Lawa a wúlu-bɔlen 18:27 - LAWA A BOO SONBORE

²⁷ Min mɛnɛn nə goã giã-n gána lɛ nɛ, bɛ̀ ka bɛ́ ka tɔn daa wa, bɛn man nə́ bɛa sii bɔbɔnɛɛ kɛ lɛ tumaa zɛnaa. Bɛ lɛ dɔ na á gána lɛ gɔgɔrɛ kɔ.

LAWA A BOO SONBORE 2011

²⁷ Min mɛnɛn nə goã giã-n gána lɛ nɛ, bɛ̀ ka bɛ́ ka tɔn daa wa, bɛn man nə́ bɛa sii bɔbɔnɛɛ kɛ lɛ tumaa zɛnaa. Bɛ lɛ dɔ na á gána lɛ gɔgɔrɛ kɔ.

Lawa a wúlu-bɔlen 18:27 ပူးပေါင်းရင်းမြစ်များ

Kiin1 14:24

Wo dìn la ǹ kɔrɔbaa-zɛnaalin dinin nə́ goã gána lɛ nɛ. Dɛnaa Lawa goã á tɔrɔn mɛnɛn loo á Izirayeli minin kaa ǹ bǎã nɛ, bɛn nə goã sii bɔbɔnɛɛ mɛn tumaa zɛnɛɛ, Zudaa minin lɛn dɔn nə́ goã bɛn zɛnɛɛ.

Kiin2 16:3

Sɛnɛ a na á Izirayeli kiin tɔ wɔ ǹ gɔn saa. Á wúlu din bɔ ka a nɛgiĩ ni. Dɛnaa Lawa goã á gánan mɛnɛn minin loo á ǹ bɔ ǹ bǎãn nɛ Izirayeli nɛnyaanan lɛn nyɛɛnɛ, bɛn bɛ́ sii bɔbɔnɛɛn mɛnɛn zɛnɛɛ Ahaazi dɔ n koe bɛn lɛn lɛ.

Kiin2 21:2

Sii mɛn bɛ́ baraa Dɛnaa Lawa yii li, á bɛ zɛnaa. Dɛnaa Lawa goã á tɔrɔn mɛnɛn lɛn loo á ǹ bɔ Izirayeli nɛnyaanan nyɛɛnɛ, ǹ nə́ giã ǹ bǎã nɛ, Manaasee na á goã koe bɛn sii bɔbɔnɛɛn kɛn lɛ.

KZS2 36:14

Ka bɛ dɔ nɛ, Lawa a wúlu-bɔlen nyɛɛnaandɛnan laanka zaman tumaa nə́ n bɔyaa ǹ nə́ bɔlɔgoonbaãdɛnan baa Lawa ganaa. Maǹ tɔrɔ kɔsɔn sii bɔbɔnɛɛn lɛn zoɛ̃. Lawa a kion ke Dɛnaa Lawa wɔ lɛa, Zeruzalɛmu, ǹ nə́ bɛ gɔgɔrɛ kɔ.

Ezekieli 16:50

Maǹ nə́ n dinin saa lon, sii mɛn bɛ́ bɔbɔnɛɛ ma yii li, maǹ nə́ bɛ zɛnaa. Bɛ lɛ na á toa má ǹ dɛ má ǹ bɔ kanaa ka n yii bɛ́ a ganaa lɔn.

Ezekieli 22:11

Minin man sii bɔbɔnɛɛ zɛnɛɛ kun ka ǹ miãn lɔn nɛ, min nə ǹ manaa bebele a giã kun ni woone. Min dɔ na á tan kiwi lɛ nɛ, giɛ̃ kun ka ǹ miãnɛn nɛ, a din a díi a yii lɛa.

Ozee 9:10

Ka *rezɛ̃ da nɛ bɛ́ lɔn, min yɛ don, man má Izirayeli tɔrɔn lɛn yɛ miɛ̃. Ka gɔ́rɔ da ten a nɛ bibinaa bɛ́ lɔn, man má ka digolon kɛn yɛ miɛ̃. Sɛnɛ, ǹsɛn dinin nə dɔ Baali-Pewɔɔrɔ lɔn gɔrɔ, sii mɛn bɛ́ sìi diɛ, bɛ na á goã ǹ dí lɛa. Ǹ goã dì mɛn narɛ, ǹ dininmaan nə́ bɔbɔnɛɛ kɔ ka bɛa dì kɛ lɛ bɛ́ lɔn.

Lawa a wúlu-bɔlen 18:24

Ka baran bɛa sii kɛ lɛ kɔn zɛnaa, ka gɔ̀ da ka dinin ganaa wa. A giala, ma bɛ́ tɔrɔn mɛnɛn lɛn lui ǹ boe ka nyɛɛnɛ, bɛa siin kɛn lɛn man nə́ ǹ gɔgɔrɛ kɔ.

Lawa a wúlu-bɔlen 18:26

Kasɛn Izirayeli minin lɛn, ka min mɛnɛn bɛ́ gùlin lɛa giã nɛ ka bii, ka maa landa boon laanka maa sii yɔrɔ bɔ ǹ boon kɛn tamaa. Ka nyan toa ka bɛa sii bɔbɔnɛɛ kɛ lɛ kɔn zɛnaa wa.

Lawa a wúlu-bɔlen 18:28

Min mɛnɛn nə goã gána lɛ-n lɛlɛ, bɛn man nə́ gána lɛ gɔgɔrɛ kɔ, bɛ lɛ nɛ, gána lɛ nə́ n bɔ ǹ li. Sɛnɛ, bɛ̀ kasɛn nə gána lɛ gɔgɔrɛ kɔ wa, gána lɛ a die n boe ǹ li ka á ke á n bɔ bɛn li lɔn wa.

Timəə dí-pɛn 20:18

Ka zɛnaa miɛ̃, màn mɛn bɛ́ toɛ, ǹ bɛ́ sii bɔbɔnɛɛn mɛnɛn zɛnɛɛ ǹ dìn wɔ lɛa, ǹ nyan toa ǹ ka daraa bɛn lɛn zoɛ̃ ganaa wa. Bɛ bie wa, ka n die sii liɛ kaa Lawa, Dɛnaa Lawa lɛ la.

Timəə dí-pɛn 23:18

Izirayeli minin bii, a nyan toa a yɛ nɛlɔ hinlaa nɛginin lɛa, ǹ mɛn bɛ́ n din koe wo dì la ǹ kɔrɔbaa kɛ la wa.

Timəə dí-pɛn 25:16

A giala, min mɛn tumaa bɛ́ bɛ zɛnɛɛ, min mɛn tumaa bɛ́ kɔkɔrɔbaa ǹ sii zɛnɛɛ, bɛa dɛnan tìĩ n boe-n kaa Lawa, Dɛnaa Lawa lɛ nyin ni.

Timəə dí-pɛn 27:15

Bɛ̀ min mɛn gɔn sɛlɛ màn nyín lɛa, hinlaa a na á fɔlɔ yo á baa dì lɛa, á n die a guguru koe ka durii ni, bɔ̀n na á bɛa dɛnaa yɛ! Bɛa mànan kɛn lɛn minbuiin nɛ nə́ ǹ zɛnaa ka a din gɔn nɛ, ǹ sii a kɔɔ̃n Dɛnaa Lawa ganaa wa. Bɛ kio, zaman lɛ tumaa nə ǹ lɛ si, ǹ pɛ: «A n miɛ̃!»