KZS2 9:4 - LAWA A BOO SONBORE

⁴ Salomɔn goã màn mɛn bii a tabala la, a dí-nyalin nə goã wɛɛ maa, a kion dí-nyalin nə goã dí nyɛɛ lɔn, ǹ goã mɔnaan mɛnɛn we ǹ ganaa, min mɛnɛn nə goã Salomɔn a màn-bii koe la, ǹ goã mɔnaan mɛnɛn we, Salomɔn goã wúlu mànan mɛnɛn tiɛ̃ Dɛnaa Lawa a kion kɛ nɛ, kii lɔ lɛ bɛ́ á bɛn yɛ, á n kaãbaa ǹ ganaa parsiini.

LAWA A BOO SONBORE 2011

⁴ Salomɔn goã màn mɛn bii a tabala la, a dí-nyalin nə goã wɛɛ maa, a kion dí-nyalin nə goã dí nyɛɛ lɔn, ǹ goã mɔnaan mɛnɛn we ǹ ganaa, min mɛnɛn nə goã Salomɔn a màn-bii koe la, ǹ goã mɔnaan mɛnɛn we, Salomɔn goã wúlu mànan mɛnɛn tiɛ̃ Dɛnaa Lawa a kion kɛ nɛ, kii lɔ lɛ bɛ́ á bɛn yɛ, á n kaãbaa ǹ ganaa parsiini.

KZS2 9:4 ပူးပေါင်းရင်းမြစ်များ

Kiin1 10:5

Salomɔn goã màn mɛn bii a tabala la, a dí-nyalin nə goã wɛɛ maa, a kion dí-nyalin nə goã dí nyɛɛ lɔn, ǹ goã mɔnaan mɛnɛn we, min mɛnɛn nə goã Salomɔn a màn-bii koe la, Salomɔn goã wúlu mànan mɛnɛn tiɛ̃ Dɛnaa Lawa a kion kɛ nɛ, kii lɔ lɛ bɛ́ á bɛn yɛ, á n kaãbaa ǹ ganaa parsiini.

Kiin1 5:2

Salomɔn a kion a pinin goon màn-bii na á goã *wùsu sonbore tɔnɔ manangɔrɔ, wùsu tɔnɔ fulukiwisi,

Kiin1 5:3

dii toe kasiɛ̃ fù, zìã dii fuə ka sère paabiɛ nɛ. Bɛa tɔɔn kɛn dininsɔɔ̃nɔn bie wa, yuùnun dɔn tán, tiaãn nɛ, woreen ne ka màn kanaan mɛnɛn bɛ́ ǹ tá ǹ toe.

Kiin2 16:18

Ǹ goã ǹ nə́ dàã mɛn dɔ Dɛnaa Lawa a kion lɛ nɛ, *susu ǹ pii pinaa wɔ lɛa, Asiirii gána a kii lɛ taman yii, Ahaazi bɛ bɔyaa kion lɛ nɛ, ka kii a wɔ ǹ bǎã kɛ nɛ kanaa.

KZS1 9:18

Ǹ dinin lɛn tɔrɔn man ke tɔn dí nyɛɛ kii a kiɛnlɛ kɛ lɛ-a lɛ̀giala gɔn la, a da pelo yaa. Ǹ digolon man nə́ goã Levii tɔrɔn giã ǹ bǎã a kiɛnlɛ-lɛduə̃lin lɛa.

KZS2 23:13

A sii mɛn yɛ á ke: Kii lɛ n golee-n lon banbaran la Lawa a kion lɛ a kiɛnlɛ-a. Sɔraasin nyɛɛnaandɛnan laanka bɛn-pɛlen nə́ mɔrɛɛ nɛ a ganaa. Zaman tumaa foo n kɔɔ̃nɛ, bɛ̀-dɛlen man bɛnən pii, loe-lɔlin màn sàn kɔ ǹ mànan dii, ǹ nə́ tɔ bɔ ǹ loe nyɛɛnaan boe. Ataalii ná a mɔnaan tɔtoɛ̃ a nə́ n lɛ dii: «Ǹ nə́ ma sã, ǹ nə́ ma sã.»

