Lawa a wúlu-bɔlen 10:6 - LAWA A BOO SONBORE

⁶ Muizu tɔ́n pɛ a nɛgiĩ min paa kɔsɔn kɛn manɛ, Eleyazaara laanka Itamaara nɛ: Ka baran n mìi ka toa lɔloɛ-n kɔn wa, ka baran kaa mɔnaan tɔtoɛ̃, ka pɛ mà ka n kaa foo ziziɛ̃ nyɛɛ wa. Bɛ̀ ka bɛ zɛnaa, ka á re giɛ̃. Ka á re toɛ dɔn, Lawa foo yoo zaman lɛ tumaa li. Dɛnaa Lawa min mɛnɛn lɛn dɛ ka tɛ nɛ, ka toa ka dɔɔ̃n Izirayeli minin gialakunun tumaa bɛn gɛ̀ wuu pɛ.

LAWA A BOO SONBORE 2011

⁶ Muizu tɔ́n pɛ a nɛgiĩ min paa kɔsɔn kɛn manɛ, Eleyazaara laanka Itamaara nɛ: Ka baran n mìi ka toa lɔloɛ-n kɔn wa, ka baran kaa mɔnaan tɔtoɛ̃, ka pɛ mà ka n kaa foo ziziɛ̃ nyɛɛ wa. Bɛ̀ ka bɛ zɛnaa, ka á re giɛ̃. Ka á re toɛ dɔn, Lawa foo yoo zaman lɛ tumaa li. Dɛnaa Lawa min mɛnɛn lɛn dɛ ka tɛ nɛ, ka toa ka dɔɔ̃n Izirayeli minin gialakunun tumaa bɛn gɛ̀ wuu pɛ.

Lawa a wúlu-bɔlen 10:6 ပူးပေါင်းရင်းမြစ်များ

Samayeli2 24:1

Ǹ kɔn pinaa doo, Dɛnaa Lawa foo wusoo á yoo Izirayeli minin lɛn li. Á Davida nyɛnaa á da ǹ ganaa, á pɛ nɛ: «woo, n Izirayeli minin lɛn laanka Zudaa minin lɛn nimi.»

Ɛsidrasi 7:5

Abisuwa wɔ n ka Bukii ni, Fineasi wɔ n ka Abisuwa nɛ, Eleyazaara wɔ n ka Fineasi ni, Lawa a wúlu-bɔlen kiã Aarɔn wɔ n ka Eleyazaara nɛ.

Bɔ bɛ̀rɛbaa nɛ 33:5

A giala, Dɛnaa na á pɛ Muizu ni, mà a pɛ Izirayeli nɛnyaanan lɛn manɛ: «Ka n tɔrɔ too kaka-a lɛa. Bɛ̀ ma biikoo boɛɛn kooro saa, ma tɔ wɔ kun ka nɛ, ma tɔn ka dɛ, ma ka nya kooro. Kanna kəni, ka kaa nyaǹ bɔ ǹ mànan waa ka ǹ kaa tán, ma doamaa bɛ́, ma màn mɛn zɛnaa ka nɛ, ma á re bɛ doɛ̃.»

Bɔ bɛ̀rɛbaa nɛ 6:23

Aarɔn Elizabɛti saa lɔ lɛa, Aminaadaabuu a nɛlɔ nɛ, Nasɔn ǹ miãnɛn nɛ. Á Nadaabu laanka Abiu, ka Eleyazaara laanka Itamaara yɛ la.

Zeremii 7:29

Dɛnaa Lawa pɛ: Zudaa a zaman, ń mìi ka sɔsɔrɔ kɛ kuru, n zũ, ǹ mɛn lɛ bɛ́ nyɛɛ mà maǹ nə́ n bɔ ǹ nə́ n koa ma din wɔ lɛa. Gɛ̀ loen lɔ tenten mìi kooro-an kɛn la. N miãlɛ tumaa ma foo yoo. Ma ba n li doo wa, Má n tii.

Lawa a wúlu-bɔlen 13:45

Gɔ̀nɔn ki busu babaraa lɛ bɛ́ min mɛn ganaa, ǹ dɛnaa doamaa nɛ, a na a mɔnaan tɔtoɛ̃ ka gɛ̀ na á gã la, a n mìi ka toa lɔloɛn kɔn, a pii kɔ a lɛ lɛ, a n lɛ dɛ a pɛ: Man gɔ̀dɛnaa lɛa! Man gɔ̀dɛnaa lɛa!

Misee 1:16

Zeruzalɛmu minin lɛn, ka n mìi kɔɔ̃. Ka zèwon bɛ́ lɔn, ka nyan ka toa ka mìi-n wa, kaa là-paparɛɛ taman yii, kaa nɛnyaanan kɛn lɛn lɛa, ka tá ǹ narɛ. A giala, maǹ die ǹ goɛ, ǹ wo ǹ ne bɛ̀rɛbaa ǹ bǎã nɛ, ǹ wɔlɔ lui ka ganaa.

