Lawa a wúlu-bɔlen 13:46 - LAWA A BOO SONBORE

⁴⁶ Bɛ̀ bɛa busu lɛ tá min mɛn ganaa sɛn, ǹ dɛnaa n goɛ̃ gɔ̀dɛnaa lɛa miɛ̃, yǎa busu lɛ nyɛɛ. Ǹ dɛnaa doamaa nɛ a giã a gɔrɔn, giã ǹ bǎã kɛ kio.

LAWA A BOO SONBORE 2011

⁴⁶ Bɛ̀ bɛa busu lɛ tá min mɛn ganaa sɛn, ǹ dɛnaa n goɛ̃ gɔ̀dɛnaa lɛa miɛ̃, yǎa busu lɛ nyɛɛ. Ǹ dɛnaa doamaa nɛ a giã a gɔrɔn, giã ǹ bǎã kɛ kio.

Lawa a wúlu-bɔlen 13:46 ပူးပေါင်းရင်းမြစ်များ

Samayeli2 3:29

A gɛ̀ lɛ a koen nə kũ Zoabu din laanka a kion minin tumaa mìi ni. Giulun a nyiǹ bɔ ǹ busudɛnan laanka gɔ̀nɔn ki busu babaraa dɛnan baran nya Zoabu a kion duduu wa. Giĩn die ǹ yɛ a kion biikoo tumaa li, ǹ nə́ boe lɔn dí dinsɔɔ̃ la. Minin die ǹ yɛ a kion biikoo tumaa li, ǹ nə́ bɛn dii zia la, kɛn nə́ foɛ̃ màn-bii li.»

Kiin2 15:5

Dɛnaa Lawa gɔ̀nɔn ki busu babaraa da kii lɛ-a, á nɔmaa á giã a gɔrɔn kion goon ne. A na á goã gɔ̀nɔn ki busu babaraadɛnaa lɛa, yǎa á woo kaa a gɛ̀ pinaa lɛ. Zoatamu mɛn nə́ ke kii a nɛgiĩ lɛa, bɛ na á goã kii a sumu laanka zaman lɛ mìi la.

Kiin2 7:3

Gɔ̀nɔn ki busu babaraadɛnaa min sii kɔn goã kiwi lɛ a kiɛnlɛ-a, bɛn nə́ pɛ kɔn nɛ: «Wɔsɛn nə giã kànaa wɔ n yii da gɛ̀ la? Wàa na á baa?

KZS2 26:21

Kii Oziasi na á goã baàlaa lɛa miɛ̃ yǎa á gã. Gɔ̀nɔn ki busu babaraa lɛ taman yii, a doamaa nɛ a giã kion tiãlɛa. A kɔnbɔ a wusoo a da Dɛnaa Lawa a kion kɛ-n doo wa. A nɛgiĩ Zoatamu n kii kion lɛ a siin yɔrɔ boe, a n gána lɛ a zaman mìi la.

Suusun 30:12

«Min tɛnɛn man taasɛ mà sɔ̀n ba ǹsɛn ganaa wa, a da yaa ǹ gɔ̀ pii ǹ nə́ bɔ ǹ dinin ganaa wa.

Busii pɛ 1:1

Ebe! Ǹ nə́ n la bɔ a ganaa kəni, kiwi ke, piɛ̃ nɛ ka minbuiin ni lɛlɛ. A n ka lɔ giɔɔrɔ bɛ́ lɔn, asɛ mɛn goã a yii n guguru, tɔrɔn bii lɛlɛ. Asɛ mɛn goã gánan mìi la, sisia, á ke bɛ̀rɛbaa ǹ dí nyɛɛ.

Busii pɛ 1:8

Á ke: Zeruzalɛmu sii baraa gole zɛnaa, á *gɔ̀ da a din ganaa. Min mɛnɛn nə goã a guguru koe, bɛn man pɔpɔsɛ. A giala, ǹ yii na a tontoro ganaa. Asɛ nə n bɔyɛɛ n dɔ̀ɔ̃ we, a n gini.

