Lawa a wúlu-bɔlen 14:22 - LAWA A BOO SONBORE

²² A wuruun paa hinlaa zɛ̀rɛkantoa màn paa kũ, ǹ mɛn a wɔrɔ bɛ́ boe la á yii a gɔn. A goon baa sii baraa sawaa ǹ wúlu màn lɛa, a goon baa wúlu màn tiɛ̃ lɛa.

LAWA A BOO SONBORE 2011

²² A wuruun paa hinlaa zɛ̀rɛkantoa màn paa kũ, ǹ mɛn a wɔrɔ bɛ́ boe la á yii a gɔn. A goon baa sii baraa sawaa ǹ wúlu màn lɛa, a goon baa wúlu màn tiɛ̃ lɛa.

Lawa a wúlu-bɔlen 14:22 ပူးပေါင်းရင်းမြစ်များ

Loen 68:13

Ǹ nə́ pɛ: Maǹ baa sii. KIIN laanka zia-baalin man baa sii, ǹ si. Lɔn mɛnɛn nə goã piɛ, bɛn man kion màn sonboren kɛn goɛ zia mànan lɛa.

Loe kɔɔ̃n kɔɔ̃n 2:14

Maa paa ǹ wɔ, nsɛ mɛn bɛ́ ka zɛrɛkantoan nə gɛ̀fu yala-n, durii-n kele kɔ́sɔ nɛ, da bɔ, ma n yɛ, da bɔ, ma n bɔlɔ ma. A giala n lɛn gɔ́ɔ̃ lɛ á kɔɔ̃nɛ, n yɔrɔ dɔ á siĩn parɛ.»

Izayii 38:14

Maa lɛ-dɛ n goon ka leere bàan a lɛ baa nɛ. Maa purii n goon ka kɔlɔ wɔ nɛ. Má nɔmaa ka ga lon ganaa nɛ. Dɛnaa, ma gù gã. N dɔ ma lɛ.

Izayii 59:11

Wɔ tumaa n lɛ biɛ ka don màn babaraa bɛ́ lɔn. Wɔ n gini ka zɛrɛkatoãnən bɛ́ lɔn. Wɔ nə n yii diɛ sonborebaa la, sɛnɛ, màn kɔn. Wɔ nə n yii diɛ kirisibaa la sɛnɛ, a nə n wɔlɔ lui wɔ ganaa.

Zeremii 48:28

Moabu minin, ka soo ka n bɔ kaa kiwin ni, ka wo giã kele yalan nɛ. Ka n dinin baa ka don zɛrɛkatoan bɛ́ lɔn, a kii n kele yalan nɛ, nyankɔrɔ zuzulu mìi la.

Ezekieli 7:16

Min mɛnɛn bɛ́ re liɛ, bɛn tá re baa sii ǹ wo kelen la. Ǹ tá re puri ka kɔlɔn bɛ́ lɔn, ǹ sii baraa taman yii.

Lawa a wúlu-bɔlen 14:21

Bɛ̀ màn ba ǹ dɛnaa gɔn, á n boe la á n doe bɛa mànan kɛn lɛn tumaa ganaa wa, a sère nɛ gɔ̀lɔ̀n goon kũ. Ǹ bɛa sère nɛ lɛ a kɔ Lawa la ǹ sii zɛnaa, ǹ baa zɛ̀rɛ si Lawa la ǹ wúlu màn lɛa, màn mɛn bɛ́ toɛ ǹ gɔ̀ bɔma-a ǹ landa zɛnaa bɛa dɛnaa lɛ a lɛa. A wùsu sonbore kilo sɔɔ dinsɔɔ̃ yia ka nyɔɔ nɛ, Lawa gɔ ǹ wɔ lɛa, a bɛ dɔ saa, ka nyɔɔ litiri talɛɛ nɛ.

Lawa a wúlu-bɔlen 14:24

Wúlu-bɔle lɛ zɛ̀rɛ si Lawa la ǹ sère nɛ lɛ kũ, a nyɔɔ litiri talɛɛ lɛ dɔ saa. A ǹ kɔ Lawa la ǹ sii zɛnaa Dɛnaa Lawa yɔrɔ-a.

Lawa a wúlu-bɔlen 15:14

Lɛawaa kiwisibaa ǹ wɔ pinaa, a wuruun màn paa hinlaa zɛrɛkantoan màn paa kũ, a da ǹ kɔ Lawa a wúlu-bɔle la, kɔn yɛ ǹ kion kɛ a kiɛnlɛ-a, Dɛnaa Lawa yɔrɔ-a.

Lawa a wúlu-bɔlen 5:7

Bɛ̀ min mɛn ba boe la, á n doe sère hinlaa bòe ganaa á n koe a sii baraa sawaa ǹ wúlu màn lɛ a wa, á boe la a da wuruun màn paa hinlaa zɛrɛkantoan màn paa kɔ Dɛnaa Lawa la. Goon na a sii baraa sawaa ǹ wúlu màn baa, goon kɛ wúlu màn tiɛ̃ baa.

Minin nimi 6:10

A lɛawaa kiwisibaa ǹ wɔ pinaa, a doamaa nɛ, a da wuruun màn paa hinlaa zɛrɛkantoan ten màn paa kɔ Lawa a wúlu-bɔle la, kɔn yɛ ka Lawa nɛ ǹ kion kɛ a kiɛnlɛ-a.