Minin nimi 1:53

Sɛnɛ, Levii tɔrɔn kɛn, bɛn die ǹ nə ǹ giã ǹ bǎãn dɔdoa, ǹ lɛ kɔ kɔn la ǹ boon koa ǹ mɔnaa zìã lɛ da bii ni, màn mɛn bɛ́ toɛ masɛ foo baran yoo Izirayeli zaman lɛ li wa. Levii tɔrɔn man die lɛ kɔ kɔn la ǹ boon koa ǹ mɔnaa zìã lɛ a dí nyɛɛ.»

Minin nimi 14:6

Min mɛnɛn nə goã ǹ nə́ woo ga gána lɛ ganaa, bɛn min paa, Nunu a nɛgiĩ Zozoe laanka Zefunee a nɛgiĩ Kalɛbu ni, foo ziziɛ̃ taman yii, ǹsɛn nə́ ǹ dɔnkɛn tɔtoɛ̃,

Minin nimi 16:22

Bɛ kio, Muizu laanka Aarɔn na, ǹ nə́ kaa tán ǹ lɛ la, ǹ nə́ pɛ: «Ee Lawa! Nsɛ mɛn bɛ́, da ǹ màn din tumaa a fɔfoã nə́ n gɔn, n foo n die yui zaman lɛ tumaa li, a da yǎa min goon dinsɔɔ̃ na á sii baraa zɛnaa?»

Minin nimi 18:5

Ka dininmaan man die bǎã sonbore kɛa dí nyɛɛ, ka wúlu bɔ ǹ bǎã kɛ wɔ nɛ, màn mɛn bɛ́ toɛ masɛ foo baran yoo, Izirayeli minin lɛn li doo wa.

Minin nimi 20:25

N din Muizu Aarɔn kũ, ka Aarɔn a nɛgiĩ Eleyazaara nɛ, n dii ǹ ni Hɔɔrɔ kele lɛ mìi ni.

Minin nimi 5:18

A die a da ka lɔ lɛ nɛ Dɛnaa Lawa yɔrɔ-a, a pii bɔ a mìi lɛ, a yiri gisĩ sii ni ǹ màn kɛ da a gɔn, zu-bɔ ǹ Lawa gɔ ǹ màn ke. Bɛa biikoo lɛ gɔ́ɔ̃ nɛ, mu kɔɔsɛ ke die ka koe ne, bɛ die a goã Lawa a wúlu-bɔle lɛ dinmaa gɔn.

Timəə dí-pɛn 33:9

Ǹ nə́ n din narɛ á la ǹ díin laanka ǹ náan manɛ, ǹ nə́ n piã ka ǹ dɔɔ̃nɔn nɛ n din a lɛa, ǹ nə́ ǹ nɛnyaanan tii n din a lɛa. Ǹ nə́ n boo kɛ tamaa, ǹ nə́ n yiri koa n lɛ kɔ kɔn la lɛ li.

Zozoe 22:18

Kasɛn dɔn bɛ́ yui n niɛ n boe Dɛnaa Lawa ganaa pelo, ka nə́ n piɛ̃, biɛ̃ biɛ̃, a foo n die yui wɔsɛn Izirayeli zaman kɛ tumaa li.

Zozoe 22:20

Mànan mɛnɛn doamaa bɛ́ a bie ka goa-n wa, Zeraa a nɛgiĩ Aakan bɛ́ á ǹ goa, Dɛnaa Lawa foo bie á busu Izirayeli zaman lɛ tumaa li á dɔlɔ da ǹ mìi-n wa? Ka bɛ dɔ nɛ, a dinsɔɔ̃ bie á gã a sii baraa kɛ lɛ a zɛnaa taman yii wa.»

Zozoe 7:1

Sɛnɛ, Izirayeli minin lɛn nə́ Lawa bɔlɔ tii. Dɛnaa Lawa bɛ́ á n gɔn waa ǹ nɛ, mà ǹ baran màn kɔn saa Zerikoo kiwi lɛ a yui pinaa wa, min yɛ ǹ bii á màn saa. Zudaa tɔrɔn kɛn min goon ne. A tɔ n Aakan, ǹ di tɔ n Karmii. Karmii lɛ n Zabdii a nɛgiĩ lɛa, Zabdii dɔ n Zeeraa a nɛgiĩ lɛa. Bɛa sii lɛ na á toa Dɛnaa Lawa foo yoo Izirayeli minin lɛn li parsiini.

Zozoe 7:11

Izirayeli minin lɛn man nə́ sii baraa zɛnaa. Ma ǹ kurəə sii mɛn a zɛnaa ganaa, maǹ nə́ bɛ zɛnaa. Ma ǹ kurəə mànan mɛnɛn goa ganaa, maǹ nə́ bɛn goa. Maǹ nə́ ǹ koã dinin, ǹ nə́ ǹ duru, ǹ nə́ ǹ kaa kun ka ǹ mànan nɛ.