Lawa a wúlu-bɔlen 16:18 - LAWA A BOO SONBORE

¹⁸ Wúlu bɔ ǹ bǎã mɛn lɛ á ke kɔn yɛ ka Dɛnaa Lawa nɛ ǹ kion lɛ yɔrɔ-a, a wusoo a da walan, a gɔ̀ bɔma-a ǹ landa zɛnaa bɛ dɔ a lɛa. A dii gɔ̀lɔ̀ lɛ laanka butumu lɛ mà saa, a kaa wúlu bɔ ǹ bǎã kɛ a bìbìn ganaa, a gùrùn ganaa.

LAWA A BOO SONBORE 2011

¹⁸ Wúlu bɔ ǹ bǎã mɛn lɛ á ke kɔn yɛ ka Dɛnaa Lawa nɛ ǹ kion lɛ yɔrɔ-a, a wusoo a da walan, a gɔ̀ bɔma-a ǹ landa zɛnaa bɛ dɔ a lɛa. A dii gɔ̀lɔ̀ lɛ laanka butumu lɛ mà saa, a kaa wúlu bɔ ǹ bǎã kɛ a bìbìn ganaa, a gùrùn ganaa.

Lawa a wúlu-bɔlen 16:18 ပူးပေါင်းရင်းမြစ်များ

Bɔ bɛ̀rɛbaa nɛ 30:10

Gunyin goon lɛ̀ goon gɔ́ɔ̃ nɛ, Aarɔn die a *gɔ̀ bɔ a ganaa, a na a yoreen kɔ. Bɛ̀ á tɔɔ mɛn dii sii baraan toa ǹ wúlu màn lɛa, a die a bɛ mà lɔ bǎã lɛ a bìbìn kɛn ganaa. Bɛa sii lɛ nə n zɛnaa lɛ̀ woo lɛ̀, yǎa duduu. Màn gìĩ kɔɔ̃n tã ǹ bǎã kɛ lɛ n die goɛ̃ masɛ wɔ lɛa, a n die goɛ̃ bǎã sonbore lɛa.»

Ezekieli 43:20

N die n dii gɔ̀lɔ̀ lɛ mà saa, n lɔ wúlu bɔ ǹ bǎã lɛ a kara sii lɛ ganaa, n lɔ a kìri-diɛ paabaa ǹ wɔ kɛa gùrù sii ganaa, ka màn kɛ dɔ nɛ ǹ nə́ dɔ a lɛgon li, ǹ ná a lɛnpɛnɛ nɛ. A zɛnaa miɛ̃ n *gɔ̀ bɔ wúlu bɔ ǹ bǎã lɛ ganaa, n koa Lawa nɛ.

Ezekieli 43:22

«A lɛawaa paabaa ǹ wɔ pinaa, n die n ga butumu li, wɔ̀lɔ̀ ná a ba a ganaa wa. Ǹ die ǹ sii baraa sawaa ǹ wúlu bɔ ka bɛ nɛ wúlu bɔ ǹ bǎã lɛ lalan, ǹ na a *yoreen kɔ ka ǹ bɛ́ ǹ nə́ zɛnaa ka dii gɔ̀lɔ̀ lɛ-n lɔn.

Ezekieli 45:19

Ka bɛ́ re tɔɔ mɛn lɛ dii sii baraa sawaa ǹ wɔ lɛa, Lawa a wúlu-bɔle bɛ lɛ a mà saa, a ǹ kɔn lɔ Lawa a kion lɛ a kiɛnlɛn ganaa, a ǹ kɔn lɔ *wúlu bɔ ǹ bǎã kɛa giala wɔ ǹ bǎã gùrù sii ganaa, a ǹ kɔn lɔ sumu gɔ́ɔ̃ a kiɛnlɛ kɛ dɔ ganaa.

Lawa a wúlu-bɔlen 16:16

A *gɔ̀ bɔma-a ǹ landa zɛnaa bǎã sonbore sonbore kɛ a lɛa, a Izirayeli minin Lawa bɔlɔ tii siin kɛn gɔ̀ bɔ a bɔ ǹ ganaa. Bɛ giala, mà ǹ siin baraan lɛn tumaa. Kɔn yɛ ka Lawa nɛ ǹ kion mɛn bɛ́ bɛa gɔ̀dɛnan kɛn lɛn bii, ǹ na a din sii goon lɛ zɛnaa bɛ dɔ a lɛa.

Lawa a wúlu-bɔlen 16:17

Bɛ̀ Aarɔn tá we kɔn yɛ ǹ kion kɛ nɛ ǹ mɛn waáraa, a n woe sii baraa sawaa ǹ wúlu boe bǎã sonbore sonbore kɛ nɛ, min kɔn doamaa bie a goã walan wa, yǎa Aarɔn soe. A sii baraa sawaa ǹ wúlu bɔ a din a lɛa, a kion minin lɛa, Izirayeli zaman tumaa a lɛa.

Lawa a wúlu-bɔlen 4:18

Wúlu bɔ ǹ bǎã mɛn bɛ́ kɔn yɛ ǹ kion lɛ nɛ, Dɛnaa Lawa yɔrɔ-a, a mà lɛ kɔn lɔ bɛ dɔ a bìbìn ganaa. Dii mà lɛ a gialakun kɛ tumaa, a wo bɛ kaa tán wúlu bɔ ǹ bǎã lɛ genli, ǹ mɛn lɛ bɛ́ kɔn yɛ ka Lawa nɛ ǹ kion lɛ a kiɛnlɛ-a.

Lawa a wúlu-bɔlen 4:25

Wúlu-bɔle lɛ goon nə n gòon sã bɛa tɔɔ lɛ a mà li, á lɔ wúlu bɔ ǹ bǎã kɛ karan ganaa. Bɛ kio, a tɔn mà lɛ a gialakun kɛ kaa tán wúlu bɔ ǹ bǎã lɛ genli.

Lawa a wúlu-bɔlen 4:7

Da yon gìĩ kɔɔ̃n tã ǹ bǎã mɛn dɔ bɛ́ kɔn yɛ ǹ kion kɛ nɛ, Dɛnaa Lawa yɔrɔ-a, a mà lɛ kɔn lɔ bɛ dɔ a karan ganaa. Dii mà lɛ a gialakun kɛ tumaa, a wo bɛ kaa tán wúlu màn tã ǹ bǎã kɛ genli, ǹ mɛn lɛ bɛ́ kɔn yɛ ka Lawa nɛ ǹ kion lɛ a kiɛnlɛ-a.

Minin nimi 28:22

Ka bɛ dɔ nɛ, ka butumu goon bɔ sii baraa sawaa ǹ wúlu màn lɛa, ka sii baraa sawaa ǹ sii zɛnaa ka ganaa nɛ.

Zaã a sɛ́wɔ 17:19

Ma dinmaa nə n din koe n la lenlen ǹ lɛa, màn mɛn bɛ́ toɛ, ǹ dɔn nə goã n wɔn lɛa lenlen ka n sonbore boo lɛ barka nɛ.

Ebrəə 2:11

A giala, Yezu mɛn bɛ́ *gɔ̀ boe minin-a, ka minin mɛnɛn bɛ́ gɔ̀ nə́ n bɔ ǹ ganaa, bɛn tumaa n boe Díi goon ne. Bɛ lɛ na á toa, a ba sìi lɛa Yezu lɛ ganaa, a kɛn lɛn bíi mà asɛ dɔɔ̃nɔn wa.