Lawa a wúlu-bɔlen 11:24 - LAWA A BOO SONBORE

²⁴ Màn yiikoonaan tɛnɛn tan, bɛ̀ min gɔn mɛ ǹ ganaa, maǹ *gɔ̀ diɛ ǹ dɛnaa ganaa. Bɛ̀ min sã á n gɔn da ǹ gere ganaa, a n goɛ̃ gɔ̀dɛnaa lɛa yǎa wasa woe miɛ̃.

LAWA A BOO SONBORE 2011

²⁴ Màn yiikoonaan tɛnɛn tan, bɛ̀ min gɔn mɛ ǹ ganaa, maǹ *gɔ̀ diɛ ǹ dɛnaa ganaa. Bɛ̀ min sã á n gɔn da ǹ gere ganaa, a n goɛ̃ gɔ̀dɛnaa lɛa yǎa wasa woe miɛ̃.

Lawa a wúlu-bɔlen 11:24 ပူးပေါင်းရင်းမြစ်များ

Izayii 22:14

Sɛnɛ, Dɛnaa Lawa Pàãyiidɛnaa boo durii kɛ pɛ ma nɛ: «Ma nə n liɛ, ma a sii baraa kɛ toɛ ka-n duduu kaa yiikoonaabaa gɔ́ɔ̃-n wa.» Dɛnaa Lawa Pàãyiidɛnaa na á pɛ kɛnɛn.

Lawa a wúlu-bɔlen 11:23

Sɛnɛ, màn baaran kadɛnaa mɛn tumaa bɛ́, gòon sii dinsɔɔ̃ nə́ ǹ lon, ka nyan toa ka bɛn sɔ̃ wa.

Lawa a wúlu-bɔlen 11:25

Bɛ̀ min dɔ nə́ ǹ gere saa, ǹ dɛnaa doamaa nɛ a na a mɔnaa pii. Sɛnɛ, ǹ dɛnaa n goɛ̃ gɔ̀dɛnaa lɛa yǎa wasa woe miɛ̃.

Lawa a wúlu-bɔlen 11:31

Màn baaran tumaa bii, ka ga bɛn lɛn ganaa màn gɔgɔrɛn lɛa. Bɛ̀ ǹ mɛn gã, yǎa min nə n gɔn da a ganaa, ǹ dɛnaa n goɛ̃ gɔ̀dɛnaa lɛa yǎa wasa woe miɛ̃.

Lawa a wúlu-bɔlen 11:8

Ka doamaa bie ka bɛa mànan kɛn lɛn siĩ sɔ̃ wa. Ka ga ǹ ganaa màn gɔgɔrɛn lɛa.

Lawa a wúlu-bɔlen 14:46

Kion lɛ a kiɛnlɛn bɛ́ re n tiɛ̃ lɛawaan mɛnɛn tumaa gɔ́ɔ̃ nɛ, bɛ̀ min wɔ a nɛ bɛa biikoo kɛ li, ǹ dɛnaa n goɛ̃ gɔgɔrɛ yǎa wasa woe miɛ̃.

Lawa a wúlu-bɔlen 15:10

Màn woo màn, bɛa giĩ busulə lɛ giã la, bɛ̀ min mɛn nə́ n gɔn da bɛ ganaa, ǹ dɛnaa n goɛ̃ gɔ̀dɛnaa lɛa, yǎa wasa woe miɛ̃. Bɛ̀ min mɛn dɔ́ bɛ miã màn lɛ saa, ǹ dɛnaa doamaa nɛ a na a mɔnaan pii, a n zoo. Sɛnɛ, ǹ dɛnaa n goɛ̃ gɔ̀dɛnaa lɛa, yǎa wasa woe miɛ̃.

Lawa a wúlu-bɔlen 15:11

Bɛ̀ bɛa busu lɛ tɔrɔ tá min mɛn ganaa, bɛ̀ ǹ dɛnaa nə n gɔn pii wa, yǎa a n gɔn da min mɛn ganaa, ǹ dɛnaa doamaa nɛ, a na a mɔnaan pii, a n zoo. Sɛnɛ, ǹ dɛnaa n goɛ̃ gɔ̀dɛnaa lɛa, yǎa wasa woe miɛ̃.

Lawa a wúlu-bɔlen 15:15

Lawa a wúlu-bɔle die a bàanan lɛn goon baa sii baraa sawaa ǹ *wúlu màn lɛa, a ǹ goon baa wúlu màn tiɛ̃ lɛa. Wúlu-bɔle lɛ gɔ̀ bɔma-a ǹ landa zɛnaa bɛa giĩ lɛ a lɛa, kɔn yɛ ka Dɛnaa Lawa nɛ ǹ kion kɛ yɔrɔ-a, a kii mu a da a din li lɛ taman yii.

