Lawa a wúlu-bɔlen 11:45 - LAWA A BOO SONBORE

⁴⁵ A giala, ma din Dɛnaa Lawa n ma ka waa má ka bɔ Ezipti gána nɛ, màn mɛn bɛ́ toɛ, ma kaa Lawa baa. Bɛ lɛ taman yii, ka doamaa nɛ ka goã masɛ wɔbaa nɛ, a giala, man yoreene.

LAWA A BOO SONBORE 2011

⁴⁵ A giala, ma din Dɛnaa Lawa n ma ka waa má ka bɔ Ezipti gána nɛ, màn mɛn bɛ́ toɛ, ma kaa Lawa baa. Bɛ lɛ taman yii, ka doamaa nɛ ka goã masɛ wɔbaa nɛ, a giala, man yoreene.

Lawa a wúlu-bɔlen 11:45 ပူးပေါင်းရင်းမြစ်များ

Siin Giala 17:7

Ma lɛ kɔ kɔn la mɛn wɔ ka n nɛ, masɛ a re n lɛ boe duduu wa. Man má lɛ kɔ n din la, n tɔrɔn mɛnɛn dɔn bɛ́ re yii n kio, a saa kanna ganaa a wo miɛ̃, ma nə n lɛ koe bɛn dɔn la, yǎa duduu. Bɛa lɛ-kɔ kɛ lɛ n die masɛ biɛ n Lawa lɛa, a ma baa n tɔrɔn dɔn Lawa lɛa, ǹ mɛnɛn bɛ́ re yii n kio.

Bɔ bɛ̀rɛbaa nɛ 19:10

Dɛnaa pɛ-n doo: «Wo zaman lɛ li, n na a *yoreen kɔ pelo laanka biɛ̃ nɛ. A pɛ ǹ nɛ, mà ǹ nə ǹ mɔnaan pii,

Bɔ bɛ̀rɛbaa nɛ 20:2

«Ma din nə Dɛnaa lɛa, n Lawa lɛ nɛ, ma soo n ne, má n bɔ Ezipti gána a bɛ̀rɛbaa nɛ:

Bɔ bɛ̀rɛbaa nɛ 22:30

«Ka doamaa nɛ ka goã ma din wɔn lɛa. Bɛ̀ don siĩ baraan nə́ tɔɔ mɛn wɔ̃woɛ̃ kɔn don á gã, ka baran bɛ siĩ sɔ̃ wa. Ka zũ ginin la.»

Bɔ bɛ̀rɛbaa nɛ 6:7

Ma á re ǹ sii, ǹ goã ma din a zaman lɛa, ma dɔ goã ǹ dɔn Lawa lɛa. Ǹ tá re doɛ̃, mà ma din Dɛnaa lɛ nə ǹ Lawa lɛa, Lawa mɛn bɛ́ ǹ boe Ezipti minin nɔmaa ǹ dín li.

Ozee 11:1

«Má Izirayeli narɛ bɛ̀ a bɛ́ tɔn nɛ ten lɛa má maa nɛgiĩ bíi á bɔ Ezipti gána nɛ.

Lawa a wúlu-bɔlen 11:44

A giala, masɛ Dɛnaa Lawa din nə kaa Lawa lɛa. A bɛ́ miɛ̃, ka ka dinin kũ Lawa wɔn lɛa, ka goã yoreene, a giala, masɛ n yoreene. Bɛa màn baaran kɛ lɛ tumaa, tɔ we tán ǹ nɔ̀ la, ka baran gɔ̀ da ka dinin ganaa ka bɛ kɔn nɛ wa.

Lawa a wúlu-bɔlen 11:46

Tɔɔ mànan laanka don mànan wɔ paǹ li, bàanan nɛ, màn yiikoonaa mɛn tumaa bɛ́ mu li ka ǹ mɛnɛn bɛ́ n giɛrɛɛ tán ǹ nɔ̀ la, landa mɛn bɛ́ a tan, a din lɛ n ka bɛ nɛ.

