KZS2 8:13 - LAWA A BOO SONBORE

¹³ Ka Muizu bɛ́ á baraabaraa a wúlu bɔ yɔrɔ nyaa ǹ nɛ lɔn, á wúlu mànan kɔ susu ǹ piin pinaa, mui diin lɛawaa bibinaan pinaa, ka lɛ̀ a zɔ́n dadaraa sɔɔn kɛn nɛ: *yɔ bùbaã buuru zɔ́n, kaa-piɛ ǹ zɔ́n, ka *giã siã giulun zɔ́n.

LAWA A BOO SONBORE 2011

¹³ Ka Muizu bɛ́ á baraabaraa a wúlu bɔ yɔrɔ nyaa ǹ nɛ lɔn, á wúlu mànan kɔ susu ǹ piin pinaa, mui diin lɛawaa bibinaan pinaa, ka lɛ̀ a zɔ́n dadaraa sɔɔn kɛn nɛ: *yɔ bùbaã buuru zɔ́n, kaa-piɛ ǹ zɔ́n, ka *giã siã giulun zɔ́n.

KZS2 8:13 ပူးပေါင်းရင်းမြစ်များ

Kiin1 9:25

Salomɔn goã á *wúlu bɔ ǹ bǎã mɛn dɔ á kɔ Dɛnaa Lawa la, a na á goã wúlu boe walan ka *wúlu màn tiɛ̃ laanka zɔɔ da Lawa nɛ ǹ wúlu màn nɛ, gunyin sɔɔ lɛ̀ goon gɔ́ɔ̃ nɛ. Wúlu bɔ ǹ bǎã mɛn dɔ goã Dɛnaa Lawa yɔrɔ-a, á goã da yon gìĩ kɔɔ̃n tiɛ̃ bɛ la. Salomɔn Lawa a kion lɛ a dí yii mìi naa.

KZS2 2:3

Taãn nɛ, man zoɛ̃ li máa ma kion dɔ, Dɛnaa Lawa, maa Lawa tɔ bɔ ǹ wɔ lɛa. Izirayeli minin man die bɛa kion kɛ lɛ koe a din la. Ǹ tá re *wúlu màn gìĩ kɔɔ̃n tiɛ̃ a wɔ lɛa walan, ǹ buuru sonbore kɔ la biikoo tumaa li, ǹ wúlu màn tiɛ̃ kɔ la walan babaraa, baayɛlɛ ka wɔsamiɛ̃nɛ, *susu ǹ pii pinaa nɛ ka mui dii a bɔ pinaa nɛ ka Dɛnaa Lawa, wɔa Lawa a zɔ́n pinaan nɛ. Landan manɛ, Izirayeli minin doamaa nɛ ǹ kɔ lɛ yǎa duduu.

Nehemii 8:17

Zaman lɛ din tumaa, ǹ mɛnɛn lɛn nə bɔ bɛ̀rɛbaa ǹ bǎã lɛ nɛ ǹ nə́ daa, ǹ nə́ siãn dɔ ǹ nə́ giã ǹ nɛ. A da yaa, a kũ Nunu a nɛgiĩ Zozoe a biikoo ganaa, a da dɔ bɛa pinaa kɛ lɛ ganaa, Izirayeli minin lɛn nə tɔn bɛ miã tɔrɔ zɛnaa wa. Á nyɛnyɛɛ gole baa.

Bɔ bɛ̀rɛbaa nɛ 34:22

«Ka die ka kaa wuru màn lɛ bibinaa zɔ́n zɛnaa, kaa màn-kurii bibinaan kɛn biikoo li. Ka *kaa-piɛ zɔ́n kɛ dɔ zɛnaa lɛ̀ a nya biikoo li.

Bɔ bɛ̀rɛbaa nɛ 34:23

«Gunyin sɔɔ lɛ̀ gɔ́ɔ̃ nɛ, kaa zaman lɛ a giĩn die ǹ da masɛ Mìinaa yɔrɔ-a, ma din Dɛnaa lɛ, Izirayeli a Lawa lɛa.

Ezekieli 45:17

Sonbore, wúlu màn tiɛ̃n kɛn nɛ, Lawa gɔ ǹ mànan laanka a gɔ ǹ duvɛ̃ kɛ nɛ, ǹ bɛ́ ǹ mɛnɛn koe la zɔ́nɔn biikoo li, mui dii zɔ́nɔn nɛ, *susu ǹ pii pinaan nɛ, Izirayeli tɔrɔn lɛn zɔ́nɔn tumaa a biikoo li. Goledɛnaa lɛ din doamaa nɛ a sii baraa sawaa ǹ wúlu kɛ a màn bɔ, Lawa gɔ ǹ wɔ nɛ, wúlu màn tiɛ̃ wɔ nɛ, zɔ́ɔ da Lawa nɛ ǹ wúlu wɔn nɛ, a Izirayeli tɔrɔn lɛn sii baraa sawaa ǹ wúlu bɔ ǹ nɛ.

Timəə dí-pɛn 16:16

Kaa Lawa, Dɛnaa Lawa din bɛ́ re bǎã mɛn lɛ boe, lɛ̀ goon gɔ́ɔ̃ nɛ, kaa giĩn tumaa doamaa nɛ ǹ wo n dinin nyaa a yɔrɔ-a walan, gunyin sɔɔ: *yɔ bùbaã buuru zɔ́n li, kaa-piɛ ǹ zɔ́n li ka giã siã giulun zɔ́n nɛ. Sɛnɛ, ǹ nyan toa ǹ wo Lawa yɔrɔ-a ka ǹ gɔn kooro-n wa.