Lawa a wúlu-bɔlen 15:21

Bɛ̀ min mɛn nə́ n gɔn da a waa ǹ piì ganaa, ǹ dɛnaa doamaa nɛ a na a mɔnaan pii, a n zoo. Sɛnɛ, ǹ dɛnaa n goɛ̃ gɔ̀dɛnaa lɛa, yǎa wasa woe miɛ̃.

Lawa a wúlu-bɔlen 15:22

Bɛ̀ á giã màn mɛn la, bɛ̀ min mɛn kɔsɔ giã bɛ la, ǹ dɛnaa doamaa nɛ a na a mɔnaan pii, a n zoo. Sɛnɛ, ǹ dɛnaa n goɛ̃ gɔ̀dɛnaa lɛa, yǎa wasa woe miɛ̃.

Lawa a wúlu-bɔlen 15:23

Bɛ̀ màn mɛn tá a waa ǹ piì lɛ la, hinlaa a giã ǹ bǎã lɛ nɛ, bɛ̀ min mɛn nə́ n gɔn da bɛ ganaa, ǹ dɛnaa n goɛ̃ gɔ̀dɛnaa lɛa, yǎa wasa woe miɛ̃.

Lawa a wúlu-bɔlen 15:27

Bɛ̀ min mɛn nə́ n gɔn da ǹ ganaa, ǹ dɛnaa doamaa nɛ a na a mɔnaan pii, a n zoo. Sɛnɛ, ǹ dɛnaa n goɛ̃ gɔ̀dɛnaa lɛa yǎa wasa woe miɛ̃.

Lawa a wúlu-bɔlen 15:5

Bɛ̀ min mɛn nə́ n gɔn da bɛa piì lɛ ganaa, ǹ dɛnaa doamaa nɛ a na a mɔnaan pii, a n zoo. Sɛnɛ, ǹ dɛnaa n goɛ̃ gɔ̀dɛnaa lɛa, yǎa wasa woe miɛ̃.

Lawa a wúlu-bɔlen 15:6

Busulə lɛ giã màn mɛn la, bɛ̀ min mɛn giã bɛa màn lɛ la, ǹ dɛnaa doamaa nɛ, a na a mɔnaan pii, a n zoo. Sɛnɛ, ǹ dɛnaa n goɛ̃ gɔ̀dɛnaa lɛa yǎa wasa woe miɛ̃.

Lawa a wúlu-bɔlen 15:7

Bɛ̀ min mɛn nə́ n gɔn da busulə lɛ paǹ mɛn ganaa, ǹ dɛnaa doamaa nɛ a na a mɔnaan pii, a n zoo. Sɛnɛ, ǹ dɛnaa n goɛ̃ gɔ̀dɛnaa lɛa, yǎa wasa woe miɛ̃.

Lawa a wúlu-bɔlen 15:8

Min mɛn bɛ́ yoreene landa wɔ paǹ li, bɛ̀ giĩ busulə lɛ sɛ̀ kaa bɛ ganaa, ǹ dɛnaa doamaa nɛ a na a mɔnaan pii, a n zoo. Sɛnɛ, ǹ dɛnaa n goɛ̃ gɔ̀dɛnaa lɛa yǎa wasa woe miɛ̃.

Lawa a wúlu-bɔlen 16:26

Min mɛn butumu lɛ loo á woo kɔ Azazeli la, bɛ doamaa nɛ a na a mɔnaan pii, a n zoo, a tɔn wɔ Izirayeli minin giã ǹ bǎã kɛ nɛ.

Lawa a wúlu-bɔlen 16:28

Min mɛn bɛ́ re ǹ tiɛ̃, bɛa dɛnaa doamaa nɛ a na a mɔnaan pii, a n zoo, a tɔn wɔ Izirayeli minin giã ǹ bǎã kɛ nɛ.

Lawa a wúlu-bɔlen 22:4

Aarɔn tɔrɔn lɛn, bɛ̀ gɔ̀nɔn ki busu babaraa hinlaa kii mu a da a din li ǹ busu tá ǹ mɛn ganaa, bɛ̀ ka gɔ̀ bɔ ǹ dɛnaa-a wa, a doamaa bie a wúlu màn sonboren kɛn wɔ a lɛ-n wa. Gɔn da gere ganaa bɛ́ á gɔ̀ da min mɛn-a, bɛ̀ min mɛn nə́ n gɔn da bɛa dɛnaa ganaa, bɛa min lɛ nɛ, ka min mɛn giulun bɛ́ á pisəə, a din sii goon nə bɛn dɔn mìi ni.

