ wúlu màn kɛ a siĩ sɔ̃, bɛ mɛn bɛ́ Dɛnaa Lawa wɔ lɛa, ǹ bɛa dɛnaa bɔ ǹ bɔ Izirayeli tɔrɔbaa nɛ.

Malakii 2:12

Min mɛn bɛ́ sii kɛ zɛnɛɛ miɛ̃, Lawa bɛa dɛnaa bɔ a bɔ a tɔrɔbaa nɛ a laanka a kion minin tumaa nɛ ka min mɛn dɔ bɛ́ re yii Zakɔba tɔrɔn bii, *wúlu màn sii mà a n koe Dɛnaa Lawa Pàãyiidɛnaa la.