KZS2 7:9 - LAWA A BOO SONBORE

⁹ A lɛawaa kiwisibaa ǹ wɔ pinaa, zɔ́n gole na a tan a giala Izirayeli minin lɛn man nə́ wúlu bɔ ǹ bǎã yoreen kɔ ǹ zɔ́n zɛnaa lɛawaa sɔbaa, ǹ nə́ zɔ́n zɛnaa lɛawaa sɔbaa.

LAWA A BOO SONBORE 2011

⁹ A lɛawaa kiwisibaa ǹ wɔ pinaa, zɔ́n gole na a tan a giala Izirayeli minin lɛn man nə́ wúlu bɔ ǹ bǎã yoreen kɔ ǹ zɔ́n zɛnaa lɛawaa sɔbaa, ǹ nə́ zɔ́n zɛnaa lɛawaa sɔbaa.

KZS2 7:9 ပူးပေါင်းရင်းမြစ်များ

Kiin1 8:2

Izirayeli minin tumaa nə́ n lɛ sɔkɔn kii Salomɔn li, *Etaanimu mui ni, mui mɛn lɛ á ke lɛ̀ a mui a sɔbaabaa ǹ wɔ lɛa.

Kiin1 8:65

Salomɔn laanka Izirayeli minin tumaa bɛa zɔ́n lɛ zɛnaa kun bɛa biikoo lɛ li. Ǹ nə́ goã zaman gole lɛa, ǹ nə́ bɔ gána lɛ paǹ tumaa ganaa, ǹ nə́ daa n sɔkɔn. A n siɛ Lebo-Amaati kiwi ganaa, gɔsɛ a lɛ̀gɔn la a da Ezipti a lɛ̀ giala gɔn la tà kɛ yaa, gusin a lɛ̀gɔn la. Ǹ nə́ zɔ́n lɛ zɛnaa Dɛnaa Lawa yɔrɔ-a lɛawaa fúlusii: Lɛawaa sɔbaa bɔrɔ bɛ kio doo lɛawaa sɔbaa.

KZS2 30:23

Zaman lɛ tumaa golee li mà ǹ màn da zɔ́n lɛ li yǎa lɛawaa sɔbaa kɔsɔ doo, ǹ nə́ zɛnaa ka foo kɔɔ̃n nɛ.

KZS2 7:10

Bɛ kio, lɛ̀ a mui sɔbaabaa ǹ wɔ a lɛawaa fuəwensɔɔ, kii nə n gɔn bɔ ǹ ganaa ka nyɛnyɛɛ nɛ ǹ foo piɛ̃, ǹ nə́ woo piɛ. Ǹ foo n kɔɔ̃nɛ, a giala mà Lawa bǐɛ̃ zɛnaa Davida a nɛ Salomɔn nɛ ka a zaman Izirayeli ni.

Nehemii 8:18

A saa zɔ́n lɛ a giala-kɔ pinaa ganaa, Lawa dí-pɛn sɛ́wɔ lɛ na á goã n pii, baraabaraa yǎa zɔ́n lɛ a nya pinaa. Maǹ nə́ zɔ́n lɛ zɛnaa lɛawaa sɔbaa, a lɛawaa kiwisibaa ǹ wɔ pinaa, a kɔnpɛ ka a yɔrɔ bɔ ǹ gɔn nɛ, ǹ nə́ n sɔkɔn ǹ nə́ zɔ́n lɛ a zɛnaa gɔn nyɔmɔ.

Bɔ bɛ̀rɛbaa nɛ 29:37

Bɛ dɔ a siin zɛnaa doamaa nɛ, ǹ belebɔ yǎa lɛawaa sɔbaa. Bɛ tumaa kio kəni, wúlu bɔ ǹ bǎã lɛ á re goɛ̃ bǎã sonbore sonbore lɛa, min hinlaa màn mɛn bɛ́ re n loe a ganaa, bɛ á re soɛ̃ màn biɛ.

Zowɛli 1:14

Ka lɛawaa bɔ, ka n lɛ sɔɔ bɛ li. Ka zaman bii a tɔ-a, ka min golen lɛ sɔkɔn, ka gána lɛ a minin tumaa nɛ, Dɛnaa, kaa Lawa a kion kɛ nɛ, ka goã-kũ da Dɛnaa Lawa ganaa.

Lawa a wúlu-bɔlen 23:36

Lɛawaa sɔbaa lɛ gɔ́ɔ̃ nɛ, ka wúlu mànan tã masɛ Dɛnaa Lawa wɔ lɛa babaraa. A lɛawaa kiwisibaa ǹ wɔ pinaa, ka n lɛ sɔkɔn ka masɛ guguru kɔ, ka wusoo ka wúlu mànan tã masɛ wɔ lɛa doo. Zɔ́n lɛ a nya pinaa n ka bɛ nɛ. Ka bɛ́ dín mɛnɛn nyɛɛ babaraa, ka nyan toa ka bɛ kɔn nya bɛa pinaa wa.

Minin nimi 7:10

Ǹ bɛ́ ǹ nə́ nyɔɔ sonbore lɔ wúlu bɔ ǹ bǎã kɛ ganaa ǹ mɛn pinaa, nyɛɛnaandɛnan lɛn nə́ daa ka Lawa gɔ ǹ mànan nɛ, wúlu bɔ ǹ bǎã lɛ a kɔ Lawa la ǹ wɔ lɛa. Nyɛɛnaandɛnan lɛn man nə́ daa ka ǹ Lawa gɔ ǹ mànan lɛn nɛ, wúlu bɔ ǹ bǎã lɛ yɔrɔ-a.

Timəə dí-pɛn 16:8

Lɛawaa sɔrɔ gɔ́ɔ̃ nɛ, yɔ bù bɛ́ a ba buuru mɛn li wa, ka bɛ sɔ̃. A lɛawaa sɔbaabaa ǹ wɔ pinaa, ka n lɛ sɔkɔn kaa Lawa, Dɛnaa Lawa lɛ tɔ-bɔ a lɛa. Ka nyan toa ka dí kɔn nyan bɛa pinaa wa.