Busii pɛ 4:15

Bɛ̀ ǹ tá die, maǹ parɛɛ ǹ li: «Ka n tá ka n bɔ kànaa, *gɔ̀ tá ka ganaa! Ka n tá ka n bɔ kànaa! Ka nyan nə n gɔn da wɔ ganaa wa!» Maǹ baa sii, woo ǹ bǎã ná a ba ǹ la wa. Sɛnɛ, tɔrɔ kɔsɔn man pii: «Ǹ ba boe la ǹ giã wɔsɛn li wa.»

Lawa a wúlu-bɔlen 13:47

Bɛ̀ mɔnaa sulu, sère ka mɔnaa nɛ hinlaa boosa mɔnaa nɛ,

Lawa a wúlu-bɔlen 14:3

a soo a n bɔ Izirayeli minin giã ǹ bǎã kɛ nɛ, a ga a ganaa. Bɛ̀ wúlu-bɔle lɛ yɛ, mà bɛa dɛnaa a gɔ̀nɔn ki busu babaraa lɛ nya á n bɔ a ganaa,

Lawa a wúlu-bɔlen 23:29

Bɛ̀ min mɛn nə́ n piã sɛn, a ná a n lɛ sɔɔ bɛa lɛawaa kɛ lɛ miã li wa, ka bɛa dɛnaa bɔ ka bɔ kun ka a tɔrɔ minin ni.

Luku 17:12

Á wɔ kiwi goon ne yǎa gɔ̀nɔn busu babaraa dɛnaa fù da n da lɛ. Ǹ nə́ n toa tiãlɛa,

Korɛnti1 5:5

ka bɛa dɛnaa kɛ lɛ kɔ *Sɛtaan la, a na a gɔ̀nɔn siĩ ziziɛ̃, ń giɛ a telenboen tá kirisibiɛ Dɛnaa a lɛawaa pinaa.

Tesaloniki2 3:14

Wɔ bɛ́ boo mɛn pii sɛ́wɔ kɛ nɛ, bɛ̀ min mɛn ba sii wa, ka n yiri koa bɛa dɛnaa li, ka baran n mɔrɔ a ganaa duduu wa, màn mɛn bɛ́ toɛ, sìi kũ.

Tesaloniki2 3:6

Dɔɔ̃nɔn lɛn, min mɛnɛn bɛ́ ǹ ba woe sii yɔrɔ li wa, wɔ doroon mɛnɛn kɔ ka la, ǹ nə́ ǹ ba tɔ we á kɔnpii ka bɛn nɛ wa, wɔ ǹ pii wɔ á laɛ ka ganaa ka wɔa Dɛnaa Yezu Krita tɔ nɛ, wáa ka n wɔlɔ lui bɛn ganaa.

Timote1 6:5

ka liere bibiɛn nɛ. Ǹ yiri tumaa ziziɛ̃, ǹ ba sonbore doɛ̃ doo wa. Maǹ taasɛ mà golee Lawa li lɛ n ga màn li ǹ sii lɛa.

Sii-nyaan 21:27

Màn mɛn tumaa bɛ́ *gɔ̀ lɛa, bɛ kɔ́n ba we kiwi kɛ-n wa, min gɛsɛ a we wa, soɛ-bɔle dɔ a we wa. Sɛnɛ, min mɛnɛn tɔ bɛ́ kiɛ̃-n Sère Nɛ a yiikoonaabaa ǹ sɛ́wɔ kɛ nɛ, bɛn dininsɔɔ̃nɔn man we kiwi lɛ nɛ.

Sii-nyaan 22:15

Sɛnɛ, min baraan nɛ, minin yiri sã ǹ dagòã-bɔlen ne, min gɛsɛn nɛ, gɛ̀-dɛlen ne, dì wúlu-bɔlen ne, ka min mɛnɛn tumaa bɛ́ soɛ-bɔ narɛ, ǹ ná a sii zɛnɛɛ, bɛn kɔ́n ba re we kiwi lɛ gɔ́ɔ̃-n wa.