Lawa a wúlu-bɔlen 14:3 - LAWA A BOO SONBORE

³ a soo a n bɔ Izirayeli minin giã ǹ bǎã kɛ nɛ, a ga a ganaa. Bɛ̀ wúlu-bɔle lɛ yɛ, mà bɛa dɛnaa a gɔ̀nɔn ki busu babaraa lɛ nya á n bɔ a ganaa,

LAWA A BOO SONBORE 2011

³ a soo a n bɔ Izirayeli minin giã ǹ bǎã kɛ nɛ, a ga a ganaa. Bɛ̀ wúlu-bɔle lɛ yɛ, mà bɛa dɛnaa a gɔ̀nɔn ki busu babaraa lɛ nya á n bɔ a ganaa,

Lawa a wúlu-bɔlen 14:3 ပူးပေါင်းရင်းမြစ်များ

Kiin2 5:14

Naaman tɔ́n kiɛ̃ á woo Zurdɛ̃ tà lɛ lɛ-a, á n yii sã Zurdɛ̃ tà mu lɛ li gunyin sɔbaa, ka Lawa a min lɛ goã á da lɔn. Naaman yoreen kɔ, a gɔ̀nɔn nə́ n baa ka nɛnyaan boɛɛn gɔ̀nɔn nɛ.

Kiin2 5:3

Ǹ kɔn pinaa, nɛlɔ lɛ pɛ a dɛnaalɔ lɛ-n kɛnɛn: «Á ke, bɛ̀ maa dɛnaagiĩ lɛ n boe la ke a wo Lawa a boo gii-dali kɛ li Samarii kiwi, a na a gɔ̀nɔn ki busu babaraa kɛ nyɛɛ a bɔ a ganaa.»

Zɔbu 5:18

A giala, a din nə min dii a mà bɔ-a, sɛnɛ a din nə wusii a na a busulɛ nya. A din nə busu diɛ min ganaa, a din wusoo a nya.

Bɔ bɛ̀rɛbaa nɛ 15:26

Á pɛ ǹ nɛ: «Bɛ̀ ka ma lɛ si taãn-taãnɛ, ma din mɛn bɛ́ kaa Dɛnaa lɛa, sii mɛn bɛ́ pepere ma gɔn, bɛ̀ ka bɛ zɛnaa, ka n too kɔ maa dí-pɛn ganaa, ka ǹ zɛnaa, haya, ma a re dɔlɔ boe ka ganaa ka busun kɛn nɛ wa. Ma bɛ́ má busun mɛnɛn da Ezipti minin ganaa dɔlɔ lɛa ke lɛn. Sonbore, ma din nə Dɛnaa Lawa lɛ lɛa kaa busu nyɛɛ.»

Lawa a wúlu-bɔlen 13:2

Bɛ̀ min gɔ̀nɔn paǹ kɔn na á yoo, bɛ̀ á kokore, hinlaa ta a na á n kurəə á fulu, bɛ̀ á gɔ̀nɔn ki busu babaraa kɛ baa ǹ dɛnaa ganaa, ka wo ka ǹ dɛnaa nɛ Lawa a wúlu-bɔle Aarɔn li, hinlaa a tɔrɔ wúlu-bɔlen kɛn goon li.

Lawa a wúlu-bɔlen 13:46

Bɛ̀ bɛa busu lɛ tá min mɛn ganaa sɛn, ǹ dɛnaa n goɛ̃ gɔ̀dɛnaa lɛa miɛ̃, yǎa busu lɛ nyɛɛ. Ǹ dɛnaa doamaa nɛ a giã a gɔrɔn, giã ǹ bǎã kɛ kio.

Lawa a wúlu-bɔlen 14:48

Sɛnɛ, bɛ̀ wúlu-bɔle lɛ ga kion lɛ ganaa, bɛ̀ màn mɛ sulii bǎã lɛ li kion lɛ a wusoo a tɔrɛɛ kio wa, wúlu-bɔle lɛ pɛ mà kion lɛ á yoreene. A giala, sulii bǎã lɛ nya á n bɔ a ganaa.

Matiə 10:8

Ka busulən busu nya, ka geren yii kaa, ka gɔ̀nɔn busu babaraa dɛnan busu nya, ka nɔ̀ɔnɔn loo ka ǹ bɔ minin ganaa. Ka n ka yɛ kooro, ka dɔn nə kɔ kooro.

Matiə 11:5

Yii tere-an yii n wɔlɔ yii, bɔlɔkan man tɔ we, gɔ̀nɔn busu babaraa dɛnan busu n nyɛɛ, too tere-an man boo miɛ, geren yii n kiɛ, Boo Tii Kɔɔ̃n nə n pii doobaan manɛ.

Luku 4:27

Lawa a boo gii-dali Yiliizee a wasa nɛ, gɔ̀nɔn busu babaraa dɛnaa gigiã goã Izirayeli gána nɛ, sɛnɛ, bɛn kɔ́n a busu nya wa, yǎa Naaman mɛn bɛ́ Siirii gána min lɛa.

Luku 7:22

Á tɔ́n pɛ dia dí-a wolen lɛn manɛ: «Ka woo, ka yii bɛ́ á màn mɛn yɛ, ka too bɛ́ á ǹ mɛn ma, ka bɛ lɛ pɛ ZAÃ nɛ. Yii tere-an yii wusoo á wɔlɔ yii, siməə wolen tá tɔ we tele ne, gɔ̀nɔn busu babaraa dɛnan nə́ kaka kɔ ǹ sìi nya, too tere-an too á boo miɛ, geren yii á kiɛ. Ka pɛ-n dɔn mà Lawa a Boo Tii Kɔɔ̃n kɛ tá n pii doobaan manɛ.»