Lawa a wúlu-bɔlen 18:25 - LAWA A BOO SONBORE

²⁵ Gána lɛ din gɔgɔrɛ kɔ. Má a sii baraa a dɔlɔ bɔ a ganaa. Bɛ lɛ n ke, gána lɛ nə́ n bɔ a minin li.

LAWA A BOO SONBORE 2011

²⁵ Gána lɛ din gɔgɔrɛ kɔ. Má a sii baraa a dɔlɔ bɔ a ganaa. Bɛ lɛ n ke, gána lɛ nə́ n bɔ a minin li.

Lawa a wúlu-bɔlen 18:25 ပူးပေါင်းရင်းမြစ်များ

Kiin1 21:26

Akaabu dí bɔbɔnɛɛ nya, á dìn guguru kɔ ka Amɔɔrɔ tɔrɔn kɛn bɛ́ lɔn Dɛnaa Lawa goã á ǹ loo Izirayeli minin nyɛɛnɛ, ǹ nə́ giã ǹ bǎã nɛ.

Ɛsidrasi 9:11

A giala, n dí-nyalin kɛn, n boo gii diɛ, bɛn nə n gɔn waa ǹ boon mɛnɛn pɛ wɔ nɛ, wɔ́ n piã ka bɛn nɛ. N nə n goã pii wɔ-n kɛnɛn: «Gána ke, ka n die we a nɛ, ka n die biɛ kaa wɔ lɛa, a minin sii baraan man ná a gɔgɔrɛ kɔ, ǹ nə́ sii bɔbɔnɛɛn zɛnaa ǹ gɔgɔrɛbaa lɛ gɔ́ɔ̃ nɛ, ǹ ná a gɔ́ɔ̃ yii pã nɛ.

Loen 106:38

Ǹ nə́ zɛ̀rɛbaa᷉naan mà kaa, ǹ nɛgiĩn laanka ǹ nɛlɔn kɛn lɛn mà kɛ lɛ. Ǹ dinin man nə́ bɛa nɛnyaanan lɛn dɛ wúlu mànan lɛa, Kanaan gána a dìn ganaa. Ǹ nə́ gána lɛ tii ka bɛa mà damata kɛ nɛ.

Loen 89:32

bɛ̀ ǹ nə́ maa gɔn waaman boon kɛn tii, ǹ nə́ ǹ ba maa dí-pɛn kɛn tamaɛ wa,

Izayii 24:5

Sonbore, minbuiinin nə́ *gɔ̀ da tán ganaa. Ǹ nə́ Dɛnaa Lawa bɔlɔ tii. Ǹ nə n too kɔ a dí-pɛn li wa. Ǹ ná a landa boon puusə kɔ. Lɛ kɔ kɔn la mɛn bɛ́ duduu wɔ lɛa ǹ doɛ kɔn ka Dɛnaa Lawa nɛ, ǹ nə́ bɛ ziziɛ̃.

Izayii 26:21

A giala, á ke, Dɛnaa Lawa soo kion. A n die dɔlɔ boe minbuiin nɛn ganaa, ǹ sãn taman yii. Mà mɛn kaa, tán tá re toɛ bɛ yɛ. Ǹ min mɛnɛn dɛ, a re bɛn duri doo wa.

Zeremii 14:10

Dɛnaa Lawa bɛ́ boo mɛn diɛ zaman lɛ nɛ, á ke: «Hiĩ, minin kɛn man baa sii paǹ yii li ǹ dinin gɔn wìi á lɛ-a. Bɛ lɛ n kɔɔ̃nɛ ǹ dinin ganaa.» Sɛnɛ, bɛa Dɛnaa Lawa foo sii lɛa wa. Kanna kəni, a yiri á re gisĩ ǹ siɛ̃n nɛ, á re ǹ sii baraa a dɔlɔ boe ǹ ganaa.

Zeremii 16:18

Ma á re ǹ kiɛ ǹ gɛ̀-dɛ ǹ giɔ̀mɔ lɛ laanka ǹ sãn lɛn saraa a laman paa saraa ganaa. A giala, ǹ nə́ *gɔ̀ da maa gána lɛ ganaa ka ǹ màn nyín gere bɔbɔnɛɛn kɛn nɛ. Gána mɛn bɛ má bɔ má koa maa wɔ lɛa, ǹ nə́ bɛ pã ka màn bɔbɔnɛɛn nɛ.»

Zeremii 2:7

Má ka kaa gána sonbore ne, máa ka là yɛ a da nɛ ganaa, ka a gɔ́ɔ̃gɔ́ɔ̃ ǹ mànan dɔn nɛ. Sɛnɛ, kaa daa li, ká a gɔgɔrɛ kɔ. A na á goã ma din wɔ lɛa, sɛnɛ ka baa màn bɔbɔnɛɛ lɛa.

Zeremii 23:2

Bɛ lɛ nɛ, Dɛnaa Lawa, Izirayeli a Lawa n boo kɛ diɛ ǹ paǹ li: – Ka maa tɔɔn toa ǹ nə́ woo paǹ yii li, ka maa sèren loo, ka ga ǹ walan wa. Á bǐɛ̃ kɔ! Ka sii baraa mɛn tumaa zɛnaa, ma á re yui ka gialaa bɛn taman yii. Masɛ Dɛnaa Lawa a da ǹ boo ne.