Lawa a wúlu-bɔlen 19:2

Boo da ka Izirayeli zaman lɛ tumaa nɛ, n pɛ ǹ nɛ: Ka goã min *yoreen lɛa ka ma dinmaa bɛ́ yoreen lɔn, masɛ Dɛnaa Lawa din nə kaa Lawa lɛa.

Lawa a wúlu-bɔlen 19:36

Màn zɔɔ̃ ka kilo taãn nɛ, ka litiri taãn nɛ. Masɛ din Dɛnaa Lawa n kaa Lawa lɛa. Ma din ni má ka waa, má ka bɔ Ezipti gána nɛ.

Lawa a wúlu-bɔlen 20:7

Ka ka dinin kũ Lawa wɔn lɛa, ka goã *yoreene. A giala, masɛ din Dɛnaa Lawa n kaa Lawa lɛa.

Lawa a wúlu-bɔlen 22:33

Min mɛn nə ka waa á ka bɔ Ezipti gána nɛ, màn mɛn bɛ́ toɛ a goã kaa Lawa lɛa, masɛ din Dɛnaa Lawa nɛ.

Lawa a wúlu-bɔlen 25:38

Ma din Dɛnaa Lawa n kaa Lawa lɛa. Ma din ni má ka waa, má ka bɔ Ezipti gána nɛ, má n die Kanaan gána kɛ koe ka la, màn mɛn bɛ́ toɛ, ka masɛ baa kaa Lawa lɛa.

Lawa a wúlu-bɔlen 26:45

Ma á die maa lɛ kɔ kɔn la kɛ lɛ piɛ̃ ǹ wɔ paǹ li. A din lɛ kɔ kɔn la kɛ lɛ nɛ, ma doa kɔn ka bibinaadɛnan kɛn lɛn nɛ, ma ǹ mɛnɛn lɛn waa má ǹ bɔ Ezipti gána nɛ, tɔrɔ kɔsɔn yii ni, màn mɛn bɛ́ toɛ, ma goã ǹ Lawa lɛa. Masɛ din Dɛnaa Lawa má pɛ.

Minin nimi 15:40

Ka bɛ dɔ nɛ, ka tá re n taasɛ ka masɛ a dí-pɛn kɛn tumaa ni ka ǹ lɛ pã, ka goã *yoreene kaa Lawa lɛ wɔn lɛa.

Tesaloniki1 4:7

Lawa bie á wɔ bíi gɔgɔrɛbaa taman yii wa, a na á wɔ bíi yoreenbaa taman yii.

Zozoe 24:19

Zozoe tɔ́n pɛ zaman lɛ nɛ: «Ka nyan toa ka taasɛ mà dí nya Dɛnaa Lawa nɛ n sii nanaa lɛa wa. A giala, a n Lawa *yoreen lɛa, Lawa mɛn bɛ́ a ba li ka kɔsɔ ti asɛ ganaa wa. Kaa piãn sii kɛn laanka kaa sii baraan kɛn nɛ, a die bɛn toɛ ka nɛ wa.

Piɛrɛ1 1:16

A giala, a tá kiɛ̃-n Lawa a sɛ́wɔ nɛ: «Ka goã min yoreen lɛa ka ma dinmaa bɛ́ yoreen lɔn.»

Samayeli1 2:2

Dɛnaa Lawa miã banban ka siĩnbaa-n wa. Dɛnaa Lawa kɔsɔ banban, bɛ̀ n din lɛ bie wa. Màn kɔsɔ a wɔ tamaɛ ka wɔa Lawa bɛ́ lɔn wa.

Samayeli1 6:20

Bɛti-Semɛsi minin nə́ pɛ: «Die n die boe la a golee Dɛnaa Lawa yɔrɔ-a, bɛa Lawa *yoreen kɛ lɛ? A n die woe dien li, a n bɔ wɔsɛn li.»