Lawa a wúlu-bɔlen 22:5

Màn baaran hinlaa min mɛn a gɔn dama-a bɛ́ min gɔgɔrɛ koe, ta gɔgɔrɛbaa lɛ a tɔrɔ mɛn nɛ, bɛ̀ min mɛn dɔ nə́ n gɔn da bɛ mɛn ganaa, a din sii goon lɛ n bɛa dɛnaa dɔ mìi ni.

Lawa a wúlu-bɔlen 22:6

Bɛ̀ min mɛn nə́ n gɔn da bɛa mànan lɛn ganaa, ǹ dɛnaa n goɛ̃ gɔ̀dɛnaa lɛa yǎa wasa woe miɛ̃. Ǹ dɛnaa a boe la a wúlu màn sonboren kɛn wɔ a lɛ-n, bɛ̀ a ná a n zoo bɔrɔ wa.

Lawa a wúlu-bɔlen 5:2

Màn woo màn tá gɔgɔrɛ, bɛ̀ min nə́ n gɔn da bɛ ganaa a ná a dɔ̃ wa, ta don màn gɔgɔrɛ gere ne, ta tɔɔ màn hinlaa màn baaran gɔgɔrɛ gere ne, bɛa dɛnaa na á *gɔ̀ da a din ganaa, á dɔlɔ da a din mìi ni.

Lawa a wúlu-bɔlen 7:21

Màn woo màn, gɔ̀ ná a ganaa, ta minbuiin nɛ nɛ, ta tɔɔ nɛ gɔ̀ ná a ganaa, hinlaa ta màn gɔgɔrɛ mɛn tɔrɔ nɛ, bɛ̀ min nə́ n gɔn da bɛ ganaa, á wusoo á barka da Lawa nɛ ǹ wúlu màn kɛ a siĩ sɔ̃, bɛ mɛn bɛ́ Dɛnaa Lawa wɔ lɛa, ǹ bɛa dɛnaa bɔ ǹ bɔ Izirayeli tɔrɔbaa nɛ.

Minin nimi 19:7

Bɛ kio, Lawa a wúlu-bɔle lɛ die a na a mɔnaan pii, a n zoo mu li, a tɔn nə n bɔyaa a wo giã ǹ bǎã lɛ nɛ. Sɛnɛ, a n goɛ̃ gɔ̀dɛnaa lɛa yǎa wasa miɛ̃.

Korɛnti1 15:33

Ka nyan ka dinin yiri sã wa: «Koa-kun wole baraan man giã ǹ gɔn sonbore ziziɛ̃.»

Korɛnti2 6:17

Bɛ lɛ a lɛa nɛ, Dɛnaa pɛ: «Ka n bɔ ǹ li ka goã ka gɔrɔn, màn mɛn bɛ́ a yoreen ma, ka nyan wo bɛ wɔlɔ li wa, masɛ din tá re ka kuĩ doɛ̃.

Efɛɛzi minin 5:11

Ka baran kaa sii kaa kun ka wɔlɔ tì a sii kooron kɛn nɛ wa, ka bɛa sii kooron kɛn lɛn kaa wɔlɔ fúlu li dinin.

Kolɔɔsi minin 2:20

Ka ǹ ká gã kun ka Krita nɛ, Krita ka bɔ kanaa a màn pàãdɛnan pàã giulun. Wàa na á baa ka á ka dinin diɛ kanaa a sii-zɛnaa ǹ gɔnɔn pàã giulun, ka ǹ pɛ mà ka ǹ tɔn kanaa wɔn lɛa doo? Wàa na á baa ka á toɛ, ǹ tá kɛn miãn diɛ ka mìi-n doo?

Ebrəə 9:26

Bɛ̀ Krita na á baa miɛ̃, bɛ̀ a kũ kanaa giala-koe ganaa, bɛ̀ a doamaa nɛ a fuu yɛ gunyin damata. Sonbore, Krita na á zɛnaa gunyin goon toto, giala-nyɔmiɛ biikoo kɛ li, á daa, á sii baraa nya ka a din kɔ wúlu màn lɛa barka nɛ.

Zaã1 1:7

Sɛnɛ, bɛ̀ wɔ á tɔ we wɔlɔ fúlu li, ka Lawa din bɛ́ wɔlɔ fúlu li lɔn, wɔ á re kaa-kun sonbore yii ka wɔ miãn nɛ. A Nɛgiĩ Yezu mà kɛ n wɔ *yoreen koe, a wɔ bɔ wɔa sii baraa tumaa nɛ.