Zeremii 5:29

Dɛnaa Lawa a da ǹ boo á ke: Ma kɔnbɔ ma yoo minin kɛn gialaa wa? Ma doamaa bie ma maa gɛ̀ dòo bɔ tɔrɔ kɛ miã ganaa wa?

Zeremii 5:9

Dɛnaa Lawa a da ǹ boo á ke: Ma kɔnbɔ ma yoo minin kɛn gialaa wa? Ma doamaa bie ma maa gɛ̀ dòo bɔ tɔrɔ kɛ miã ganaa wa?

Zeremii 9:9

Kelen mìi ni, man wuu pii, má n gini. Man gɛ̀ loe loe gána lɛ a tɔɔn lɛduə̃ ǹ bǎã nɛ. A giala, tɛ ná a tumaa kũ. Min kɔn ba boe walan wa. Tɔɔn bìn diɛ á boe walan doo wa. Ǹ tumaa sasawaa, bàanan nɛ ka tɔɔ gialakunun tumaa nɛ, ǹ goon din banban.

Ozee 2:13

Ma á re a foo kɔɔ̃nbaa ǹ siin kɛn tumaa sàabiɛ: A zɔ́nɔn nɛ, a mui dii zɔ́nɔn nɛ ka a susu ǹ piin ni, ka lɛsɔkɔn kɛn tumaa nɛ á ǹ zɛnɛɛ.

Ozee 8:13

Maǹ wúlu boe ma ganaa ka tɔɔn nɛ, ǹ siĩ soɛ̃ á lɛa. Sɛnɛ, masɛ Dɛnaa Lawa a lɛ koe ǹ wúlu mànan lɛn ganaa wa. Sisia, ma yiri a boe ka ǹ sã ǹ siin kɛn nɛ wa, ma nə ǹ sii baraan kɛn nimii. Ǹ doamaa nɛ, ǹ wusoo ǹ wo Ezipti.

Ozee 9:9

Ká dɔ baraabaa lɛ a dù ni, ka Gibeya wɔ kɛ bɛ́ lɔn lɛlɛ. Lawa yiri a die boe ka kaa baraabaa ǹ siin kɛn nɛ wa, á die kaa sii baraan lɛn dɔlɔ boe ka ganaa.

Lawa a wúlu-bɔlen 18:26

Kasɛn Izirayeli minin lɛn, ka min mɛnɛn bɛ́ gùlin lɛa giã nɛ ka bii, ka maa landa boon laanka maa sii yɔrɔ bɔ ǹ boon kɛn tamaa. Ka nyan toa ka bɛa sii bɔbɔnɛɛ kɛ lɛ kɔn zɛnaa wa.

Lawa a wúlu-bɔlen 18:28

Min mɛnɛn nə goã gána lɛ-n lɛlɛ, bɛn man nə́ gána lɛ gɔgɔrɛ kɔ, bɛ lɛ nɛ, gána lɛ nə́ n bɔ ǹ li. Sɛnɛ, bɛ̀ kasɛn nə gána lɛ gɔgɔrɛ kɔ wa, gána lɛ a die n boe ǹ li ka á ke á n bɔ bɛn li lɔn wa.

Rɔmu minin 8:22

Sonbore, wɔ á doɛ̃ wáa kanaa màn din tumaa nɔmaamaa nɛ kanna, ǹ nə́ gini ka lɔ nɔɔrɔ-kɔle bɛ́ lɔn.

Timəə dí-pɛn 18:12

A giala, min mɛn tumaa bɛ́ bɛa siin kɛn lɛn zɛnɛɛ, ǹ tìĩ n boe-n Dɛnaa Lawa nyin ni. Bɛa sii bɔbɔnɛɛn lɛn lɛa nɛ, kaa Lawa, Dɛnaa Lawa tá re tɔrɔ kɔsɔn lɛn lui a ǹ bɔ ka nyɛɛnɛ.

Timəə dí-pɛn 21:23

ka nyan toa a gere lɛ lɛ̀ waa da lɛ ganaa wa. Ka doamaa-n ka bĩ a din pinaa. A giala, bɛ̀ ǹ nə́ min dɔ gere lɔɔ lon miɛ̃, Lawa na á koe bɔ bɛa dɛnaa ganaa. Bɛ lɛ nɛ, kaa Lawa, Dɛnaa Lawa bɛ́ gána mɛn lɛ koe ka la mà a kaa wɔ baa, ka nyan toa ka a tán zaãbaa wa.

Timəə dí-pɛn 9:5

Kaa peperebaa laanka kaa gɔ́ɔ̃ fubaa bie re toɛ, ka wɔ ǹ gána lɛ nɛ, ka si ka baa kaa wɔ lɛa wa. Sɛnɛ, bɛa tɔrɔn kɛn lɛn dinin baraabaa n die toɛ, kaa Lawa, Dɛnaa Lawa nə ǹ loo a ǹ bɔ ka nyɛɛnɛ. A n die bɛ zɛnɛɛ dɔn, màn mɛn bɛ́ toɛ, a na a lɛ kɔ ǹ boo lɛ pã ka digolon wɔ paǹ li: Abrahamu laanka Izaaki ni, ka Zakɔba nɛ.