KZS2 9:3

Sabaa ǹ kii lɔ Salomɔn a yiri woorobaa ǹ boon kɛn ma. A kii kion mɛn dɔ a din wɔ lɛa, á bɛ yɛ,

KZS2 9:5

Á tɔ́n pɛ kii Salomɔn lɛ nɛ: «Ma goã n toɛ maa gána nɛ, má n màn mɛn miɛ n da ǹ boon laanka n sii-doɛ̃ lɛ wɔ paǹ li, taãn nɛ.

Nehemii 1:11

E, Dɛnaa Lawa, n too da doɛ̃ maa nyankɔ li. Ǹ dí-nyalin mɛnɛn bɛ́ giɛ li ǹ nyɛ́ɛ baa n nɛ, n too da doɛ̃ bɛn dɔn nyankɔ li. Toa maa sii bǐɛ̃ kɔ pelo, n toa dɔn bɛa kii kɛ lɛ makara bɔ ma ganaa! Bɛa biikoo lɛ li, bɛ̀ man kii lɛ a mi ǹ mànan kɔ ma la wole lɛa.

Loen 119:81

Man má n foo doa n din a da ǹ boo ganaa. Má n yii da n kirisibaa kɛ la, má nɔmaa.

Loen 143:7

N nanaa Dɛnaa Lawa, n ma lɛ si. Á ke ma gù yii gã ma din-a. N baran n wàã kɔ ma-n wa. Bɛ bie wa, maa wɔ na á nya.

Suusun 9:5

«Ka da màn bii, ka duvɛ̃ mi.

Loe kɔɔ̃n kɔɔ̃n 5:8

Zeruzalɛmu nɛlɔn lɛn, ma gɛlɛɛ ka nɛ! Bɛ̀ ka n na ma din foo dùũ wɔ lɛ nɛ, ka die ka pɛ-n kaa, mà kɔn-narɛɛ na á busu baa ma ganaa.

Ezekieli 44:3

Sɛnɛ, goledɛnaa lɛ sɛ, a goledɛnaabaa taman yii, bɛ á re giɛ̃ tán walan, a màn bii tán masɛ Dɛnaa Lawa yɔrɔ-a. A n die we ka dàã li a kiɛnlɛ kɛ nɛ, a wusoo a soo ka bɛ lɛ nɛ.»

Ezekieli 46:2

Bɛ̀ goledɛnaa lɛ á boe kanaa die, a doamaa nɛ a wɔ ka dàã a kiɛnlɛ kɛ nɛ, a wo n naa kiɛnlɛ lɛ a gɔnɔn ganaa. Bɛ kio, wúlu-bɔlen lɛn na a *wúlu màn tiɛ̃ laanka a barka da Lawa nɛ ǹ wúlu mànan kɔ Lawa la. Bɛ kio, goledɛnaa lɛ nə n zuməə tán kiɛnlɛ lɛ baãbii a tɔn soo. Sɛnɛ, kiɛnlɛ lɛ n die goɛ̃ koo miɛ̃, yǎa wasamiɛ̃nɛ.

Matiə 6:29

Bɛ din tumaa kio, masɛ n pii ka nɛ, kii Salomɔn laanka a naforodɛnaabaa kɛ lɛ din ni, a wɔ ǹ mɔnaan nə goã siĩni ka da buũn kɛn lɛn kɔ́n bɛ́ lɔn wa.

Luku 12:37

Bɛa dɛnaagiĩ lɛ a dí-nyalin mɛnɛn bɛ́, á re die yiɛ ǹ yii n koo, bɛn foo á re kɔɔ̃n koe. Sonbore, masɛ n pii ka nɛ, dɛnaagiĩ lɛ din nə die n yɔrɔ boe, a ǹ dininmaan kaa tán, a màn-bii kɔ ǹ la.

Sii-nyaan 1:17

Ma bɛ́ má yɛ, má bɔ má mɛnaa a giulun ka gere bɛ́ lɔn. Á n gusin da ma la, á pɛ: «N nyan nyɛ́ɛ baa wa! Ma din nə bibinaa lɛa, ma din nə giala-nyɔmɔɔ dɔ lɛa.

Sii-nyaan 3:20

N too kɔ, ma tá n kiɛnlɛ-a, man dii. Bɛ̀ min mɛn ma lɛn ma, a ná a kiɛnlɛ bũ ma nɛ, ma á re we ǹ dɛnaa a kion, ma màn bii kun ni, wɔ dinin min paa.